ਮੈਨੂੰ ਮੰਚ ’ਤੇ ਪ੍ਰਫਾਰਮ ਕਰਨਾ ਪਸੰਦ ਹੈ : ਵਾਣੀ ਕਪੂਰ

ਅਭਿਨੇਤਰੀ ਵਾਣੀ ਕਪੂਰ ਜਿਸ ਨੇ ਬਿਨਾ ਕਿਸੇ ਕੋਲੋਂ ਸਿੱਖੇ ਆਪਣੇ ਦਮ ’ਤੇ ਡਾਂਸ ਕਰ ਕੇ ਆਪਣਾ ਹੁਨਰ ਦਿਖਾਇਆ ਹੈ, ਜਿਸ ਨੇ ‘ਘੁੰਗਰੂ’, ‘ਨਸ਼ਾ ਸਾ ਚੜ੍ਹ ਗਇਆ’, ‘ਉੜੇ ਦਿਲ ਬੇਫਿਕਰੇ’ ਵਰਗੇ ਸੁਪਰਹਿੱਟ ਗੀਤਾਂ ਨਾਲ ਬਾਲੀਵੁੱਡ ਦੀਆਂ ਬਿਹਤਰੀਨ ਡਾਂਸਰਾਂ ’ਚੋਂ ਇਕ ਬਣ ਕੇ ਸਾਰਿਆਂ ਦਾ ਦਿਲ ਜਿੱਤ ਲਿਆ ਹੈ।

ਫਿਲਹਾਲ ਉਹ ਇਸ ਸਮੇਂ ਆਪਣੇ ਦੋ ਗਲੋਬਲ ਦੌਰਿਆਂ ’ਤੇ ਹੈ। ਇਕ ਤਿੰਨ ਹਫ਼ਤਿਆਂ ਦੀ ਯੂ.ਐੱਸ. ਯਾਤਰਾ ਤੇ ਰਿਤਿਕ ਰੋਸ਼ਨ ਨਾਲ ਆਉਣ ਵਾਲੇ ਯੂ.ਕੇ. ਸੰਗੀਤ ਪ੍ਰੋਗਰਾਮ। ਵਾਣੀ ਦਾ ਕਹਿਣਾ ਹੈ ਕਿ ਉਹ ਹਮੇਸ਼ਾ ਤੋਂ ਹੀ ਸਟੇਜ ’ਤੇ ਪ੍ਰਫਾਰਮ ਕਰਨਾ ਪਸੰਦ ਕਰਦੀ ਹੈ।

ਅਦਾਕਾਰਾ ਵਾਣੀ ਕਪੂਰ ਵੱਡੇ ਗਲੋਬਲ ਟੂਰ ਤੇ ਸੰਗੀਤ ਸਮਾਗਮਾਂ ’ਚ ਪ੍ਰਦਰਸ਼ਨ ਕਰਨ ਲਈ ਉਤਸੁਕ ਹੈ, ਤਾਂ ਜੋ ਉਹ ਹਿੰਦੀ ਫਿਲਮਾਂ ਦੇ ਗੀਤਾਂ ਨੂੰ ਦੁਨੀਆ ਭਰ ਦੇ ਲੋਕਾਂ ਤੱਕ ਲਿਜਾ ਸਕੇ।