ਲੁਧਿਆਣਾ : ਲੁਧਿਆਣਾ ‘ਚ ਪਿਛਲੇ 6 ਮਹੀਨਿਆਂ ਤੋਂ ਹੈਬੋਵਾਲ ਵਾਸੀਆਂ ਨੂੰ 300 ਮੀਟਰ ਦੀ ਸੜਕ ਨਾ ਬਣਨ ਕਾਰਨ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਭੂਰੀ ਵਾਲਾ ਗੁਰਦੁਆਰਾ ਸਾਹਿਬ ਤੋਂ ਹੈਬੋਵਾਲ ਪੁਲੀ ਤੱਕ ਸੀਵਰੇਜ ਲਾਈਨ ਪਾਉਣ ਤੋਂ ਬਾਅਦ ਇਹ ਸੜਕ ਨਹੀਂ ਬਣਾਈ ਗਈ । ਇੱਥੋਂ ਲੰਘਣ ਵਾਲੇ ਹਜ਼ਾਰਾਂ ਵਾਹਨ ਚਾਲਕ ਇਸ ਦਾ ਖਮਿਆਜ਼ਾ ਭੁਗਤ ਰਹੇ ਹਨ। ਸੜਕ ਠੀਕ ਨਾ ਹੋਣ ਕਾਰਨ ਇਥੇ ਹਰ ਸਮੇਂ ਚੱਕਾ ਜਾਮ ਦੀ ਸਥਿਤੀ ਬਣੀ ਰਹਿੰਦੀ ਹੈ। ਇਸ ਕਾਰਨ ਇੱਥੋਂ ਦਾ ਦੁਕਾਨਦਾਰ ਵੀ ਪਰੇਸ਼ਾਨ ਹੈ।
ਜਿਕਰਯੋਗ ਹੈ ਕਿ ਹੈਬੋਵਾਲ ਮੇਨ ਰੋਡ ਹੈਬੋਵਾਲ, ਚੰਦਰ ਨਗਰ, ਜੱਸੀਆਂ ਰੋਡ, ਚੂਹੜਪੁਰ ਰੋਡ ਸਮੇਤ ਦਰਜਨ ਦੇ ਕਰੀਬ ਇਲਾਕਿਆਂ ਵਿਚ ਜਾਣ ਦਾ ਸਹਾਰਾ ਹੈ। ਭੂਰੀਵਾਲੇ ਗੁਰਦੁਆਰਾ ਸਾਹਿਬ ਤੋਂ ਹੈਬੋਵਾਲ ਪੁਲੀ ਤੱਕ ਕਰੀਬ 500 ਮੀਟਰ ਸੜਕ ਕਰੀਬ ਛੇ ਮਹੀਨੇ ਪਹਿਲਾਂ ਹੀ ਉੱਖੜ ਗਈ ਸੀ। ਉਸ ਤੋਂ ਬਾਅਦ ਇਹ ਸੜਕ ਨਹੀਂ ਬਣ ਸਕੀ। ਚੋਣ ਜ਼ਾਬਤਾ ਲੱਗਣ ਤੋਂ ਬਾਅਦ ਸੜਕ ਵਿਚਕਾਰ ਫਸ ਗਈ।
ਨਿਗਮ ਨੇ ਇਸ ਸੜਕ ਨੂੰ ਦੁਬਾਰਾ ਨਹੀਂ ਬਣਾਇਆ ਹੈ। ਜਿਸ ਕਾਰਨ ਇੱਥੋਂ ਦੇ ਲੋਕਾਂ ਨੂੰ ਸਭ ਤੋਂ ਵੱਧ ਪ੍ਰੇਸ਼ਾਨੀ ਹੋ ਰਹੀ ਹੈ। ਦਿਲਚਸਪ ਗੱਲ ਇਹ ਹੈ ਕਿ ਇਸ ਸੜਕ ਨੂੰ ਬਣਾਉਣ ਲਈ ਨਿਗਮ ਵਲੋਂ ਕੋਈ ਟੈਂਡਰ ਨਹੀਂ ਲਗਾਇਆ ਗਿਆ ਸੀ । ਨਿਗਮ ਅਧਿਕਾਰੀ ਕਹਿ ਰਹੇ ਸਨ ਕਿ ਸਿੰਗਲ ਰੋਡ ਲਈ ਟੈਂਡਰ ਕਿਵੇਂ ਜਾਰੀ ਕੀਤੇ ਜਾਣ। ਨਿਗਮ ਅਧਿਕਾਰੀਆਂ ਵੱਲੋਂ ਇੱਥੋਂ ਦੇ ਲੋਕਾਂ ਅਤੇ ਦੁਕਾਨਦਾਰਾਂ ਦੀਆਂ ਸਮੱਸਿਆਵਾਂ ਵੱਲ ਧਿਆਨ ਨਹੀਂ ਦਿੱਤਾ ਗਿਆ। ਸਵੇਰੇ-ਸ਼ਾਮ ਇੱਥੋਂ ਲੰਘਣ ਵਾਲੇ ਹਜ਼ਾਰਾਂ ਲੋਕਾਂ ਨੂੰ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।