ਕਮਲਾ ਲੋਹਟੀਆ ਐਸ.ਡੀ.ਕਾਲਜ, ਲੁਧਿਆਣਾ ਵਿਖੇ ‘ਮੇਰਾ ਬਿੱਲ’ ਐਪ ਲਾਂਚ ਕਰਨ ਅਤੇ ਬਿਲ ਲਿਆਓ ਇਨਾਮ ਪਾਓ ਸਕੀਮ ਦੇ ਪ੍ਰਚਾਰ ਲਈ ਵਿਸਥਾਰ ਲੈਕਚਰ ਦਾ ਆਯੋਜਨ ਕੀਤਾ ਗਿਆ। ਟੈਕਸੇਸ਼ਨ ਵਿਭਾਗ, ਲੁਧਿਆਣਾ-4 ਦੇ ਅਧਿਕਾਰੀਆਂ ਦੀ ਟੀਮ ਜਿਸ ਵਿੱਚ ਸਟੇਟ ਟੈਕਸ ਅਫਸਰ ਸ੍ਰੀ ਰਾਜੀਵ ਸ਼ਰਮਾ, ਸ੍ਰੀ ਖੁਸ਼ਵੰਤ ਸਿੰਘ ਅਤੇ ਸ੍ਰੀ ਸੰਜੇ ਢੀਂਗਰਾ ਸ਼ਾਮਲ ਸਨ ਨੇ ਵਿਦਿਆਰਥੀਆਂ ਨੂੰ ਬਿਲ ਲਿਆਓ ਇਨਾਮ ਪਾਓ ਸਕੀਮ ਬਾਰੇ ਜਾਣੂ ਕਰਵਾਇਆ।
ਉਨ੍ਹਾਂ ਨੇ ਨੌਜਵਾਨਾਂ ਨੂੰ ਮੇਰਾ ਬਿੱਲ ਐਪ ਡਾਊਨਲੋਡ ਕਰਨ ਲਈ ਪ੍ਰੇਰਿਤ ਕੀਤਾ। ਇਸ ਪ੍ਰੋਗਰਾਮ ਦਾ ਉਦੇਸ਼ ਸਾਰੇ ਵਪਾਰਕ ਲੈਣ-ਦੇਣ ਨੂੰ ਰਿਕਾਰਡ ‘ਤੇ ਲਿਆਉਣ ਬਾਰੇ ਜਾਗਰੂਕਤਾ ਪੈਦਾ ਕਰਨਾ ਸੀ ਤਾਂ ਜੋ ਜੀਐਸਟੀ (ਵਸਤੂ ਅਤੇ ਸੇਵਾਵਾਂ ਟੈਕਸ) ਮਾਲੀਆ ਵਧਾਉਣ ਦੇ ਅੰਤਮ ਉਦੇਸ਼ ਨਾਲ ਬੇਹਿਸਾਬੀ ਲੈਣ-ਦੇਣ ‘ਤੇ ਰੋਕ ਲਗਾਈ ਜਾ ਸਕੇ।
ਇਸ ਮੌਕੇ ਪ੍ਰਿੰਸੀਪਲ ਡਾ. ਸਲੀਮ ਨੇ ਨੌਜਵਾਨ ਵਿਦਿਆਰਥੀਆਂ ਨੂੰ ਇਸ ਐਪ ਦੀ ਚੰਗੀ ਵਰਤੋਂ ਕਰਨ ਅਤੇ ਦੂਜਿਆਂ ਨੂੰ ਵੀ ਇਸ ਲਈ ਪ੍ਰੇਰਿਤ ਕਰਨ ਲਈ ਪ੍ਰੇਰਿਤ ਕੀਤਾ। ਕਾਲਜ ਮੈਨੇਜਿੰਗ ਕਮੇਟੀ ਦੇ ਕਾਰਜਕਾਰੀ ਪ੍ਰਧਾਨ ਸੁਨੀਲ ਅਗਰਵਾਲ, ਸੰਦੀਪ ਅਗਰਵਾਲ, ਸੰਦੀਪ ਜੈਨ, ਬ੍ਰਿਜ ਮੋਹਨ ਰੱਲ੍ਹਣ, ਸ਼ਮਨ ਜਿੰਦਲ ਅਤੇ ਆਰਡੀ ਸਿੰਘਲ ਨੇ ਵੀ ਇਸ ਜਾਣਕਾਰੀ ਭਰਪੂਰ ਸਮਾਗਮ ਦੇ ਆਯੋਜਨ ਲਈ ਸ਼ਲਾਘਾ ਕੀਤੀ।