ਪੰਜਾਬੀ
ਇਯਾਲੀ ਵਲੋਂ ਆਖਰੀ ਕੁਝ ਘੰਟੇ ਚੋਣ ਪ੍ਰਚਾਰ ਪਹਿਲਾਂ ਨਾਲੋਂ ਕੀਤਾ ਤਿੱਖਾ
ਮੁੱਲਾਂਪੁਰ-ਦਾਖਾ : ਹਲਕਾ ਦਾਖਾ ‘ਚ ਸ਼੍ਰੋਮਣੀ ਅਕਾਲੀ ਦਲ (ਗੱਠਜੋੜ) ਦੇ ਉਮੀਦਵਾਰ ਮਨਪ੍ਰੀਤ ਸਿੰਘ ਇਯਾਲੀ ਵਲੋਂ ਵੋਟ ਦੀ ਅਪੀਲ ਲਈ ਪ੍ਰਚਾਰ ਦੇ ਆਖਰੀ ਕੁਝ ਘੰਟੇ ਚੋਣ ਪ੍ਰਚਾਰ ਪਹਿਲਾਂ ਨਾਲੋਂ ਤਿੱਖਾ ਕੀਤਾ ਗਿਆ।
ਮੁੱਲਾਂਪੁਰ ਸਮੇਤ ਦਰਜਨ ਹੋਰ ਪਿੰਡਾਂ ‘ਚ ਵੋਟ ਦੀ ਅਪੀਲ ਲਈ ਚੋਣ ਜਲਸਿਆਂ ਨੂੰ ਸੰਬੋਧਨ ਬਾਅਦ ਐੱਮ.ਐੱਲ.ਏ. ਇਯਾਲੀ ਵਲੋਂ ਮੱੁਲਾਂਪੁਰ-ਦਾਖਾ ਨਗਰ ਕੌਂਸਲ ਦੇ ਵੱਖੋ-ਵੱਖ ਵਾਰਡਾਂ ‘ਚ ਇਕੋ ਸਾਹ ਅੱਧੀ ਦਰਜਨ ਚੋਣ ਜਲਸਿਆਂ ਵਿਚ ਜੁੜੇ ਵੋਟਰਾਂ ਨੂੰ ਤੱਕੜੀ ਚੋਣ ਨਿਸ਼ਾਨ ਲਈ ਵੋਟ ਦੀ ਅਪੀਲ ਕੀਤੀ।
ਵਿਕਾਸ ਬਦਲੇ ਵੋਟ ਦੀ ਮੰਗ ਕਰ ਰਹੇ ਮਨਪ੍ਰੀਤ ਸਿੰਘ ਇਯਾਲੀ ਨੇ ਕਿਹਾ ਕਿ ਵਿਰੋਧੀ ਪਾਰਟੀ ਦੇ ਬਾਹਰੀ ਉਮੀਦਵਾਰਾਂ ਨੇ ਚੋਣਾਂ ਬਾਅਦ ਕਿਸੇ ਨੂੰ ਲੱਭਣਾ ਨਹੀਂ, ਜਦ ਕਿ ਉਹ ਜ਼ਿੰਦਗੀ ਭਰ ਹਲਕਾ ਦਾਖਾ ਆਪਣੇ ਪਰਿਵਾਰ ਨਾਲ ਜੁੜਿਆ ਰਹੇਗਾ।
ਆਮ ਆਦਮੀ ਪਾਰਟੀ ‘ਤੇ ਤੰਜ ਕੱਸਦਿਆਂ ਮਨਪ੍ਰੀਤ ਸਿੰਘ ਇਯਾਲੀ ਨੇ ਕਿਹਾ ਕਿ ਦਿੱਲੀ ਦੇ ਵਪਾਰੀਆਂ ਦੀ ਇਸ ਪਾਰਟੀ ਵਲੋਂ ਪਿਛਲੇ 5 ਸਾਲ ਹਲਕਾ ਦਾਖਾ ਦੇ ਵੋਟਰਾਂ ਕੋਲੋਂ ਦੂਰੀ ਕਿਉਂ ਬਣਾਈ ਰੱਖੀ, ਇਹ ‘ਆਪ’ ਉਮੀਦਵਾਰ ਨੂੰ ਪੁੱਛਿਆ ਜਾਵੇ। ਮਨਪ੍ਰੀਤ ਸਿੰਘ ਇਯਾਲੀ ਵਲੋਂ ਸ਼ਹਿਰ ‘ਚ ਕੀਤੇ ਚੋਣ ਜਲਸਿਆਂ ਵਿਚ ਵੋਟਰਾਂ ਦੀ ਭੀੜ ਹੱਦਾਂ ਪਾਰ ਕਰ ਗਈ। ਵੋਟ ਲਈ ਦੇਰ ਸ਼ਾਮ ਦੇ ਚੋਣ ਜਲਸਿਆਂ ਵਿਚ ਬੀਬੀਆਂ ਦੀ ਭੀੜ ਇਯਾਲੀ ਦੀ ਜਿੱਤ ਦਾ ਪ੍ਰਤੀਕ ਬਣੀ ਹੋਈ ਸੀ।
