ਕੋਲੈਸਟ੍ਰੋਲ ਦਿਲ ਦੇ ਰੋਗਾਂ ਦਾ ਮੁੱਖ ਜੋਖਮ ਕਾਰਨ ਮੰਨਿਆ ਜਾਂਦਾ ਹੈ। ਨਾੜੀਆਂ ਅਤੇ ਧਮਨੀਆਂ ਵਿੱਚ ਜਮ੍ਹਾਂ ਹੋ ਕੇ, ਇਹ ਖੂਨ ਦੇ ਆਮ ਪ੍ਰਵਾਹ ਨੂੰ ਰੋਕਦਾ ਹੈ, ਜਿਸ ਕਾਰਨ ਸਿਹਤ ਮਾਹਰ ਸਾਰੇ ਲੋਕਾਂ ਨੂੰ ਸਹੀ ਖੁਰਾਕ ਅਤੇ ਜੀਵਨ ਸ਼ੈਲੀ ਦੇ ਉਪਾਅ ਕਰਨ ਦੀ ਸਲਾਹ ਦਿੰਦੇ ਹਨ। ਸਿਹਤ ਮਾਹਿਰ ਕਹਿੰਦੇ ਹਨ ਕਿ ਬੈਡ ਕੋਲੈਸਟ੍ਰਾਲ ਤੋਂ ਬਚਾਅ ਲਈ ਸਭ ਤੋਂ ਜ਼ਰੂਰੀ ਹੈ ਕਿ ਜੰਕ-ਫਾਸਟ ਫੂਡਸ ਜਾਂ ਕੋਈ ਵੀ ਚੀਜ਼ ਦਾ ਸੇਵਨ ਘੱਟ ਜਾਂ ਬਿਲਕੁਲ ਨਾ ਕੀਤਾ ਜਾਵੇ ਜੋ ਖੂਨ ਨੂੰ ਗਾੜ੍ਹਾ ਕਰਦੀਆਂ ਹੋਣ ਜਾਂ ਉਸ ਦੇ ਪ੍ਰਵਾਨ ਨੂੰ ਰੋਕਦੀਆਂ ਹਨ।
ਸਰੀਰ ਨੂੰ ਸਿਹਤਮੰਦ ਰੱਖਣ, ਕੋਲੈਸਟ੍ਰੋਲ ਤੇ ਬਲੱਡ ਸ਼ੂਗਰ ਵਰਗੀਆਂ ਸਮੱਸਿਆਵਾਂ ਦੇ ਜੋਖਮ ਨੂੰ ਘੱਟ ਕਰਨ ਲਈ ਜ਼ਰੂਰੀ ਹੈ ਕਿ ਤੁਸੀਂ ਖਾਣ ਲਈ ਸਿਹਤਮੰਦ ਤੇਲ ਦੀ ਚੋਣ ਕਰੋ। ਮੱਖਣ ਤੇ ਰਿਫਾਈਂਡ ਤੇਲ ਸਿਹਤ ਲਈ ਹਾਨੀਕਾਰਕ ਹੋ ਸਕਦੇ ਹਨ। ਕੈਨੋਲਾ, ਸੂਰਜਮੁਖੀ, ਆਲਿਵ ਆਇਲ ਵਰਗੇ ਤੇਲਾਂ ਦਾ ਸੇਵਨ ਕੋਲੈਸਟ੍ਰੋਲ ਨੂੰ ਘੱਟ ਕਰਨ ਵਿਚ ਮਦਦ ਕਰਦੇ ਹਨ।
ਬਾਦਾਮ, ਅਖਰੋਟ, ਮੂੰਗਫਲੀ ਤੇ ਹੋਰ ਮੇਵੇ ਖਾਣਾ ਹਾਰਟ ਦੀ ਸਿਹਤ ਲਈ ਚੰਗਾ ਹੈ। ਰੋਜ਼ਾਨਾ ਇਕ ਮੁੱਠੀ ਨੱਟਸ ਖਾਣ ਨਾਲ ਐੱਲਡੀਐੱਲ ਲਗਭਗ 5 ਫੀਸਦੀ ਤੱਕ ਘੱਟ ਹੋ ਸਕਦਾ ਹੈ ਨੱਟਸ ਵਿਚ ਵਾਧੂ ਪੌਸ਼ਕ ਤੱਤ ਹੁੰਦੇ ਹਨ ਜੋ ਹੋਰ ਤਰੀਕਿਆਂ ਨਾਲ ਹਾਰਟ ਦੀ ਰੱਖਿਆ ਕਰਦੇ ਹਨ। ਮਾਨਸਿਕ ਤੇ ਸਰੀਰਕ ਦੋਵੇਂ ਤਰ੍ਹਾਂ ਦੀ ਸਿਹਤ ਨੂੰ ਠੀਕ ਰੱਖਣ ਲਈ ਨੱਟਸ ਨੂੰ ਭੋਜਨ ਦਾ ਹਿੱਸਾ ਬਣਾਉਣਾ ਤਹਾਡੇ ਲਈ ਫਾਇਦੇਮੰਦ ਹੋ ਸਕਦਾ ਹੈ।
ਹਫਤੇ ਵਿਚ ਦੋ ਜਾਂ ਤਿੰਨ ਵਾਰ ਫੈਟੀ ਫਿਸ਼ ਖਾਣ ਨਾਲ ਐੱਲਡੀਐੱਲ ਕੋਲੈਸਟ੍ਰੋਲ ਘੱਟ ਕੀਤਾ ਜਾ ਸਕਦਾ ਹੈ। ਬੈਡ ਕੋਲੈਸਟ੍ਰੋਲ ਦੀ ਮਾਤਰਾ ਘੱਟ ਕਰਨ ਦੇ ਨਾਲ ਇਹ ਓਮੇਗਾ-3 ਫੈਟੀ ਐਸਿਡ ਵੀ ਦਿੰਦੀ ਹੈ ਜਿਸ ਨੂੰ ਦਿਮਾਗ ਤੇ ਹਾਰਟ ਲਈ ਕਾਫੀ ਫਾਇਦੇਮੰਦ ਮੰਨਿਆ ਜਾਂਦਾ ਹੈ। ਓਮੇਗਾ-3, ਖੂਨ ਦੇ ਪ੍ਰਵਾਹ ਵਿਚ ਟ੍ਰਾਇਗਲਿਸਰਾਈਡਸ ਨੂੰ ਵੀ ਘੱਟ ਕਰਦਾ ਹੈ ਜੋ ਅਸਾਧਾਰਨ ਹਿਰਦੇ ਦੀ ਰਫਤਾਰ ਨੂੰ ਘੱਟ ਕਰਨ ਤੇ ਹਿਰਦੇ ਦੀ ਰੱਖਿਆ ਲਈ ਫਾਇਦੇਮੰਦ ਹੈ।