ਪੰਜਾਬੀ
ਨਿਫਟ ਲੁਧਿਆਣਾ ਵਿਖੇ ਸਰਟੀਫਿਕੇਟ ਵੰਡ ਸਮਾਰੋਹ ਆਯੋਜਿਤ
ਨਾਰਥਰਨ ਇੰਡੀਆ ਇੰਸਟੀਚਿਊਟ ਆਫ ਫੈਸ਼ਨ ਟੈਕਨਾਲੋਜੀ (ਨਿਫਟ), ਲੁਧਿਆਣਾ ਕੈਂਪਸ ਵਿਖੇ ‘ਗਰੋਜ਼- ਬੇਕਰਟ – ਨਿਫਟ ਸਕਿਲ ਡਿਵੈਲਪਮੈਂਟ ਫੈਸਿਲਿਟੀ’ ਵਿਖੇ ਤਿੰਨ ਮਹੀਨਿਆਂ ਦਾ ਉਦਯੋਗਿਕ ਸਿਲਾਈ ਮਸ਼ੀਨ ਆਪਰੇਟਰ ਸਿਖਲਾਈ ਪ੍ਰੋਗਰਾਮ ਪਾਸ 32 ਸਫਲ ਉਮੀਦਵਾਰਾਂ ਨੂੰ ਸਰਟੀਫਿਕੇਟ ਅਤੇ ਇਨਾਮ ਵੰਡੇ ਗਏ।
ਪ੍ਰਿੰਸੀਪਲ ਡਾ. ਪੂਨਮ ਅਗਰਵਾਲ ਠਾਕੁਰ ਅਤੇ ਸ਼ਸ਼ੀ ਕੰਵਲ, ਸਲਾਹਕਾਰ, ਜੀ.ਬੀ.ਏ. ਨੇ ਪਾਸ ਆਊਟ ਉਮੀਦਵਾਰਾਂ ਨੂੰ ਸਰਟੀਫਿਕੇਟ ਅਤੇ ਇਨਾਮ ਵੰਡੇ।
ਇਸ ਮੌਕੇ ਆਪਣਾ ਵਧਾਈ ਸੰਦੇਸ਼ ਦਿੰਦੇ ਹੋਏ, ਡਾ. ਪੂਨਮ ਅਗਰਵਾਲ ਠਾਕੁਰ, ਪ੍ਰਿੰਸੀਪਲ, ਨਿਫਟ ਨੇ ਕਿਹਾ, ‘ਨਿਫਟ ਨੇ ਨੌਜਵਾਨਾਂ ਨੂੰ ਵਿਹਾਰਕ ਗਿਆਨ ਪ੍ਰਦਾਨ ਕਰਨ ਅਤੇ ਉਨ੍ਹਾਂ ਦਾ ਪਾਲਣ ਪੋਸ਼ਣ ਕਰਨ ਲਈ ਇਹ ਪਹਿਲ ਕੀਤੀ ਹੈ, ਤਾਂ ਕਿ ਨੌਜਵਾਨ ਆਰਥਿਕ ਤੌਰ ਤੇ ਸਵੈ-ਨਿਰਭਰ ਬਣ ਸਕਣ ਅਤੇ ਖੇਤਰ ਦੀ ਤਰੱਕੀ ਵਿਚ ਆਪਣਾ ਯੋਗਦਾਨ ਪਾ ਸਕਣ।
ਪਾਸ ਆਊਟ ਉਮੀਦਵਾਰਾਂ ਨੂੰ ਸੰਬੋਧਨ ਕਰਦੇ ਹੋਏ ਸ਼੍ਰੀ ਸ਼ਸ਼ੀ ਕੰਵਲ, ਸਲਾਹਕਾਰ (CSR), GBA, ਨੇ ਦੱਸਿਆ ਕਿ ਜੀ.ਬੀ.ਏ – ਨਿਫਟ ਸਕਿੱਲ ਸੈਂਟਰ ਦੋਹਰੇ ਉਦੇਸ਼ਾਂ ਦੀ ਪੂਰਤੀ ਰਾਹੀਂ ਗਾਰਮੈਂਟ ਉਦਯੋਗ ਵਿੱਚ ਉਜਰਤ ਰੁਜ਼ਗਾਰ ਦੁਆਰਾ ਸਮਾਜ ਦੇ ਹਾਸ਼ੀਏ ‘ਤੇ ਪਏ ਵਰਗਾਂ ਦੀ ਰੋਜ਼ੀ-ਰੋਟੀ ਨੂੰ ਉੱਚਾ ਚੁੱਕਦਾ ਹੈ ਅਤੇ ਗਾਰਮੈਂਟ ਇੰਡਸਟਰੀ ਨੂੰ ਕੁਸ਼ਲ ਮੈਨਪਾਵਰ ਵੀ ਮੁਹੱਈਆ ਕਰਵਾਉਂਦਾ ਹੈ।
ਜੀ.ਬੀ.ਏ. ਨਿਫਟ ਸਕਿੱਲ ਡਿਵੈਲਪਮੈਂਟ ਫੈਸਿਲਿਟੀ ਦੇ ਕੋਆਰਡੀਨੇਟਰ ਹਰਪ੍ਰੀਤ ਸਿੰਘ ਨੇ ਕਿਹਾ ਕਿ ਸਿਖਲਾਈ ਸਹੂਲਤ ਨੇ ਸਿਖਿਆਰਥੀਆਂ ਨੂੰ ਤਕਨੀਕੀ ਹੁਨਰ ਅਤੇ ਗਿਆਨ ਪ੍ਰਦਾਨ ਕੀਤਾ ਹੈ, ਜਿਸ ਨਾਲ ਉਨ੍ਹਾਂ ਲਈ ਰੋਜ਼ਗਾਰ ਦੇ ਮੌਕੇ ਖੋਲ੍ਹੇ ਗਏ ਹਨ ਅਤੇ ਇਹ ਕੱਪੜਾ ਉਦਯੋਗ ਲਈ ਵੀ ਲਾਹੇਵੰਦ ਹੈ। ਉਮੀਦਵਾਰਾਂ ਨੂੰ ਉਦਯੋਗਿਕ ਸਿਲਾਈ ਮਸ਼ੀਨਾਂ ‘ਤੇ ਇੱਕ ਮਾਹਰ ਫੈਕਲਟੀ ਦੁਆਰਾ ਆਡੀਓ-ਵਿਜ਼ੂਅਲ ਅਤੇ ਸਖ਼ਤ ਵਿਹਾਰਕ ਸਿਖਲਾਈ ਦੁਆਰਾ ਸਿਖਲਾਈ ਦਿੱਤੀ ਗਈ।
