ਲੁਧਿਆਣਾ : ਭਾਰਤੀ ਸਮਾਜ ਮੋਰਚਾ ਵੱਲੋਂ ਜਥੇਬੰਦੀ ਦੇ ਪ੍ਰਧਾਨ ਰਵੀ ਬਾਲੀ ਦੀ ਅਗਵਾਈ ਹੇਠ ਦਰਜਾ ਚਾਰ ਏ ਦੇ ਮੁਲਾਜ਼ਮਾਂ ਨੂੰ ਸਮੇਂ ਸਿਰ ਤਨਖਾਹਾਂ ਨਾ ਮਿਲਣ ਦੇ ਵਿਰੋਧ ਵਿੱਚ ਨਗਰ ਨਿਗਮ ਲੁਧਿਆਣਾ ਜ਼ੋਨ ਏ ਵਿਖੇ ਰੋਸ ਧਰਨਾ ਦਿੱਤਾ ਗਿਆ। ਧਰਨੇ ਦੀ ਅਗਵਾਈ ਕਰਦਿਆਂ ਰਵੀ ਬਾਲੀ ਨੇ ਦੱਸਿਆ ਕਿ ਜਥੇਬੰਦੀ ਵੱਲੋਂ ਪਹਿਲਾਂ ਵੀ ਧਰਨਾ ਦਿੱਤਾ ਗਿਆ ਸੀ, ਜਿਸ ਵਿੱਚ ਪਹਿਲੀ ਵਾਰ ਦੋ ਜ਼ੋਨਲ ਕਮਿਸ਼ਨਰਾਂ ਨੀਰਜ ਜੈਨ ਅਤੇ ਜੈਦੇਵ ਸੇਖੋਂ ਨੇ ਭਰੋਸਾ ਦਿੱਤਾ ਸੀ ਕਿ ਮੁਲਾਜ਼ਮਾਂ ਦੀਆਂ ਤਨਖਾਹਾਂ ਜਲਦੀ ਜਾਰੀ ਕੀਤੀਆਂ ਜਾਣਗੀਆਂ ਅਤੇ ਹਰ ਮਹੀਨੇ ਕਿਸੇ ਨਾ ਕਿਸੇ ਤਰੀਕ ਨੂੰ। ਜਿਸ ਦਿਨ ਮੁਲਾਜ਼ਮਾਂ ਨੂੰ ਤਨਖਾਹਾਂ ਮਿਲਣਗੀਆਂ ਇਸ ਦੀ ਪੁਸ਼ਟੀ ਵੀ ਹੋ ਜਾਵੇਗੀ।
ਦੂਜੀ ਵਾਰ ਨਗਰ ਨਿਗਮ ਲੁਧਿਆਣਾ ਦੇ ਕਮਿਸ਼ਨਰ ਸੰਦੀਪ ਰਿਸ਼ੀ ਨੇ ਖੁਦ ਅਜਿਹਾ ਭਰੋਸਾ ਦਿੱਤਾ ਸੀ ਅਤੇ ਉਹ ਖੋਖਲਾ ਨਿਕਲਿਆ। ਜਿਸ ਕਾਰਨ ਇਸ ਵਾਰ ਫਿਰ ਸਾਨੂੰ ਆਪਣਾ ਗੁੱਸਾ ਜ਼ਾਹਰ ਕਰਨਾ ਪਿਆ। ਰਵੀ ਬਾਲੀ ਨੇ ਕਿਹਾ ਕਿ ਜੇਕਰ ਇਸ ਵਾਰ ਵੀ ਕੋਈ ਸੁਣਵਾਈ ਨਾ ਹੋਈ ਤਾਂ ਅਗਲੇ ਹਫ਼ਤੇ ਵੱਡੇ ਪੱਧਰ ‘ਤੇ ਨਗਰ ਨਿਗਮ ਲੁਧਿਆਣਾ ਦੇ ਕਮਿਸ਼ਨਰ ਦੀ ਰਿਹਾਇਸ਼ ਦਾ ਘਿਰਾਓ ਕੀਤਾ ਜਾਵੇਗਾ | ਇਸ ਮੌਕੇ ਬਬਲੂ ਅਨਾਰੀਆ, ਬੌਬੀ ਚੰਡਾਲੀਆ, ਸੰਦੀਪ ਚੌਹਾਨ, ਵਿਸ਼ਾਲ ਵੜੈਚ, ਅਮਨ ਬਾਲੀ, ਰਾਜ ਕੁਮਾਰ ਭੱਟੀ, ਰਾਕੇਸ਼ ਟਾਂਕ, ਅਨਿਲ ਚੌਹਾਨ, ਵੀਰੂ ਚੰਡਾਲੀਆ, ਗੋਲਡੀ, ਰਾਹੁਲ, ਸੰਨੀ ਗਹਿਲੋਤ, ਦਰਸ਼ਨ ਕੁਮਾਰ ਬਬਲਾ, ਅਜੇ ਪਾਸੀ ਆਦਿ ਵੀ ਹਾਜ਼ਰ ਸਨ।