ਚੋਰ ਨਵੀਨ ਨਗਰ ‘ਚ ਕਰਿਆਨਾ ਦੀ ਦੁਕਾਨ ਤੋਂ 45000 ਚੋਰੀ ਕਰਕੇ ਫਰਾਰ, ਘਟਨਾ ਸੀਸੀਟੀਵੀ ਕੈਮਰੇ ‘ਚ ਕੈਦ

ਲੁਧਿਆਣਾ : ਸ਼ਹਿਰ ਵਿੱਚ ਦਿਨੋਂ ਦਿਨ ਹੋ ਰਹੀਆਂ ਚੋਰੀਆਂ ਰੁਕਣ ਦਾ ਨਾਮ ਨਹੀਂ ਲੈ ਰਹੀਆਂ। ਬੀਤੀ ਰਾਤ ਚੋਰਾਂ ਨੇ ਥਾਣਾ ਹੈਬੋਵਾਲ ਦੇ ਅਧੀਨ ਆਉਂਦੀ ਚੌਂਕੀ ਜਗਤਪੂਰੀ ਦੇ ਇਲਾਕੇ ਹੈਬੋਵਾਲ ਕਲਾਂ ਦੇ ਨਵੀਨ ਨਗਰ ਵਿੱਚ ਚੋਰਾਂ ਨੇ ਇੱਕ ਕਰਿਆਨੇ ਦੀ ਦੁਕਾਨ ਨੂੰ ਨਿਸ਼ਾਨਾ ਬਣਾਉਂਦੇ ਹੋਏ ਦੁਕਾਨ ਵਿੱਚ ਪਿਆ 45000 ਦੀ ਨਗਦੀ ਚੋਰੀ ਕਰਕੇ ਫਰਾਰ ਹੋ ਗਏ।

ਮਾਲਕ ਅਸ਼ੋਕ ਕੁਮਾਰ ਨੇ ਦੱਸਿਆ ਕਿ ਜਦੋਂ ਸਵੇਰੇ 5 ਵਜੇ ਦੁਕਾਨ ਦਾ ਗੇਟ ਖੁੱਲ੍ਹਾ ਸੀ, ਉਹਨਾਂ ਦੁਕਾਨ ਦੇ ਅੰਦਰ ਜਾ ਕੇ ਦੇਖਿਆ ਤਾਂ ਪਤਾ ਚਲਿਆ ਕਿ ਦੁਕਾਨ ਦੇ ਗਲ੍ਹੇ ਵਿੱਚ ਪਏ ਕਰੀਬ 45000 ਰੁਪਏ ਚੋਰੀ ਹੋ ਗਏ ਸਨ। ਗਲ੍ਹੇ ਦੇ ਨਜਦੀਕ ਇੱਟਾਂ ਪਈਆਂ ਸਨ, ਜਿਸ ਨਾਲ ਹਲ੍ਹਾ ਤੋੜਿਆ ਗਿਆ ਸੀ। ਇਸ ਸਬੰਧੀ ਚੌਂਕੀ ਜਗਤਪੁਰੀ ਨੂੰ ਸੂਚਿਤ ਕਰ ਦਿੱਤਾ ਗਿਆ ਹੈ। ਮੌਕੇ ‘ਤੇ ਪਹੁੰਚੀ ਜਗਤਪੁਰੀ ਚੌਂਕੀ ਦੀ ਪੁਲਿਸ ਨੇ ਘਟਨਾ ਵਾਲੀ ਜਗ੍ਹਾ ਜਾਂਚ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।