ਐਮਪੀ ਅਰੋੜਾ ਨੇ ਮੋਬਾਈਲ ਵੈਨ ਕਲੀਨਿਕ ਦਾ ਕੀਤਾ ਉਦਘਾਟਨ

ਲੁਧਿਆਣਾ : ਮੈਂਬਰ ਪਾਰਲੀਮੈਂਟ ਸੰਜੀਵ ਅਰੋੜਾ ਨੇ ਕੁਲਵਿੰਦਰ ਸਿੰਘ, ਚੀਫ਼ ਜਨਰਲ ਮੈਨੇਜਰ, ਐਨਟੀਪੀਸੀ ਲਿਮਟਿਡ, ਸੁਦਰਸ਼ਨ ਸ਼ਰਮਾ, ਮੀਤ ਪ੍ਰਧਾਨ, ਪ੍ਰੇਮ ਗੁਪਤਾ, ਸਕੱਤਰ, ਡਾ. ਵਿਸ਼ਵ ਮੋਹਨ ਨਾਲ ਹੀਰੋ ਡੀਐਮਸੀ ਹਾਰਟ ਇੰਸਟੀਚਿਊਟ ਵਿਖੇ ਮੋਬਾਈਲ ਵੈਨ ਕਲੀਨਿਕ ਦਾ ਉਦਘਾਟਨ ਕੀਤਾ। ਇਹ ਮੋਬਾਈਲ ਵੈਨ ਕਲੀਨਿਕ ਡੀਐਮਸੀਐਚ ਆਊਟਰੀਚ ਪ੍ਰੋਗਰਾਮ ਦੇ ਤਹਿਤ ਐਨਟੀਪੀਸੀ ਲਿਮਿਟੇਡ ਦੇ ਸਹਿਯੋਗ ਨਾਲ ਸਥਾਪਿਤ ਕੀਤਾ ਗਿਆ ਹੈ।

ਅਰੋੜਾ ਨੇ ਡੀਐਮਸੀਐਚ ਆਊਟਰੀਚ ਪ੍ਰੋਗਰਾਮ ਦੀ ਸ਼ਲਾਘਾ ਕੀਤੀ ਅਤੇ ਇਸ ਨੂੰ ਸਿਹਤ ਸੰਭਾਲ ਸੇਵਾਵਾਂ ਦੀ ਮੰਗ ਕਰਨ ਵਾਲੇ ਲੋੜਵੰਦ ਲੋਕਾਂ ਲਈ ਇੱਕ ਚੰਗੀ ਪਹਿਲ ਕਰਾਰ ਦਿੱਤਾ। ਨਾਲ ਹੀ ਅਰੋੜਾ ਨੇ ਡਾਕਟਰਾਂ ਵੱਲੋਂ ਕੀਤੇ ਜਾ ਰਹੇ ਚੰਗੇ ਕੰਮ ਦੀ ਸ਼ਲਾਘਾ ਕੀਤੀ। ਉਨ੍ਹਾਂ ਨੇ ਨਵੇਂ ਲਾਂਚ ਕੀਤੇ ਮੋਬਾਈਲ ਵੈਨ ਕਲੀਨਿਕ ਦਾ ਪੂਰੀ ਤਰ੍ਹਾਂ ਨਾਲ ਨਿਰੀਖਣ ਕੀਤਾ। ਮੋਬਾਈਲ ਵੈਨ ਕਲੀਨਿਕ ਸਾਰੀਆਂ ਲੋੜੀਂਦੀਆਂ ਚੀਜ਼ਾਂ ਨਾਲ ਪੂਰੀ ਤਰ੍ਹਾਂ ਲੈਸ ਹੈ।