ਖ਼ਾਲਸਾ ਕਾਲਜ ਫ਼ਾਰ ਵਿਮੈਨ, ਸਿਵਿਲ ਲਾਈਨਜ਼, ਲੁਧਿਆਣਾ ਵੱਲੋਂ ਆਰਟਸ ਵਿਭਾਗ ਦੀਆਂ ਭਾਗ ਪਹਿਲਾ ਦੀਆਂ ਵਿਦਿਆਰਥਣਾਂ ਲਈ ਸੁਆਗਤੀ ਪ੍ਰੋਗਰਾਮ ਦਾ ਆਯੋਜਨ ਕੀਤਾ ਗਿਆ। ਕਾਲਜ ਵਿੱਚ ਵਿਦਿਆਰਥਣਾਂ ਦੀ ਸ਼ਮੂਲੀਅਤ ਅਤੇ ਮੰਨੋਰੰਜਨ ਲਈ ਗਿੱਧਾ, ਭੰਗੜਾ, ਗਾਇਨ ਅਤੇ ਮਾਡਲਿੰਗ ਆਦਿ ਮੁਕਾਬਲੇ ਕਰਵਾਏ ਗਏ। ਮੁਸਕਾਨ, ਮਨਸਵੀ ਮਾਨੂਜਾ ਨੇ ਪੰਜਾਬੀ ਗੀਤਾਂ ਉੱਤੇ ਭੰਗੜਾ ਪਾਇਆ। ਚਾਹਤ ਨੇ ਕਲਾਸੀਕਲ ਡਾਂਸ ਰਾਹੀ ਸਾਰਿਆਂ ਦਾ ਮਨ ਜਿੱਤ ਲਿਆ।
ਵਿਦਿਆਰਥਣਾਂ ਨੇ ਲੋਕ-ਸਾਜ ਢੋਲਕੀ, ਢੱਡ, ਡੱਫਲੀ, ਸਾਰੰਗੀ ਵਜਾ ਕੇ ਵੱਖਰਾ ਰੰਗ ਬੰਨ੍ਹ ਦਿੱਤਾ। ਵਿਦਿਆਰਥਣਾਂ ਨੇ ਕਾਲਜ ਜੀਵਨ ਦੀ ਮਹੱਤਤਾ ਨੂੰ ਸਕਿੱਟ ਰਾਹੀ ਬਾਖੂਬੀ ਮੰਚ ਉੱਤੇ ਪੇਸ਼ ਕੀਤਾ। ਮਾਡਲਿੰਗ ਵਿੱਚੋਂ ਪਹਿਲੀ ਰਨਰਅੱਪ ਪਰੀ ਅਤੇ ਦੂਸਰੀ ਰਨਰਅੱਪ ਰੀਆ ਰਹੀਆਂ ਅਤੇ ਮਿਸ ਫਰੈਸ਼ਰ ਦਾ ਤਾਜ ਸ਼ਾਲਿਨੀ ਦੇ ਸਿਰ ਸੱਜਿਆ। ਅੰਤ ਪੰਜਾਬੀ ਭੰਗੜੇ ਦੀ ਧਮਾਲ ਨੇ ਸਾਰਿਆਂ ਨੂੰ ਭੰਗੜੇ ਦੇ ਰੰਗ ਵਿੱਚ ਰੰਗ ਦਿੱਤਾ। ਪ੍ਰਿੰਸੀਪਲ ਡਾ.ਇਕਬਾਲ ਕੌਰ ਨੇ ਜੇਤੂ ਵਿਦਿਆਰਥਣਾਂ ਨੂੰ ਸਨਮਾਨਿਤ ਕੀਤਾ।