ਮਨੀ ਲਾਂਡਰਿੰਗ ਮਾਮਲੇ ‘ਚ ਦਿੱਲੀ ਪੁਲਿਸ ਨੇ ਅਦਾਕਾਰਾ ਨੋਰਾ ਫਤੇਹੀ ਤੋਂ ਚੌਥੀ ਵਾਰ ਕੀਤੀ ਪੁੱਛਗਿੱਛ

ਠੱਗ ਸੁਕੇਸ਼ ਚੰਦਰਸ਼ੇਖਰ ਨਾਲ ਜੁੜੇ ਮਨੀ ਲਾਂਡਰਿੰਗ ਮਾਮਲੇ ‘ਚ ਅਦਾਕਾਰਾ ਨੋਰਾ ਫਤੇਹੀ ਤੋਂ ਸ਼ੁੱਕਰਵਾਰ ਨੂੰ ਦਿੱਲੀ ਪੁਲਿਸ ਨੇ ਪੁੱਛਗਿੱਛ ਕੀਤੀ। ਉਨ੍ਹਾਂ ਨੂੰ 6 ਘੰਟਿਆਂ ਵਿੱਚ ਕਰੀਬ 50 ਸਵਾਲ ਪੁੱਛੇ ਗਏ। ਇਸ ਮਾਮਲੇ ‘ਚ ਈਡੀ ਅਦਾਕਾਰਾ ਤੋਂ 3 ਵਾਰ ਪੁੱਛਗਿੱਛ ਕਰ ਚੁੱਕੀ ਹੈ।

ਸੂਤਰਾਂ ਮੁਤਾਬਕ ਨੋਰਾ ਨੇ ਕਿਹਾ, ‘ਮੈਂ ਸੁਕੇਸ਼ ਦੀ ਪਤਨੀ ਨੂੰ ਨੇਲ ਆਰਟ ਫੰਕਸ਼ਨ ‘ਚ ਮਿਲੀ ਸੀ। ਇੱਥੇ ਹੀ ਉਸਨੇ ਮੈਨੂੰ ਇੱਕ BMW ਕਾਰ ਗਿਫਟ ਕੀਤੀ ਸੀ। ਇਸ ਦੇ ਨਾਲ ਹੀ ਨੋਰਾ ਨੇ ਕਿਹਾ ਕਿ ਮੇਰਾ ਜੈਕਲੀਨ ਨਾਲ ਕੋਈ ਸਬੰਧ ਨਹੀਂ ਹੈ। ਦੂਜੇ ਪਾਸੇ ਦਿੱਲੀ ਪੁਲਿਸ ਨੇ ਜੈਕਲੀਨ ਨੂੰ 12 ਸਤੰਬਰ ਨੂੰ ਪੁੱਛਗਿੱਛ ਲਈ ਬੁਲਾਇਆ ਹੈ। ਈਡੀ ਦੀ ਪੁੱਛਗਿੱਛ ਦੌਰਾਨ ਮੁਲਜ਼ਮ ਸੁਕੇਸ਼ ਚੰਦਰਸ਼ੇਖਰ ਨੇ ਨੋਰਾ ਫਤੇਹੀ ਅਤੇ ਜੈਕਲੀਨ ਫਰਨਾਂਡੀਜ਼ ਨੂੰ ਲਗਜ਼ਰੀ ਕਾਰਾਂ ਸਮੇਤ ਕਈ ਮਹਿੰਗੇ ਤੋਹਫ਼ਿਆਂ ਦਾ ਖੁਲਾਸਾ ਕੀਤਾ ਸੀ।