ਜਦੋਂ ਤੋਂ ਰਿਜ਼ਰਵ ਬੈਂਕ ਦੇ ਗਵਰਨਰ ਸ਼ਕਤੀਕਾਂਤ ਦਾਸ ਨੇ 2000 ਰੁਪਏ ਦੇ ਨੋਟ ਨੂੰ ਸਰਕੂਲੇਸ਼ਨ ਤੋਂ ਵਾਪਸ ਲੈਣ ਦਾ ਐਲਾਨ ਕੀਤਾ ਹੈ, ਉਦੋਂ ਤੋਂ ਗਾਹਕਾਂ ਦੀ ਉਡੀਕ ਵਧ ਗਈ ਹੈ। ਆਰਬੀਆਈ ਨੇ ਦੱਸਿਆ ਸੀ ਕਿ 23 ਮਈ ਤੋਂ ਬੈਂਕਾਂ ਵਿੱਚ 2,000 ਰੁਪਏ ਦੇ ਨੋਟ ਜਮ੍ਹਾਂ ਕਰਵਾਏ ਜਾ ਸਕਦੇ ਹਨ ਜਾਂ ਹੋਰ ਕਰੰਸੀ ਨਾਲ ਬਦਲੇ ਜਾ ਸਕਦੇ ਹਨ। ਅੱਜ ਮੰਗਲਵਾਰ ਤੋਂ ਬੈਂਕਾਂ ‘ਚ 2 ਹਜ਼ਾਰ ਦੇ ਨੋਟ ਬਦਲਣ ਦੀ ਪ੍ਰਕਿਰਿਆ ਸ਼ੁਰੂ ਹੋ ਰਹੀ ਹੈ ਅਤੇ ਉਮੀਦ ਕੀਤੀ ਜਾ ਰਹੀ ਹੈ ਕਿ ਪਹਿਲੇ ਦਿਨ ਹੀ ਭਾਰੀ ਭੀੜ ਇਕੱਠੀ ਹੋ ਸਕਦੀ ਹੈ।
RBI ਦੇ ਐਲਾਨ ਤੋਂ ਬਾਅਦ ਕਈ ਗਾਹਕਾਂ ਨੇ ਪੈਟਰੋਲ ਪੰਪਾਂ ‘ਤੇ 2000 ਦੇ ਨੋਟ ਖਰਚਣੇ ਸ਼ੁਰੂ ਕਰ ਦਿੱਤੇ ਹਨ। ਇਸ ਕਾਰਨ ਆਲ ਇੰਡੀਨ ਪੈਟਰੋਲੀਅਮ ਡੀਲਰਜ਼ ਐਸੋਸੀਏਸ਼ਨ ਨੇ ਆਰਬੀਆਈ ਨੂੰ ਅਪੀਲ ਕੀਤੀ ਹੈ ਕਿ ਗਾਹਕਾਂ ਨੂੰ 2000 ਦੇ ਨੋਟਾਂ ਦੀ ਬਜਾਏ ਪ੍ਰਚੂਨ ਪੈਸੇ ਵਾਪਸ ਕਰਨ ਕਾਰਨ ਨਕਦੀ ਦੀ ਕਮੀ ਆਈ ਹੈ। ਲੋਕਾਂ ਨੇ 2000 ਰੁਪਏ ਦੇ ਨੋਟਾਂ ਦੀ ਵਰਤੋਂ ਲਈ ਡਿਜੀਟਲ ਭੁਗਤਾਨ ਵੀ ਘਟਾ ਦਿੱਤਾ ਹੈ। ਲੋਕ ਤੇਲ ਪੁਆ ਕੇ 2000 ਰੁਪਏ ਦੇ ਨੋਟ ਸੌਂਪ ਰਹੇ ਹਨ, ਜਿਸ ਕਾਰਨ ਕਈ ਪੈਟਰੋਲ ਪੰਪਾਂ ‘ਤੇ ਪ੍ਰਚੂਨ ਨਕਦੀ ਦੀ ਭਾਰੀ ਕਮੀ ਹੋ ਗਈ ਹੈ।
ਗਾਹਕ ਬੈਂਕ ਜਾ ਕੇ 2000 ਦਾ ਨੋਟ ਬਦਲ ਸਕਦੇ ਹਨ। ਇਸ ਦੇ ਲਈ ਨਾ ਤਾਂ ਕਿਸੇ ਆਈਡੀ ਦੀ ਲੋੜ ਪਵੇਗੀ ਅਤੇ ਨਾ ਹੀ ਕੋਈ ਫਾਰਮ ਭਰਨਾ ਪਵੇਗਾ। ਗਾਹਕ ਸਿਰਫ਼ ਬੈਂਕ ਜਾ ਕੇ ਕਾਊਂਟਰ ‘ਤੇ 2000 ਰੁਪਏ ਦਾ ਨੋਟ ਜਮ੍ਹਾ ਕਰਵਾ ਸਕਦੇ ਹਨ ਅਤੇ ਉਨ੍ਹਾਂ ਤੋਂ 500 ਰੁਪਏ ਜਾਂ ਕੋਈ ਹੋਰ ਕਰੰਸੀ ਨੋਟ ਲੈ ਸਕਦੇ ਹਨ। ਆਰਬੀਆਈ ਨੇ ਸਾਫ਼ ਕਿਹਾ ਹੈ ਕਿ ਨੋਟ ਬਦਲਣ ਲਈ ਕਿਸੇ ਖਾਤੇ ਦੀ ਲੋੜ ਨਹੀਂ ਹੈ। ਗਾਹਕ ਕਿਸੇ ਵੀ ਬੈਂਕ ਵਿੱਚ ਜਾ ਕੇ ਆਪਣੀ ਕਰੰਸੀ ਬਦਲ ਸਕਦੇ ਹਨ। ਨੋਟ ਬਦਲਣ ਲਈ ਕਿਸੇ ਤਰ੍ਹਾਂ ਦਾ ਕੋਈ ਚਾਰਜ ਨਹੀਂ ਲਿਆ ਜਾ ਰਿਹਾ ਹੈ। ਗਾਹਕ ਇੱਕ ਵਾਰ ਵਿੱਚ ਸਿਰਫ਼ 20 ਹਜ਼ਾਰ ਤੱਕ ਹੀ ਬਦਲ ਸਕਦੇ ਹਨ।