gurmit singh kular Archives - Ludhiana Live

ਫੀਕੋ ਨੇ ਮਿਕਸਡ ਲੈਂਡ ਯੂਜ਼ ਇੰਡਸਟਰੀਜ਼ ਨੂੰ ਰਾਹਤ ਦੇਣ ਦੀ ਕੀਤੀ ਮੰਗ – ਫੀਕੋ

Shukdev Singh — Fri, 02 Sep 2022 04:50:30 +0000

ਲੁਧਿਆਣਾ : ਫੈਡਰੇਸ਼ਨ ਆਫ ਇੰਡਸਟਰੀਅਲ ਐਂਡ ਕਮਰਸ਼ੀਅਲ ਆਰਗੇਨਾਈਜੇਸ਼ਨ (ਫੀਕੋ) ਦੇ ਇੱਕ ਵਫਦ ਨੇ ਸ.ਗੁਰਮੀਤ ਸਿੰਘ ਕੁਲਾਰ ਪ੍ਰਧਾਨ ਦੀ ਅਗਵਾਈ ਹੇਠ ਸ਼੍ਰੀ ਅਜੀਤ ਲਾਕੜਾ ਅਤੇ ਗੁਰਮੁਖ ਸਿੰਘ ਰੁਪਾਲ ਦੇ ਨਾਲ ਸ਼੍ਰੀ ਅਮਨ ਅਰੋੜਾ ਸ਼ਹਿਰੀ ਵਿਕਾਸ ਮੰਤਰੀ ਪੰਜਾਬ ਸਰਕਾਰ ਨਾਲ ਮੁਲਾਕਾਤ ਕੀਤੀ ਅਤੇ ਲੁਧਿਆਣਾ ਨੂੰ ਦਰਪੇਸ਼ ਪ੍ਰਮੁੱਖ ਸਮੱਸਿਆਵਾਂ ਬਾਰੇ ਵਿਚਾਰ ਵਟਾਂਦਰਾ ਕੀਤਾ। ਇਸ ਮੀਟਿੰਗ ਦਾ ਆਯੋਜਨ ਫੈਡਰੇਸ਼ਨ ਆਫ ਆਲ ਟੈਕਸਟਾਈਲ ਮੈਨੂਫੈਕਚਰਰਜ਼ ਐਂਡ ਟਰੇਡਰਜ਼ ਐਸੋਸੀਏਸ਼ਨ ਵੱਲੋ ਕੀਤਾ ਗਿਆ ਸੀ ।

ਭਾਰਤ ਦੇ ਕੁੱਲ ਸਾਈਕਲ ਅਤੇ ਸਿਲਾਈ ਮਸ਼ੀਨ ਉਦਯੋਗ ਦਾ 75% ਤੋਂ ਵੱਧ ਲੁਧਿਆਣਾ ਤੋਂ ਸੰਚਾਲਿਤ ਹੈ, ਜਿਸ ਵਿੱਚੋਂ 90% ਮਿਕਸਡ ਲੈਂਡ ਯੂਜ਼ ਵਾਲੇ ਖੇਤਰਾਂ ਤੋਂ ਸੰਚਾਲਿਤ ਹਨ ਅਤੇ ਐਮਐਸਐਮਈ ਅਧੀਨ ਰਜਿਸਟਰਡ ਹਨ ਅਤੇ ਪਿਛਲੇ 60-70 ਸਾਲਾਂ ਤੋਂ ਕੰਮ ਕਰ ਰਹੇ ਹਨ, ਇਹ ਛੋਟੇ ਇਕਾਈਆਂ ਵੱਡੀਆਂ ਇਕਾਈਆਂ ਨੂੰ ਲਾਜ਼ਮੀ ਉਤਪਾਦਾਂ ਦੇ ਸਪਲਾਇਰ ਹਨ। ਇਸ ਖੇਤਰ ਤੋਂ ਉਦਯੋਗ ਨੂੰ ਤਬਦੀਲ ਕਰਨ ਦੀ ਆਖਰੀ ਮਿਤੀ 18 ਸਤੰਬਰ 2023 ਹੈ। ਇਹਨਾਂ ਉਦਯੋਗਿਕ ਇਕਾਈਆਂ ਨੂੰ ਮਿਸ਼ਰਤ ਭੂਮੀ ਵਰਤੋਂ ਵਾਲੇ ਖੇਤਰਾਂ ਤੋਂ ਚਲਾਉਣ ਲਈ ਰਾਹਤ ਪ੍ਰਦਾਨ ਕਰਨ ਦੀ ਮੰਗ ਕੀਤੀ।

The post ਫੀਕੋ ਨੇ ਮਿਕਸਡ ਲੈਂਡ ਯੂਜ਼ ਇੰਡਸਟਰੀਜ਼ ਨੂੰ ਰਾਹਤ ਦੇਣ ਦੀ ਕੀਤੀ ਮੰਗ – ਫੀਕੋ appeared first on Ludhiana Live.

ਕੁਲਾਰ ਵਪਾਰ ਪ੍ਰਬੰਧਨ ਅਤੇ ਸਮਾਜਿਕ ਉੱਦਮ ਵਿੱਚ ਆਨਰੇਰੀ ਡਾਕਟਰੇਟ ਦੀ ਡਿਗਰੀ ਨਾਲ ਸਨਮਾਨਿਤ

Shukdev Singh — Mon, 18 Jul 2022 06:26:08 +0000

ਲੁਧਿਆਣਾ : ਨਵੀਂ ਦਿੱਲੀ ਵਿਖੇ ਸ. ਗੁਰਮੀਤ ਸਿੰਘ ਕੁਲਾਰ ਪ੍ਰਧਾਨ ਫੀਕੋ (ਫੈਡਰੇਸ਼ਨ ਆਫ ਇੰਡਸਟਰੀਅਲ ਐਂਡ ਕਮਰਸ਼ੀਅਲ ਆਰਗੇਨਾਈਜ਼ੇਸ਼ਨ) ਅਤੇ ਮੈਨੇਜਿੰਗ ਡਾਇਰੈਕਟਰ ਕੁਲਾਰ ਸੰਨਜ਼ ਨੂੰ ਥੀਓਫਨੀ ਯੂਨੀਵਰਸਿਟੀ, ਹੈਤੀ (ਉੱਤਰੀ ਅਮਰੀਕਾ) ਦੁਆਰਾ ਬਿਜ਼ਨਸ ਮੈਨੇਜਮੈਂਟ ਅਤੇ ਸੋਸ਼ਲ ਐਂਟਰਪ੍ਰਨਿਓਰਸ਼ਿਪ ਵਿੱਚ ਆਨਰੇਰੀ ਡਾਕਟਰੇਟ ਦੀ ਡਿਗਰੀ ਪ੍ਰਦਾਨ ਕੀਤੀ ਗਈ ।

ਸ਼੍ਰੀ ਰਾਜੀਵ ਚਾਵਲਾ ਚੇਅਰਮੈਨ ਆਈ.ਐਮ.ਐਸ.ਐਮ.ਈ.ਓਫ.ਇੰਡੀਆ, ਸ਼੍ਰੀ ਕੇ ਕੇ ਸੇਠ ਚੇਅਰਮੈਨ ਫਿਕੋ, ਸ਼੍ਰੀ ਓਂਕਾਰ ਸਿੰਘ ਪਾਹਵਾ ਚੇਅਰਮੈਨ ਏਵਨ ਸਾਈਕਲਜ਼ ਲਿਮਟਿਡ
ਸ਼੍ਰੀ ਪੰਕਜ ਮੁੰਜਾਲ ਚੇਅਰਮੈਨ ਅਤੇ ਸ਼੍ਰੀ ਐੱਸ.ਕੇ. ਰਾਏ ਵਾਈਸ-ਚੇਅਰਮੈਨ ਹੀਰੋ ਸਾਈਕਲਜ਼ ਲਿਮਟਿਡ ਅਤੇ ਜਨਰਲ ਸਕੱਤਰ ਲੁਧਿਆਣਾ ਸੰਸਕ੍ਰਿਤ ਸਮਾਗਮ, ਸ਼੍ਰੀ ਰਾਜੀਵ ਜੈਨ ਜਨਰਲ ਸਕੱਤਰ ਫੀਕੋ ਨੇ ਸ. ਗੁਰਮੀਤ ਸਿੰਘ ਕੁਲਾਰ ਨੂੰ ਵਧਾਈ ਦਿੱਤੀ ਅਤੇ ਕਿਹਾ ਕਿ ਕੁਲਾਰ ਲੁਧਿਆਣਾ ਦਾ ਮਾਣ ਹਨ।

The post ਕੁਲਾਰ ਵਪਾਰ ਪ੍ਰਬੰਧਨ ਅਤੇ ਸਮਾਜਿਕ ਉੱਦਮ ਵਿੱਚ ਆਨਰੇਰੀ ਡਾਕਟਰੇਟ ਦੀ ਡਿਗਰੀ ਨਾਲ ਸਨਮਾਨਿਤ appeared first on Ludhiana Live.

ਕੁਲਾਰ ਵਪਾਰ ਪ੍ਰਬੰਧਨ ਅਤੇ ਸਮਾਜਿਕ ਉੱਦਮ ‘ਚ ਆਨਰੇਰੀ ਡਾਕਟਰੇਟ ਡਿਗਰੀ ਨਾਲ ਹੋਣਗੇ ਸਨਮਾਨਿਤ

Shukdev Singh — Sat, 16 Jul 2022 12:40:13 +0000

ਲੁਧਿਆਣਾ : ਨਵੀਂ ਦਿੱਲੀ ਵਿਖੇ ਗੁਰਮੀਤ ਸਿੰਘ ਕੁਲਾਰ ਪ੍ਰਧਾਨ ਫੈਡਰੇਸ਼ਨ ਆਫ ਇੰਡਸਟਰੀਅਲ ਐਂਡ ਕਮਰਸ਼ੀਅਲ ਆਰਗੇਨਾਈਜ਼ੇਸ਼ਨ ਅਤੇ ਮੈਨੇਜਿੰਗ ਡਾਇਰੈਕਟਰ ਕੁਲਾਰ ਸੰਨਜ਼ ਨੂੰ ਥੀਓਫਨੀ ਯੂਨੀਵਰਸਿਟੀ, ਹੈਤੀ (ਉੱਤਰੀ ਅਮਰੀਕਾ) ਦੁਆਰਾ ਬਿਜ਼ਨਸ ਮੈਨੇਜਮੈਂਟ ਅਤੇ ਸੋਸ਼ਲ ਐਂਟਰਪ੍ਰਨਿਓਰਸ਼ਿਪ ਵਿੱਚ ਆਨਰੇਰੀ ਡਾਕਟਰੇਟ ਦੀ ਡਿਗਰੀ ਪ੍ਰਦਾਨ ਕੀਤੀ ਜਾਵੇਗੀ।

ਐਸਸੀਡੀ ਸਰਕਾਰੀ ਕਾਲਜ, ਲੁਧਿਆਣਾ ਤੋਂ ਪਬਲਿਕ ਅਡਮਿਨਿਸਟ੍ਰੇਸ਼ਨ ਵਿੱਚ ਆਪਣੀ ਗ੍ਰੈਜੂਏਸ਼ਨ ਤੋਂ ਬਾਅਦ ਅਪਟ੍ਰੋਨ ਅਕੈਡਮੀ ਆਫ਼ ਕੰਪਿਊਟਰ ਲਰਨਿੰਗਜ਼ ਤੋਂ ਕੰਪਿਊਟਰ ਅਤੇ ਸੂਚਨਾ ਪ੍ਰਬੰਧਨ ਵਿੱਚ ਪੋਸਟ ਗ੍ਰੈਜੂਏਸ਼ਨ ਡਿਪਲੋਮਾ ਕੀਤਾ ਅਤੇ ਐਪਟੈਕ ਤੋਂ ਈ-ਕਾਮਰਸ ਵਿੱਚ ਇੱਕ ਹੋਰ ਪੋਸਟ ਗ੍ਰੈਜੂਏਸ਼ਨ ਡਿਪਲੋਮਾ ਕੀਤਾ ਹੈ। ਹੁਣ ਓਹਨਾ ਨੂੰ ਥੀਓਫਨੀ ਯੂਨੀਵਰਸਿਟੀ ਦੁਆਰਾ ਵਪਾਰ ਪ੍ਰਬੰਧਨ ਅਤੇ ਸਮਾਜਿਕ ਉੱਦਮ ਵਿੱਚ ਆਨਰੇਰੀ ਡਾਕਟਰੇਟ ਡਿਗਰੀ ਨਾਲ ਸਨਮਾਨਿਤ ਕੀਤਾ ਜਾ ਰਿਹਾ ਹੈ।

The post ਕੁਲਾਰ ਵਪਾਰ ਪ੍ਰਬੰਧਨ ਅਤੇ ਸਮਾਜਿਕ ਉੱਦਮ ‘ਚ ਆਨਰੇਰੀ ਡਾਕਟਰੇਟ ਡਿਗਰੀ ਨਾਲ ਹੋਣਗੇ ਸਨਮਾਨਿਤ appeared first on Ludhiana Live.

ਕੁਲਾਰ ਨੇ ਸਟੀਲ ਦੀਆਂ ਕੀਮਤਾਂ ਸੰਬੰਧੀ ਜਿੰਦਲ ਸਟੀਲਜ਼ ਦੇ ਚੇਅਰਮੈਨ ਨਾਲ ਕੀਤੀ ਮੁਲਾਕਾਤ

Shukdev Singh — Fri, 25 Mar 2022 04:34:44 +0000

ਲੁਧਿਆਣਾ : ਗੁਰਮੀਤ ਸਿੰਘ ਕੁਲਾਰ ਪ੍ਰਧਾਨ ਫਿਕੋ ਨੇ ਨਵੀਨ ਜਿੰਦਲ, ਚੇਅਰਮੈਨ, ਜਿੰਦਲ ਸਟੀਲ ਐਂਡ ਪਾਵਰ ਲਿਮਟਿਡ (ਵਿਸ਼ਵ ਦੇ ਛੇ ਸਭ ਤੋਂ ਵੱਡੇ ਸਟੀਲ ਨਿਰਮਾਤਾਵਾਂ ਵਿੱਚੋਂ ਇੱਕ) ਨਾਲ ਮੁਲਾਕਾਤ ਕੀਤੀ ਅਤੇ ਸਟੀਲ ਦੀਆਂ ਕੀਮਤਾਂ ਵਿੱਚ ਭਾਰੀ ਵਾਧੇ ਅਤੇ ਅਤੇ ਇਸ ਦੇ ਐਮ.ਐਸ.ਐਮ.ਈ. ਉੱਤੇ ਪ੍ਰਭਾਵ ਦਾ ਮੁੱਦਾ ਉਠਾਇਆ।

ਗੁਰਮੀਤ ਸਿੰਘ ਕੁਲਾਰ ਨੇ ਕਿਹਾ ਕਿ ਸਟੀਲ ਦੀਆਂ ਕੀਮਤਾਂ ਵਿੱਚ ਇਹ ਵਾਧਾ ਐਮ.ਐਸ.ਐਮ.ਈ ਲਈ ਪੂਰੀ ਤਰ੍ਹਾਂ ਨਾਲ ਨਾਜਾਇਜ਼ ਹੈ ਕਿਉਂਕਿ ਪਿਛਲੇ ਆਰਡਰ ਪੂਰੇ ਨਹੀਂ ਹੋਏ ਹਨ, ਉਦਯੋਗ ਨੂੰ ਨਵੇਂ ਭਾਅ ‘ਤੇ ਸਟੀਲ ਅਤੇ ਲੋਹਾ ਖਰੀਦਣਾ ਪੈ ਰਿਹਾ ਹੈ। ਲਗਾਤਾਰ ਵਾਧਾ ਉਦਯੋਗ ਲਈ ਬਹੁਤ ਘਾਤਕ ਹੈ ਕਿਉਂਕਿ ਇਸ ਨਾਲ ਭਾਰਤੀ ਸਵਦੇਸ਼ੀ ਨਿਰਮਾਤਾ ਅੰਤਰਰਾਸ਼ਟਰੀ ਪੱਧਰ ‘ਤੇ ਅਯੋਗ ਹੋ ਗਏ ਹਨ। ਭਾਰਤ ਲੋਹੇ ਦੇ ਖਣਿਜ ਨਾਲ ਭਰਪੂਰ ਹੈ ਤਾਂ ਸਟੀਲ ਦੀਆਂ ਕੀਮਤਾਂ ਵਿੱਚ ਲਗਾਤਾਰ ਵਾਧਾ ਕਿਉਂ ਕੀਤਾ ਜਾ ਰਿਹਾ ਹੈ।

ਸ੍ਰੀ ਨਵੀਨ ਜਿੰਦਲ ਨੇ ਕਿਹਾ ਕਿ ਭਾਵੇਂ ਉਹ ਕੀਮਤਾਂ ਵਿੱਚ ਹੋਏ ਭਾਰੀ ਵਾਧੇ ਨੂੰ ਲੈ ਕੇ ਚਿੰਤਤ ਹਨ ਪਰ ਅੰਤਰਰਾਸ਼ਟਰੀ ਹਾਲਾਤਾਂ ਅਤੇ ਪੇਟ ਕੋਕ ਦੀਆਂ ਬੇਕਾਬੂ ਕੀਮਤਾਂ ਕਾਰਨ ਸਟੀਲ ਕੰਪਨੀਆਂ ਕੋਲ ਹੋਰ ਕੋਈ ਵਿਕਲਪ ਨਹੀਂ ਬਚਿਆ ਹੈ, ਪਰ ਉਹ ਕੀਮਤਾਂ ਨੂੰ ਕੰਟਰੋਲ ਕਰਨ ਲਈ ਇਸ ‘ਤੇ ਕੰਮ ਕਰ ਰਹੇ ਹਨ।

The post ਕੁਲਾਰ ਨੇ ਸਟੀਲ ਦੀਆਂ ਕੀਮਤਾਂ ਸੰਬੰਧੀ ਜਿੰਦਲ ਸਟੀਲਜ਼ ਦੇ ਚੇਅਰਮੈਨ ਨਾਲ ਕੀਤੀ ਮੁਲਾਕਾਤ appeared first on Ludhiana Live.