ਲੁਧਿਆਣਾ : ਸਰਕਾਰੀ ਕਾਲਜ ਲੜਕੀਆਂ , ਲੁਧਿਆਣਾ ‘ਚ ਗ੍ਰਹਿ ਵਿਗਿਆਨ ਅਤੇ ਸੂੰਦਰਤਾ ਅਤੇ ਤੰਦਰੁਸਤੀ ਵਿਭਾਗ ਵਲੋਂ ਪੋਸ਼ਣ ਉਤਸਵ ਦਾ ਆਯੋਜਨ ਕਰਕੇ ਰਾਸ਼ਟਰੀ ਪੋਸ਼ਣ ਮਹੀਨਾ ਮਨਾਇਆ ਗਿਆ । ਵਿਦਿਆਰਥੀਆਂ ਨੇ ਵੈਜੀਟੇਬਲ ਇਡਲੀ, ਚੁਕਦਰ ਅਤੇ ਪਨੀਰ ਸਟੱਫਡ ਇਡਲੀ, ਪ੍ਰੋਟੀਨ ਭਰਪੂਰ ਚੀਲਾ, ਸਪਰਾਉਟ ਸਲਾਦ, ਪੌਸ਼ਟਿਕ ਸਲਾਦ, ਬਾਜਰੇ ਦੀ ਬਰਾਊਨੀ ਅਤੇ ਕੇਕ, ਕੇਲੇ ਦੇ ਸੀਡਜ਼ ਦੀ ਸਮੂਦੀ, ਡੀਟੌਕਸ ਵਾਟਰ ਅਤੇ ਸਬਜ਼ੀਆਂ ਦੇ ਜੂਸ ਵਰਗੇ ਪੌਸ਼ਟਿਕ ਸਨੈਕਸ ਅਤੇ ਪੀਣ ਵਾਲੇ ਪਦਾਰਥਾਂ ਦੇ ਤਰੀਕਿਆਂ ਨੂੰ ਪ੍ਰਦਰਸ਼ਤਿ ਕੀਤਾ।
ਕਣਕ ਦੇ ਘਾਹ ਨੂੰ ਉਗਾਉਣ ਦੀ ਵਿਧੀ ਦਾ ਪ੍ਰਦਰਸ਼ਨ ਕੀਤਾ ਗਿਆ। ਵੱਖ-ਵੱਖ ਭੋਜਨਾਂ ਦੇ ਸਿਹਤ ਲਾਭਾਂ ਅਤੇ ਉਨ੍ਹਾਂ ਦੇ ਸਰਵਿੰਗ ਆਕਾਰ ਬਾਰੇ ਜਾਗਰੂਕਤਾ ਪੈਦਾ ਕਰਨ ਲਈ ਪੌਸ਼ਟਿਕ ਫਨ ਗੇਮਾਂ ਦਾ ਆਯੋਜਨ ਕੀਤਾ ਗਿਆ। ਵਿਦਿਆਰਥੀਆਂ ਅਤੇ ਅਧਿਆਪਕਾਂ ਨੇ ਮਜ਼ੇਦਾਰ ਖੇਡਾਂ ਵਿੱਚ ਹਿੱਸਾ ਲਿਆ ਅਤੇ ਆਪਣੀਆਂ ਸੈਲਫੀ ਖਿੱਚਣ ਦਾ ਆਨੰਦ ਮਾਣਿਆ। ਭੋਜਨ ਵਿਚ ਆਇਰਨ ਸੋਖਣ ਨੂੰ ਰੋਕਣ ਵਾਲੇ ਵੱਖ-ਵੱਖ ਭੋਜਨਾਂ ਦਾ ਪ੍ਰਦਰਸ਼ਨ ਕਰਨ ਲਈ ਇਕ ਸਟਾਲ ਲਗਾਇਆ ਗਿਆ ਅਤੇ ਆਇਰਨ ਸੋਖਣ ਨੂੰ ਵਧਾਉਣ ਲਈ ਸੁਝਾਅ ਸਾਂਝੇ ਕੀਤੇ ਗਏ ਸਨ।