ਲੁਧਿਆਣਾ ਜੀਟੀ ਰੋਡ ਪੁਲ਼ ਹੇਠਾਂ ਟਰੱਕ ‘ਚੋਂ 26 ਨਗ ਚੋਰੀ, ਦੋ ਮੁਲਜ਼ਮ ਗ੍ਰਿਫ਼ਤਾਰ

ਲੁਧਿਆਣਾ : ਸੇਖੇਵਾਲ ਵਿਖੇ ਜੀ ਟੀ ਰੋਡ ਪੁਲ ਹੇਠਾਂ ਰਾਤ ਸਮੇਂ ਖੜ੍ਹੇ ਟਰੱਕ ਚੋਂ ਤਿੰਨ ਵਿਅਕਤੀਆਂ ਨੇ 26 ਨਗ ਚੋਰੀ ਕਰ ਲਏ । ਜਾਂਚ ਦੌਰਾਨ ਥਾਣਾ ਦਰੇਸੀ ਪੁਲਸ ਨੇ 2 ਵਿਅਕਤੀਆਂ ਨੂੰ ਗ੍ਰਿਫਤਾਰ ਕਰ ਲਿਆ। ਉਸ ਦੇ ਤੀਜੇ ਸਾਥੀ ਦੀ ਭਾਲ ਕੀਤੀ ਜਾ ਰਹੀ ਹੈ। ਮੁਲਜ਼ਮਾਂ ਦੇ ਖਿਲਾਫ ਕੇਸ ਦਰਜ ਕੀਤਾ ਗਿਆ ਅਤੇ ਗ੍ਰਿਫਤਾਰ ਕੀਤੇ ਗਏ ਲੋਕਾਂ ਨੂੰ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ ਸੀ। ਜਿੱਥੋਂ ਦੋ ਦਿਨ ਦਾ ਰਿਮਾਂਡ ਹਾਸਲ ਕਰਕੇ ਸਖਤੀ ਨਾਲ ਪੁੱਛਗਿੱਛ ਕੀਤੀ ਜਾ ਰਹੀ ਹੈ।

ਏ ਐੱਸ ਆਈ ਹਰਭਜਨ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਦੀ ਪਛਾਣ ਆਸ਼ੀਆਨਾ ਕਾਲੋਨੀ ਵਾਸੀ ਗੌਰਵ ਵਰਮਾ ਤੇ ਏਕਤਾ ਕਾਲੋਨੀ ਵਾਸੀ ਦੀਪ ਕੁਮਾਰ ਵਜੋਂ ਹੋਈ ਹੈ। ਪੁਲਸ ਬਾਵਾ ਕਾਲੋਨੀ ਦੇ ਰਹਿਣ ਵਾਲੇ ਤਰੁਣ ਕੁਮਾਰ ਦੀ ਭਾਲ ਕਰ ਰਹੀ ਹੈ। ਪੁਲਸ ਨੇ ਸ਼ਿਕਾਇਤ ਤੇ ਜਲੰਧਰ ਦੇ ਬੰਦਾ ਬਾਹਦਰ ਨਗਰ ਦੇ ਰਹਿਣ ਵਾਲੇ ਜਸਮੀਤ ਸਿੰਘ ਖਿਲਾਫ ਮਾਮਲਾ ਦਰਜ ਕਰ ਲਿਆ।

ਆਪਣੇ ਬਿਆਨ ‘ਚ ਉਨ੍ਹਾਂ ਕਿਹਾ ਕਿ ਉਹ ਟਰਾਂਸਪੋਰਟਰ ਦਾ ਕੰਮ ਕਰਦੇ ਹਨ। 2 ਅਪ੍ਰੈਲ ਨੂੰ ਉਸ ਦਾ ਟਰੱਕ ਡਰਾਈਵਰ ਮੁਕੇਸ਼ ਮਾਲ ਲੋਡ ਕਰਨ ਤੋਂ ਬਾਅਦ ਦਿੱਲੀ ਤੋਂ ਜਲੰਧਰ ਲਈ ਰਵਾਨਾ ਹੋਇਆ ਸੀ। ਰਾਤ ਨੂੰ ਉਹ ਟਰੱਕ ਸੇਖੇਵਾਲ ਪੁਲ ਦੇ ਹੇਠਾਂ ਖੜਾ ਕੇ ਅੰਦਰ ਸੌਂ ਗਿਆ। ਮੁਲਜ਼ਮ ਟਰੱਕ ਚ ਲੱਦੇ ਟਰੱਕਾਂ ਦੇ 26 ਨਗ ਚੋਰੀ ਕਰਕੇ ਫਰਾਰ ਹੋ ਗਏ। ਅਗਲੀ ਸਵੇਰ ਜਾਗਣ ਤੋਂ ਬਾਅਦ, ਮੁਕੇਸ਼ ਨੂੰ ਚੋਰੀ ਬਾਰੇ ਪਤਾ ਲੱਗਿਆ। ਜਿਸ ਤੋਂ ਬਾਅਦ ਪੁਲਸ ਨੂੰ ਸੂਚਨਾ ਦਿੱਤੀ ਗਈ। ਚੋਰੀ ਹੋਏ ਮਾਲ ਵਿਚ ਕੈਮਰੇ, ਬਰਤਨ, ਬੂਟ, ਕੱਪੜੇ ਅਤੇ ਹੋਰ ਕੀਮਤੀ ਸਾਮਾਨ ਸੀ।