Connect with us

ਖੇਤੀਬਾੜੀ

ਪੀ.ਏ.ਯੂ. ਦੇ ਭੂਮੀ ਵਿਗਿਆਨੀ ਨੂੰ ਰਾਸ਼ਟਰੀ ਖੇਤੀ ਵਿਗਿਆਨ ਅਕਾਦਮੀ ਦੀ ਫੈਲੋਸ਼ਿਪ ਹਾਸਲ ਹੋਈ

Published

on

P.A.U. The geologist received the Fellowship of the National Academy of Agricultural Sciences
ਲੁਧਿਆਣਾ :  ਪੀ.ਏ.ਯੂ. ਵਿੱਚ ਭੂਮੀ ਵਿਗਿਆਨ ਵਿਭਾਗ ਦੇ ਮੁਖੀ ਡਾ. ਓ ਪੀ ਚੌਧਰੀ ਨੂੰ ਨੈਸ਼ਨਲ ਅਕੈਡਮੀ ਆਫ ਐਗਰੀਕਲਚਰਲ ਸਾਇੰਸਜ਼ (ਨਾਸ) ਦੀ ਫੈਲੋਸ਼ਿਪ ਨਾਲ ਨਿਵਾਜ਼ਿਆ ਗਿਆ ਹੈ । ਇਹ ਫੈਲੋੋਸ਼ਿਪ ਡਾ. ਚੌਧਰੀ ਨੂੰ ਕੁਦਰਤੀ ਸਰੋਤਾਂ ਦੀ ਸੰਭਾਲ ਦੇ ਖੇਤਰ ਵਿੱਚ ਕੀਤੇ ਕੰਮਾਂ ਲਈ ਦਿੱਤੀ ਗਈ ਹੈ ।
 ਆਪਣੇ ਸ਼ਾਨਦਾਰ ਅਕਾਦਮਿਕ ਅਤੀਤ ਵਿੱਚ ਡਾ. ਓ ਪੀ ਚੌਧਰ  ਨੇ ਦੋ ਗੋਲਡ ਮੈਡਲ ਲੈ ਕੇ ਯੂਨੀਵਰਸਿਟੀ ਰੋਲ ਆਫ ਆਨਰ ਹਾਸਲ ਕੀਤਾ । ਲੂਣੇ ਅਤੇ ਖਾਰੇ ਪਾਣੀਆਂ ਦੀ ਵਰਤੋਂ ਦੇ ਖੇਤਰ ਵਿੱਚ ਉਹਨਾ ਦੀ ਖੋਜ ਨੂੰ ਵਿਸ਼ੇਸ਼ ਮਾਣ ਨਾਲ ਦੇਖਿਆ ਜਾਂਦਾ ਹੈ । ਇਸ ਤੋਂ ਇਲਾਵਾ ਉਹਨਾਂ ਨੇ 26 ਸਿਫ਼ਾਰਸ਼ਾਂ ਕਿਸਾਨਾਂ ਦੀ ਬਿਹਤਰੀ ਲਈ ਸਾਹਮਣੇ ਲਿਆਂਦੀਆਂ । 300 ਤੋਂ ਵਧੇਰੇ ਪ੍ਰਕਾਸ਼ਨਾਵਾਂ ਵਿੱਚ ਉਹਨਾਂ ਦੇ ਨਾਂ ਹੇਠ 94 ਖੋਜ ਪੱਤਰ ਰਾਸ਼ਟਰੀ ਅੰਤਰਰਾਸ਼ਟਰੀ ਰਸਾਲਿਆਂ ਵਿੱਚ ਛਪੇ । 9 ਕਿਤਾਬਾਂ, 19 ਰਿਵਿਊ ਪੇਪਰ ਅਤੇ 68 ਹੋਰ ਪੇਪਰ ਵੀ ਡਾ. ਚੌਧਰੀ ਨੇ ਪ੍ਰਕਾਸ਼ਿਤ ਕਰਵਾਏ ।
ਡਾ. ਓ ਪੀ ਚੌਧਰੀ ਨੂੰ ਐੱਫ ਏ ਆਈ ਗੋਲਡਨ ਜੁਬਲੀ ਐਵਾਰਡ 2020 , ਪ੍ਰੋਫੈਸਰ ਐੱਮ ਐੱਸ ਛੀਨਨ ਵਿਸ਼ੇਸ਼ ਪ੍ਰੋਫੈਸਰ ਐਵਾਰਡ 2018, ਆਈ ਸੀ ਏ ਆਰ ਐਕਸੀਲੈਂਸ ਐਵਾਰਡ 2017, ਪੀ.ਏ.ਯੂ. ਸਨਮਾਨ ਚਿੰਨ, ਸਨਮਾਨ ਪੱਤਰ ਅਤੇ ਖੋਜ ਲਈ ਮੈਰਿਟ ਸਰਟੀਫਿਕੇਟ 2014-15 ਤੋਂ ਇਲਾਵਾ ਆਈ ਐੱਸ ਐੱਸ ਗੋਲਡਨ ਜੁਬਲੀ ਯੁਵਾ ਵਿਗਿਆਨੀ ਐਵਾਰਡ 1994 ਪ੍ਰਮੁੱਖ ਹਨ ।

Facebook Comments

Trending