ਲੁਧਿਆਣਾ : ਬੀਤੇ ਦਿਨੀ ਫੋਕਲ ਪੁਆਇੰਟ ਫੇਜ਼ 7 ਸਥਿਤ ਫਰੇਨ ਹੀਟ ਕਲਾਥਿੰਗ ਵਿਖੇ 6 ਲੁਟੇਰਿਆਂ ਨੇ ਮਜ਼ਦੂਰਾਂ ਨੂੰ ਦਿਹਾੜੀ ਵੰਡਣ ਲਈ ਲਿਆਂਦੇ 16 ਲੱਖ ਰੁਪਏ ਲੁੱਟ ਲਏ। ਛੇ ਹਥਿਆਰਬੰਦ ਲੁਟੇਰਿਆਂ ਵਿੱਚੋਂ ਤਿੰਨ ਫੈਕਟਰੀ ਵਿੱਚ ਦਾਖਲ ਹੋਏ ਅਤੇ ਤਿੰਨ ਬਾਹਰ ਹੀ ਰਹੇ। ਅੰਦਰ ਦਾਖਲ ਹੋਏ ਲੁਟੇਰਿਆਂ ਨੇ ਹਥਿਆਰ ਦਿਖਾ ਕੇ ਸਾਰੇ ਪੈਸੇ ਇਕੱਠੇ ਕਰ ਲਏ ਅਤੇ ਆਪਣੇ ਸਾਥੀਆਂ ਸਮੇਤ ਫ਼ਰਾਰ ਹੋ ਗਏ।
ਘਟਨਾ ਦੀ ਸੂਚਨਾ ਮਿਲਦੇ ਹੀ ਪੁਲਿਸ ਕਮਿਸ਼ਨਰ ਕੌਸਤੁਭ ਸ਼ਰਮਾ ਖੁਦ ਮੌਕੇ ‘ਤੇ ਪਹੁੰਚੇ ਅਤੇ ਜਾਇਜ਼ਾ ਲਿਆ। ਪੁਲਿਸ ਫੈਕਟਰੀ ਵਿੱਚ ਲੱਗੇ ਸੀਸੀਟੀਵੀ ਕੈਮਰਿਆਂ ਦੀ ਫੁਟੇਜ ਖੰਗਾਲ ਰਹੀ ਹੈ। ਖਦਸ਼ਾ ਪ੍ਰਗਟਾਇਆ ਜਾ ਰਿਹਾ ਹੈ ਕਿ ਫੈਕਟਰੀ ਦੇ ਕਿਸੇ ਜਾਣਕਾਰ ਦੀ ਲੁਟੇਰਿਆਂ ਨਾਲ ਮੁਲਾਕਾਤ ਹੋ ਗਈ ਸੀ, ਜਿਸ ਕਾਰਨ ਉਨ੍ਹਾਂ ਨੂੰ ਪਤਾ ਲੱਗਾ ਕਿ ਉਸ ਸਮੇਂ ਤਨਖਾਹ ਵੰਡੀ ਜਾਣੀ ਹੈ। ਲੁਟੇਰੇ ਸਿੱਧੇ ਉਸੇ ਥਾਂ ‘ਤੇ ਚਲੇ ਗਏ ਜਿੱਥੇ ਪੈਸੇ ਰੱਖੇ ਹੋਏ ਸਨ।