ਪੰਜਾਬ ਨਿਊਜ਼
ਖੇਤੀ ਸੈਕਟਰ ਵਿੱਚ ਬਿਜਲੀ ਦੀ ਮੰਗ 800 ਮੈਗਾਵਾਟ ਘੱਟ, ਪੰਜਾਬ ਦੇ ਪਾਵਰ ਪਲਾਂਟਾਂ ਵਿੱਚ 12 ਦਿਨਾਂ ਤੋਂ ਵੱਧ ਕੋਲੇ ਦਾ ਸਟਾਕ
Published
2 years agoon
ਪਟਿਆਲਾ : ਕਣਕ ਦੀ ਵਾਢੀ ਸ਼ੁਰੂ ਹੋਣ ਕਾਰਨ ਸੂਬੇ ਵਿੱਚ ਖੇਤੀਬਾੜੀ ਖੇਤਰ ਦੀ ਬਿਜਲੀ ਦੀ ਮੰਗ ਪਿਛਲੇ ਮਹੀਨੇ ਦੇ ਮੁਕਾਬਲੇ 800 ਮੈਗਾਵਾਟ ਘੱਟ ਗਈ ਹੈ। ਇਸ ਕਾਰਨ ਹੁਣ ਪੰਜਾਬ ‘ਚ ਬਿਜਲੀ ਦੀ ਕਮੀ ਦੀ ਕੋਈ ਸਮੱਸਿਆ ਨਹੀਂ ਹੈ। ਸੂਬੇ ਵਿਚ ਬਿਜਲੀ ਦੀ ਮੰਗ ਘਟਣ ਕਾਰਨ ਪਿਛਲੇ ਦੋ ਦਿਨਾਂ ਤੋਂ ਲਹਿਰਾ ਮੁਹੱਬਤ ਅਤੇ ਰੋਪੜ ਦੇ ਥਰਮਲ ਪਲਾਂਟਾਂ ਦੇ ਯੂਨਿਟ ਬੰਦ ਹਨ, ਜਦਕਿ ਰੋਪੜ ਥਰਮਲ ਪਲਾਂਟ ਦਾ ਇਕ ਯੂਨਿਟ ਸਾਲਾਨਾ ਰੱਖ-ਰਖਾਅ ਕਾਰਨ ਪਹਿਲਾਂ ਹੀ ਬੰਦ ਹੋ ਚੁੱਕਾ ਹੈ।
ਪਾਵਰਕਾਮ ਦੇ ਉਪ ਲੋਕ ਸੰਪਰਕ ਸਕੱਤਰ ਮਨਮੋਹਨ ਸਿੰਘ ਅਨੁਸਾਰ ਇਸ ਵੇਲੇ ਸੂਬੇ ਦੇ ਥਰਮਲ ਪਲਾਂਟਾਂ ਦੇ ਅੱਠ ਯੂਨਿਟਾਂ ਵਿਚੋਂ ਚਾਰ ਚਾਲੂ ਹਨ ਅਤੇ ਸੂਬੇ ਦੇ ਹਰੇਕ ਪਲਾਂਟ ਵਿਚ 12-12 ਦਿਨਾਂ ਤੋਂ ਵੱਧ ਕੋਲੇ ਦੀ ਸਟੋਰੇਜ ਹੈ। ਨਾਭਾ ਪਾਵਰ ਲਿਮਟਿਡ ਦੇ ਰਾਜਪੁਰਾ ਸਥਿਤ ਨਿੱਜੀ ਥਰਮਲ ਪਾਵਰ ਪਲਾਂਟ ਕੋਲ 12 ਦਿਨਾਂ ਤੋਂ ਵੱਧ ਦਾ ਕੋਲਾ ਸਟਾਕ ਵਿੱਚ ਹੈ ਅਤੇ ਇਸ ਦੇ ਦੋਵੇਂ ਯੂਨਿਟ ਚੱਲ ਰਹੇ ਹਨ।
ਤਲਵੰਡੀ ਸਾਬੋ ਪਾਵਰ ਲਿਮਟਿਡ ਦੇ ਨਿੱਜੀ ਥਰਮਲ ਪਲਾਂਟ ਕੋਲ ਸਟਾਕ ਵਿੱਚ ਦੋ ਦਿਨਾਂ ਦਾ ਕੋਲਾ ਹੈ ਅਤੇ ਇਸ ਦੇ ਤਿੰਨੋਂ ਯੂਨਿਟ ਚਾਲੂ ਹਨ। ਜੂਨ ਮਹੀਨੇ ਝੋਨੇ ਦੇ ਸੀਜ਼ਨ ਵਿਚ ਜਦੋਂ ਸੂਬੇ ਦੀ ਬਿਜਲੀ ਦੀ ਮੰਗ ਸਿਖਰ ‘ਤੇ ਹੋਵੇਗੀ ਤਾਂ ਉਸ ਸਮੇਂ ਪਾਵਰਕਾਮ ਨੂੰ ਬੈਂਕਿੰਗ ਵਾਲੀ ਬਿਜਲੀ ਵਾਪਸ ਮਿਲ ਜਾਵੇਗੀ, ਜਿਸ ਨਾਲ ਪਾਵਰਕਾਮ ਨੂੰ ਉਸ ਸਮੇਂ ਬਿਜਲੀ ਦੀ ਕਿੱਲਤ ਦੂਰ ਕਰਨ ਵਿਚ ਮਦਦ ਮਿਲੇਗੀ।
ਫਿਲਹਾਲ ਪਾਵਰ ਕਾਮ ਬਿਜਲੀ ਵਾਪਸ ਲੈਣ ਲਈ ਬੈਂਕਿੰਗ ਪ੍ਰਣਾਲੀ ਤਹਿਤ ਦੂਜੇ ਸੂਬਿਆਂ ਨੂੰ ਕਰੀਬ 1000 ਮੈਗਾਵਾਟ ਬਿਜਲੀ ਦੇ ਰਿਹਾ ਹੈ। ਪਿਛਲੇ ਦੋ-ਤਿੰਨ ਦਿਨਾਂ ਤੋਂ ਬਿਜਲੀ ਦੀਆਂ ਵਟਾਂਦਰਾ ਦਰਾਂ ‘ਚ ਗਿਰਾਵਟ ਆ ਰਹੀ ਹੈ। ਅੱਜ ਦੀ ਔਸਤਨ ਦਰ 4.50 ਰੁਪਏ ਪ੍ਰਤੀ ਯੂਨਿਟ ਹੈ ਅਤੇ ਪੰਜਾਬ ਵੀ ਇਸ ਐਕਸਚੇਂਜ ਤੋਂ ਆਪਣੀ ਲੋੜ ਅਨੁਸਾਰ ਸਸਤੀ ਬਿਜਲੀ ਖਰੀਦ ਰਿਹਾ ਹੈ। ਅਜਿਹੇ ‘ਚ ਪੰਜਾਬ ਰਾਜ ‘ਚ ਬਿਜਲੀ ਦੀ ਕੋਈ ਕਮੀ ਨਹੀਂ ਹੈ।
You may like
-
ਵਿਧਾਇਕ ਛੀਨਾ ਵਲੋਂ 11 ਕੇ ਵੀ ਰੇਰੂ ਸਾਹਿਬ ਰੋਡ ਫੀਡਰ ਦਾ ਉਦਘਾਟਨ
-
ਵਿਧਾਇਕ ਚੌਧਰੀ ਬੱਗਾ ਵੱਲੋਂ ਹਲਕੇ ‘ਚ ਚੱਲ ਰਹੇ ਪ੍ਰੋਜੈਕਟਾਂ ਦੀ ਕੀਤੀ ਸਮੀਖਿਆ
-
ਨਵੇਂ ਬਿਜਲੀ ਕੁਨੈਕਸ਼ਨਾਂ ‘ਚ ਲੱਗਣਗੇ ਸਮਾਰਟ ਮੀਟਰ, ਖਪਤਕਾਰ ਮੋਬਾਈਲ ‘ਤੇ ਦੇਖ ਸਕਣਗੇ ਖਪਤ
-
ਵਿਜੀਲੈਂਸ ਵੱਲੋਂ ਰਿਸ਼ਵਤ ਲੈਂਦਿਆਂ PSPCL ਦਾ SDO ਤੇ ਲਾਈਨਮੈਨ ਕਾਬੂ
-
ਬਿਜਲੀ ਮੰਤਰੀ ਵੱਲੋਂ ਲੁਧਿਆਣਾ ਵਿਖੇ PSPCL ਦਫ਼ਤਰ ਦਾ ਅਚਨਚੇਤ ਦੌਰਾ, ਦੇਰੀ ਨਾਲ ਆਉਣ ਵਾਲੇ ਮੁਲਾਜ਼ਮਾਂ ਨੂੰ ਦਿੱਤੀ ਇਹ ਚਿਤਾਵਨੀ
-
ਇੰਜ. ਪੁਨਰਦੀਪ ਸਿੰਘ ਬਰਾੜ ਨੇ ਚੀਫ ਇੰਜੀਨੀਅਰ (P&M) ਵਜੋਂ ਸੰਭਾਲਿਆ ਅਹੁਦਾ