ਲੁਧਿਆਣਾ : ਗੁਲਜ਼ਾਰ ਗਰੁੱਪ ਆਫ ਇੰਸਟੀਚਿਊਟਸ ਦੀਆਂ ਤਿੰਨ ਟੀਮਾਂ ਨੇ ਚੈਂਬਰ ਆਫ ਇੰਡਸਟਰੀਅਲ ਐਂਡ ਕਮਰਸ਼ੀਅਲ ਅੰਡਰਟੇਕਿੰਗ (ਸੀਆਈਸੀਯੂ), ਲੁਧਿਆਣਾ ਵੱਲੋਂ ਸਟਾਰਟ-ਅੱਪ ਪੰਜਾਬ (ਪੰਜਾਬ ਸਰਕਾਰ ਦੀ ਪਹਿਲਕਦਮੀ) ਦੇ ਸਹਿਯੋਗ ਨਾਲ ਪਾਰਕ ਪਲਾਜ਼ਾ ਹੋਟਲ, ਲੁਧਿਆਣਾ ਵਿਖੇ ਸਟਾਰਟ-ਅੱਪ ਲਈ ਵਿਚਾਰ ਪੇਸ਼ ਕਰਨ ਲਈ ਸਮਾਗਮ ਵਿੱਚ ਹਿੱਸਾ ਲਿਆ। ਪਹਿਲੀ ਵਾਰ ਸੀਆਈਸੀਯੂ ਨੇ ਰਾਜ ਵਿੱਚ ਸਟਾਰਟ-ਅੱਪ ਈਕੋਸਿਸਟਮ ਬਣਾਉਣ ਲਈ ਇਸ ਤਰ੍ਹਾਂ ਦੇ ਸਮਾਗਮਾਂ ਦਾ ਆਯੋਜਨ ਕੀਤਾ।
ਇਸ ਈਵੈਂਟ ਵਿੱਚ, ਕੁੱਲ 40 ਟੀਮਾਂ ਨੇ ਰੋਬੋਟਿਕਸ, ਫੈਸ਼ਨ ਐਂਡ ਲਾਈਫਸਟਾਈਲ, ਸਾੱਫਟਵੇਅਰ, ਐਂਡਰਾਇਡ ਐਪਸ, ਡਿਟੈਕਸ਼ਨ ਡਿਵਾਈਸਾਂ ਅਤੇ ਹੋਰ ਨਵੀਨਤਾਕਾਰੀ ਖੇਤਰਾਂ ਨਾਲ ਸਬੰਧਤ ਵੱਖ-ਵੱਖ ਡੋਮੇਨਾਂ ਵਿੱਚ ਹਿੱਸਾ ਲਿਆ। ਗੁਲਜ਼ਾਰ ਗਰੁੱਪ ਆਫ ਇੰਸਟੀਚਿਊਸ਼ਨਜ਼, ਖੰਨਾ ਦੀਆਂ ਤਿੰਨ ਟੀਮਾਂ ਨੇ ਹਿੱਸਾ ਲਿਆ ਅਤੇ ਉਨ੍ਹਾਂ ਵਿੱਚੋਂ ਰੇਨਾਓ ਰੋਬੋਟਿਕਸ ਆਰਮ ਨੂੰ ਸੀਆਈਸੀਯੂ ਦੇ ਸਾਰੇ ਮੁਸ਼ਕਿਲ ਸਕ੍ਰੀਨਿੰਗ ਪੈਰਾਮੀਟਰਾਂ ਨੂੰ ਕੁਆਲੀਫਾਈ ਕਰਕੇ 21000/- ਦਾ ਪਹਿਲਾ ਇਨਾਮ ਮਿਲਿਆ।