ਐਨਐਸਪੀਐਸ ਦੇ ਵਿਦਿਆਰਥੀਆਂ ਨੇ ਹਾਸਲ ਕੀਤਾ ਐਨਐਸਆਈਸੀ-23 ਦਾ ਸਰਟੀਫਿਕੇਟ

ਨਨਕਾਣਾ ਸਾਹਿਬ ਪਬਲਿਕ ਸਕੂਲ ਗਿੱਲ ਪਾਰਕ ਲੁਧਿਆਣਾ ਦੇ ਚਾਰ ਵਿਦਿਆਰਥੀਆਂ ਨੂੰ ਨੈਸ਼ਨਲ ਸਪੇਸ ਇਨੋਵੇਸ਼ਨ ਚੈਲੇਂਜ (ਐਨ.ਐਸ.ਆਈ.ਸੀ.) 2023 ਨੂੰ ਪੂਰਾ ਕਰਨ ਦੇ ਸਰਟੀਫਿਕੇਟ ਨਾਲ ਸਨਮਾਨਿਤ ਕੀਤਾ ਗਿਆ ਹੈ। ਇਹ ਏਆਈਐਮ ਅਤੇ ਇਸਰੋ ਦੀ ਭਾਈਵਾਲੀ ਵਿੱਚ NAVARS Edutech ਦੁਆਰਾ ਕਰਵਾਇਆ ਗਿਆ ਇੱਕ ਔਨਲਾਈਨ ਸਰਟੀਫਿਕੇਟ ਕੋਰਸ ਸੀ। ਵਿਦਿਆਰਥੀਆਂ ਵਿੱਚ ਬਿਕਰਮਜੀਤ ਸਿੰਘ, ਤਰਨਜੀਤ ਕੌਰ, ਗੁਰਵੀਤ ਸਿੰਘ ਸੰਧੂ ਅਤੇ ਗੁਰਨੂਰ ਕੌਰ ਸ਼ਾਮਲ ਸਨ।

ਇਨ੍ਹਾਂ ਵਿਦਿਆਰਥੀਆਂ ਨੇ ਕੋਰਸ ਦੌਰਾਨ ਆਨਲਾਈਨ ਵੀਡੀਓਜ਼ ਦੇਖੇ ਅਤੇ ਇਨ੍ਹਾਂ ਬਾਰੇ ਆਪਣੀ ਖੋਜ ਰਿਪੋਰਟ ਨੂੰ ਅਪਲੋਡ ਕੀਤਾ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਮੁਕੰਮਲ ਹੋਣ ਦੇ ਸਰਟੀਫਿਕੇਟ ਨਾਲ ਸਨਮਾਨਿਤ ਕੀਤਾ ਗਿਆ ਹੈ। ਸਕੂਲ ਦੀ ਪ੍ਰਿੰਸੀਪਲ ਸ਼੍ਰੀਮਤੀ ਹਰਮੀਤ ਕੌਰ ਵੜੈਚ ਨੇ ਕਿਹਾ, “ਅਜੋਕਾ ਸਮਾਂ ਖੋਜ ਅਤੇ ਨਵੀਨਤਾ ਦਾ ਹੈ। ਇਹ ਚੰਗੀ ਗੱਲ ਹੈ ਕਿ ਵਿਦਿਆਰਥੀਆਂ ਨੇ ਇਸ ਵੱਕਾਰੀ ਔਨਲਾਈਨ ਕੋਰਸ ਵਿੱਚ ਦਿਲਚਸਪੀ ਲਈ ਅਤੇ ਸਨਮਾਨਿਤ ਕੀਤਾ।”