Connect with us

ਪੰਜਾਬੀ

ਪੀ.ਏ.ਯੂ. ਦੀ ਸਫਾਈ ਅਤੇ ਹਰਿਆਲੀ ਮੁਹਿੰਮ ਵਿੱਚ ਫੈਡਰਲ ਬੈਂਕ ਨੇ ਸਹਿਯੋਗ ਦਾ ਕੀਤਾ ਵਾਅਦਾ

Published

on

PAU Federal Bank has promised cooperation in cleanliness and green campaign
ਲੁਧਿਆਣਾ : ਪੀ.ਏ.ਯੂ. ਵੱਲੋਂ ਯੂਨੀਵਰਸਿਟੀ ਕੈਂਪਸ ਦੀ ਸਫਾਈ ਅਤੇ ਹਰਿਆਲੀ ਮੁਹਿੰਮ ਨੂੰ ਉਸ ਸਮੇਂ ਹੋਰ ਹੁਲਾਰਾ ਮਿਲਿਆ ਜਦੋਂ ਫੈਡਰਲ ਬੈਂਕ ਨੇ ਇਸ ਮੁਹਿੰਮ ਵਿੱਚ ਸਾਥ ਦਾ ਵਾਅਦਾ ਕੀਤਾ | ਇਸ ਸੰਬੰਧੀ ਫੈਡਰਲ ਬੈਂਕ ਦੀ ਇੱਕ ਟੀਮ ਜਿਸ ਵਿੱਚ ਏ ਵੀ ਪੀ ਸ਼੍ਰੀ ਅਚਲ ਚੌਧਰੀ, ਸੀਨੀਅਰ ਮੈਨੇਜਰ ਵਰੁਣ ਗੁਪਤਾ ਅਤੇ ਸਰਕਲ ਕਾਰੋਬਾਰੀ ਮੁਖੀ ਗੁਰਮਹਿਦੀਪ ਸਿੰਘ ਨੇ ਪੀ.ਏ.ਯੂ. ਦੇ ਵਾਈਸ ਚਾਂਸਲਰ ਡਾ. ਸਤਿਬੀਰ ਸਿੰਘ ਗੋਸਲ ਨਾਲ ਮੁਲਾਕਾਤ ਕੀਤੀ |
ਇਸ ਮੌਕੇ ਬੋਲਦਿਆਂ ਵਾਈਸ ਚਾਂਸਲਰ ਡਾ. ਗੋਸਲ ਨੇ ਕਿਹਾ ਕਿ ਪੀ.ਏ.ਯੂ. ਅਜਿਹੀ ਸੰਸਥਾ ਹੈ ਜਿਸ ਨੇ ਅਕਾਦਮਿਕ ਯੋਗਦਾਨ ਦੇ ਨਾਲ-ਨਾਲ ਪੰਜਾਬ ਦੀ ਖੇਤੀਬਾੜੀ ਨੂੰ ਨਵੀਆਂ ਲੀਹਾਂ ਤੇ ਪਹੁੰਚਾਇਆ ਹੈ | ਉਹਨਾਂ ਨੇ ਕਿਹਾ ਕਿ ਯੂਨੀਵਰਸਿਟੀ ਦੀ ਪੁਰਾਣੀ ਸ਼ਾਨ ਦੀ ਬਹਾਲੀ ਲਈ ਕਾਰਪੋਰੇਟ ਇਕਾਈਆਂ ਦਾ ਅੱਗੇ ਆਉਣਾ ਸ਼ੁਭ ਸ਼ਗਨ ਹੈ | ਡਾ. ਗੋਸਲ ਨੇ ਅਹਿਦ ਕੀਤਾ ਕਿ ਪੀ.ਏ.ਯੂ. ਨੂੰ ਪੂਰੀ ਤਨਦੇਹੀ ਨਾਲ ਸਾਫ-ਸੁਥਰੀ ਸੰਸਥਾ ਵਿੱਚ ਬਦਲਣ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ |

Facebook Comments

Trending