ਲੁਧਿਆਣਾ : ਪੰਜਾਬ ਦੇ ਬਾਜ਼ਾਰ ਵਿੱਚ ਰੂਸ-ਯੂਕਰੇਨ ਤਣਾਅ ਦਾ ਅਸਰ ਦਿਖਣਾ ਸ਼ੁਰੂ ਹੋ ਗਿਆ ਹੈ। ਰਿਫਾਇੰਡ ਤੇਲ ਅਤੇ ਬਨਸਪਤੀ ਘਿਓ ਦੀ ਕੀਮਤ ਵਿੱਚ 25 ਰੁਪਏ ਪ੍ਰਤੀ ਲੀਟਰ ਤੱਕ ਦਾ ਵਾਧਾ ਕੀਤਾ ਗਿਆ ਹੈ। ਹਾਲਾਂਕਿ, ਸਰ੍ਹੋਂ ਦੇ ਤੇਲ ਦੀ ਕੀਮਤ ਵਿੱਚ ਵਾਧਾ ਨਹੀਂ ਹੋਇਆ ਹੈ। ਅਚਾਨਕ ਭਾਅ ਵਧਣ ਨਾਲ ਆਮ ਲੋਕਾਂ ਦੇ ਨਾਲ-ਨਾਲ ਵਪਾਰੀ ਵੀ ਪ੍ਰੇਸ਼ਾਨ ਹਨ।
ਇਕ ਹਫਤਾ ਪਹਿਲਾਂ ਹੋਲਸੇਲ ਚ 120 ਰੁਪਏ ਪ੍ਰਤੀ ਲੀਟਰ ਵਿਕ ਰਿਹਾ ਰਿਫਾਇੰਡ ਤੇਲ ਬੁੱਧਵਾਰ ਨੂੰ 145 ਰੁਪਏ ਪ੍ਰਤੀ ਲੀਟਰ ਤੇ ਪਹੁੰਚ ਗਿਆ ਹੈ। ਉੱਥੇ ਹੀ ਥੋਕ ਇਕ ਹਫਤਾ ਪਹਿਲਾਂ 132 ਰੁਪਏ ਪ੍ਰਤੀ ਲੀਟਰ ਦੇ ਹਿਸਾਬ ਨਾਲ ਵਿਕ ਰਿਹਾ ਸੀ, ਬੁੱਧਵਾਰ ਨੂੰ ਇਹ 148 ਰੁਪਏ ਪ੍ਰਤੀ ਲੀਟਰ ਦੇ ਹਿਸਾਬ ਨਾਲ ਵਿਕਿਆ ਸੀ।
ਲੁਧਿਆਣਾ ਸਥਿਤ ਖਾਣ ਵਾਲੇ ਤੇਲ ਦੇ ਦਲਾਲ ਸੰਜੇ ਗਿਰਮਾਨੀ ਨੇ ਕਿਹਾ ਕਿ ਕੁਝ ਤੇਲ ਯੂਕਰੇਨ ਅਤੇ ਰੂਸ ਤੋਂ ਆਉਂਦਾ ਹੈ। ਤੇਲ ਦੇ ਉਤਰਾਅ-ਚੜ੍ਹਾਅ ਦਾ ਇਕ ਕਾਰਨ ਯੂਕਰੇਨ ਦਾ ਤਣਾਅ ਵੀ ਹੈ। ਜੇਕਰ ਜੰਗ ਹੁੰਦੀ ਹੈ ਤਾਂ ਦੋਹਾਂ ਦੇਸ਼ਾਂ ਤੋਂ ਤੇਲ ਦੀ ਸਪਲਾਈ ‘ਚ ਵਿਘਨ ਪੈ ਸਕਦਾ ਹੈ।
ਇਸ ਵਿਵਾਦ ਦਾ ਅਸਰ ਪੰਜਾਬ ਦੇ ਬਰਾਮਦਕਾਰਾਂ ‘ਤੇ ਵੀ ਦਿਖਾਈ ਦੇਣ ਲੱਗਾ ਹੈ। ਕਈ ਮੁਲਕਾਂ ਦੇ ਜਾਣ ਨਾਲ ਪੰਜਾਬ ਦੇ ਆਰਡਰ ਵੀ ਹੇਠਾਂ ਆਉਣੇ ਸ਼ੁਰੂ ਹੋ ਗਏ ਹਨ। ਫਿਲਹਾਲ, ਵੱਡੇ ਦੇਸ਼ਾਂ ਦੀਆਂ ਕੰਪਨੀਆਂ ਵੀ ਆਰਡਰ ਰੀਵਿਊ ਨੂੰ ਲੈ ਕੇ ਟਾਲ-ਮਟੋਲ ਕਰ ਰਹੀਆਂ ਹਨ।