ਸੰਜੀਵ ਅਰੋੜਾ ਸੰਸਦ ਮੈਂਬਰ ਨੇ ਲੁਧਿਆਣਾ ਵਿੱਚ ਕਲੱਬ ਦੇ ਕੰਪਲੈਕਸ ਵਿੱਚ ਆਯੋਜਿਤ ਸਤਲੁਜ ਕਲੱਬ ਬੈਡਮਿੰਟਨ ਲੀਗ 2.0 ਦੇ ਇਨਾਮ ਵੰਡ ਸਮਾਰੋਹ ਦੀ ਪ੍ਰਧਾਨਗੀ ਕੀਤੀ। ਇਸ ਮੌਕੇ ਅਰੋੜਾ ਨੇ ਸੁਨੀਲ ਸਚਦੇਵਾ ਦੀ ਮਲਕੀਅਤ ਵਾਲੀ ਅਤੇ ਅਮਿਤ ਚਾਵਲਾ ਦੀ ਕਪਤਾਨੀ ਵਾਲੀ ਜੇਤੂ ਟੀਮ ਕੋਹਿਨੂਰ ਸੁਪਰ ਕਿੰਗਜ਼ ਨੂੰ ਟਰਾਫੀ ਭੇਟ ਕੀਤੀ। ਅਰੋੜਾ ਵੱਲੋਂ ਜੇਤੂ ਅਤੇ ਉਪ ਜੇਤੂ ਟੀਮ ਨੂੰ ਇਨਾਮ ਦੇਣ ਤੋਂ ਇਲਾਵਾ ਅੰਤਰਰਾਸ਼ਟਰੀ ਅਤੇ ਰਾਸ਼ਟਰੀ ਖਿਡਾਰੀਆਂ ਨੂੰ ਵੀ ਸਨਮਾਨਿਤ ਕੀਤਾ ਗਿਆ।
ਲੀਗ ਵਿੱਚ ਕੁੱਲ ਛੇ ਟੀਮਾਂ ਕੋਹਿਨੂਰ ਸੁਪਰ ਕਿੰਗਜ਼, ਗਰੋਵਰ ਡਾਇਨਾਮਿਕ ਵ੍ਹੈਕਰਜ਼, ਸੁਪਰ ਸਟਾਰਸ, ਓਨ ਚੈਂਪੀਅਨਜ਼, ਪਾਮ ਕੋਰਟ ਵਾਰੀਅਰਜ਼ ਅਤੇ ਸਮੈਗ ਸਟਰਾਈਕਰਜ਼ ਨੇ ਭਾਗ ਲਿਆ। ਅਰੋੜਾ ਨੇ ਆਪਣੇ ਸੰਬੋਧਨ ਵਿੱਚ ਜੇਤੂਆਂ ਅਤੇ ਬਾਕੀ ਸਾਰੇ ਪ੍ਰਤੀਭਾਗੀਆਂ ਨੂੰ ਮੈਚਾਂ ਦੌਰਾਨ ਆਪਣੀ ਖੇਡ ਦਿਖਾਉਣ ਲਈ ਵਧਾਈ ਦਿੱਤੀ। ਉਨ੍ਹਾਂ ਨੇ ਖੇਡਾਂ ਦੇ ਜੀਵਨ ਵਿੱਚ ਮਹੱਤਵ ਬਾਰੇ ਦੱਸਿਆ।
