ਪੰਜਾਬੀ
ਨਿੰਬੂ ਨਾਲ ਕਦੇ ਨਾ ਖਾਓ ਇਹ ਫਲ, ਹੋ ਸਕਦੀ ਹੈ ਫੂਡ ਪੁਆਇਜ਼ਨਿੰਗ
ਗਰਮੀਆਂ ਦੇ ਮੌਸਮ ਵਿਚ ਨਿੰਬੂ ਦਾ ਸੇਵਨ ਕਾਫ਼ੀ ਵਧ ਜਾਂਦਾ ਹੈ। ਨਿੰਬੂ ਸਰੀਰ ਨੂੰ ਹਾਈਡਰੇਟ ਰੱਖਣ ਦੇ ਨਾਲ-ਨਾਲ ਇਮਿਊਨਿਟੀ ਵਧਾਉਣ ਵਿਚ ਮਦਦ ਕਰਦਾ ਹੈ। ਪਰ ਕਈ ਅਜਿਹੇ ਭੋਜਨ ਹਨ ਜਿਨ੍ਹਾਂ ਦੇ ਨਾਲ ਫਲ ਨਹੀਂ ਖਾਣੇ ਚਾਹੀਦੇ। ਉਦਾਹਰਨ ਲਈ ਦੁੱਧ ਪੀਣ ਤੋਂ ਬਾਅਦ ਕਦੇ ਵੀ ਖੱਟੇ ਫਲਾਂ ਦਾ ਸੇਵਨ ਕਰਨਾ ਨੁਕਸਾਨਦੇਹ ਹੈ ਤੇ ਪੇਟ ਵਿੱਚ ਗੜਬੜ ਪੈਦਾ ਕਰਦਾ ਹੈ। ਇਸੇ ਤਰ੍ਹਾਂ ਨਿੰਬੂ ਦੇ ਨਾਲ ਕੁਝ ਫਲਾਂ ਦਾ ਸੇਵਨ ਵੀ ਵਰਜਿਤ ਹੈ। ਜੇਕਰ ਤੁਸੀਂ ਗਰਮੀਆਂ ਵਿੱਚ ਨਿੰਬੂ ਦਾ ਸ਼ਰਬਤ ਆਦਿ ਪੀਂਦੇ ਹੋ ਤਾਂ ਕੁਝ ਫਲਾਂ ਦਾ ਸੇਵਨ ਵਰਜਿਤ ਹੈ।
ਨਿੰਬੂ ਦੇ ਨਾਲ ਨਾ ਖਾਓ ਪਪੀਤਾ : ਪਪੀਤਾ ਇਕ ਬਹੁਤ ਹੀ ਸਿਹਤਮੰਦ ਫਲ ਹੈ, ਜਿਸ ਵਿਚ ਕਈ ਤਰ੍ਹਾਂ ਦੇ ਫਲ ਪਾਏ ਜਾਂਦੇ ਹਨ। ਪਪੀਤਾ ਪਾਚਨ ਕਿਰਿਆ ਨੂੰ ਚੰਗਾ ਬਣਾਉਣ ‘ਚ ਮਦਦਗਾਰ ਹੁੰਦਾ ਹੈ। ਇਸ ਦੇ ਨਾਲ ਹੀ ਨਿੰਬੂ ਪਾਚਨ ਕਿਰਿਆ ‘ਚ ਵੀ ਫਾਇਦੇਮੰਦ ਹੁੰਦਾ ਹੈ ਪਰ ਇਨ੍ਹਾਂ ਦੋਵਾਂ ਨੂੰ ਇਕੱਠੇ ਨਹੀਂ ਖਾਣਾ ਚਾਹੀਦਾ।
ਫੂਡ ਪੁਆਇਜ਼ਨਿੰਗ ਦੀ ਸਮੱਸਿਆ : ਕੁਝ ਲੋਕ ਪਪੀਤਾ ਕੱਟ ਕੇ ਨਮਕ ਤੇ ਨਿੰਬੂ ਮਿਲਾ ਕੇ ਖਾਣਾ ਪਸੰਦ ਕਰਦੇ ਹਨ। ਦੋਵਾਂ ਦਾ ਇਕੱਠੇ ਸੇਵਨ ਕਰਨ ਨਾਲ ਫੂਡ ਪੁਆਇਜ਼ਨਿੰਗ ਦੀ ਸਮੱਸਿਆ ਹੋ ਸਕਦੀ ਹੈ। ਇਨ੍ਹਾਂ ਦੋਵਾਂ ਦਾ ਸੇਵਨ ਕਰਨ ਨਾਲ ਮਤਲੀ, ਉਲਟੀਆਂ ਤੇ ਪੇਟ ਦਰਦ ਸਮੇਤ ਪਾਚਨ ਸੰਬੰਧੀ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਇਸ ਤੋਂ ਇਲਾਵਾ ਪਪੀਤਾ ਅਤੇ ਨਿੰਬੂ ਦੇ ਸੇਵਨ ਵਿਚ 1 ਘੰਟੇ ਦਾ ਅੰਤਰ ਰੱਖੋ।
ਗ਼ਲਤੀ ਨਾਲ ਖਾ ਲਓ ਤਾਂ ਕੀ ਕਰੀਏ : ਜੇਕਰ ਤੁਸੀਂ ਗਲਤੀ ਨਾਲ ਨਿੰਬੂ ਤੇ ਪਪੀਤਾ ਇਕੱਠੇ ਖਾ ਲਿਆ ਹੈ ਤਾਂ ਅੱਧੇ ਘੰਟੇ ਲਈ ਫਿਜ਼ੀਕਲ ਐਕਟੀਵਿਟੀ ਵਧਾਓ। ਜੇਕਰ ਸਮੱਸਿਆ ਜ਼ਿਆਦਾ ਹੈ ਤਾਂ ਡਾਕਟਰ ਕੋਲ ਜਾਣਾ ਚਾਹੀਦਾ ਹੈ। ਦੂਜੇ ਪਾਸੇ ਜੇਕਰ ਪੇਟ ‘ਚ ਥੋੜ੍ਹਾ ਜਿਹਾ ਦਰਦ ਹੁੰਦਾ ਹੈ ਤਾਂ ਤੁਸੀਂ ਦਰਦ ਨਿਵਾਰਕ ਦਵਾਈਆਂ ਲੈ ਸਕਦੇ ਹੋ।
