ਪੰਜਾਬੀ
ਲੋਧੀ ਕਲੱਬ ਲੁਧਿਆਣਾ ਦੇ 10 ਅਹੁਦੇਦਾਰਾਂ ਦੀ ਚੋਣ ਲਈ 12 ਉਮੀਦਵਾਰਾਂ ਵਲੋਂ ਨਾਮਜ਼ਦਗੀ ਕਾਗਜ਼ ਦਾਖ਼ਲ
ਲੁਧਿਆਣਾ : ਲੋਧੀ ਕਲੱਬ ਲੁਧਿਆਣਾ ਦੀ ਪ੍ਰਧਾਨ ਕਮ ਡਿਪਟੀ ਕਮਿਸ਼ਨਰ ਲੁਧਿਆਣਾ ਸੁਰਭੀ ਮਲਿਕ ਵਲੋਂ ਲੋਧੀ ਕਲੱਬ ਲੁਧਿਆਣਾ ਦੇ ਆਹੁਦੇਦਾਰਾਂ ਦੀ 19 ਫ਼ਰਵਰੀ ਨੂੰ ਚੋਣ ਕਰਵਾਉਣ ਦਾ ਐਲਾਨ ਕੀਤਾ ਗਿਆ ਹੈ | ਲੋਧੀ ਕਲੱਬ ਦੇ ਮੀਤ ਪ੍ਰਧਾਨ, ਜਨਰਲ ਸਕੱਤਰ, ਸੰਯੁਕਤ ਸਕੱਤਰ, ਵਿੱਤ ਸਕੱਤਰ, ਸੱਭਿਆਚਾਰਕ ਸਕੱਤਰ, ਬਾਰ ਸਕੱਤਰ, ਮੈਸ ਸਕੱਤਰ, ਖੇਡ ਸਕੱਤਰ ਅਤੇ 2 ਕਾਰਜਕਾਰਨੀ ਮੈਂਬਰਾਂ ਦੀ ਚੋਣ ਕਰਵਾਈ ਜਾ ਰਹੀ ਹੈ |
ਪਹਿਲੇ ਦਿਨ 10 ਆਹੁਦਿਆਂ ਲਈ 12 ਉਮੀਦਵਾਰਾਂ ਵਲੋਂ ਨਾਮਜ਼ਦਗੀ ਕਾਗਜ਼ ਦਾਖ਼ਲ ਕਰਵਾਏ ਗਏ | ਜਾਰੀ ਪ੍ਰੋਗਰਾਮ ਅਨੁਸਾਰ 14 ਫ਼ਰਵਰੀ ਨੂੰ ਲੋਧੀ ਕਲੱਬ ਦੇ ਦਫ਼ਤਰ ਵਿਚ ਸ਼ਾਮ 5.30 ਵਜੇ ਤੋਂ ਰਾਤ 8 ਵਜੇ ਤੱਕ ਭਰੇ ਜਾ ਸਕਣਗੇ | 15 ਫ਼ਰਵਰੀ ਨੂੰ ਸ਼ਾਮ 5.30 ਵਜੇ ਨਾਮਜ਼ਦਗੀ ਕਾਗਜ਼ਾਂ ਦੀ ਪੜਤਾਲ ਹੋਵੇਗੀ ਅਤੇ ਨਾਮਜ਼ਦਗੀ ਕਾਗਜ਼ਾਂ ਦੀ ਪੜਤਾਲ ਤੋਂ ਬਾਅਦ ਉਮੀਦਵਾਰਾਂ ਦੀ ਸੂਚੀ ਲਗਾਈ ਜਾਵੇਗੀ |
16 ਫ਼ਰਵਰੀ ਨੂੰ ਸ਼ਾਮ 5.30 ਵਜੇ ਤੋਂ ਰਾਤ 8 ਵਜੇ ਤੱਕ ਨਾਮਜ਼ਦਗੀ ਕਾਗਜ਼ ਵਾਪਸ ਲਏ ਜਾ ਸਕਣਗੇ ਅਤੇ ਚੋਣ 16 ਫ਼ਰਵਰੀ ਨੂੰ ਰਾਤ 8 ਵਜੇ ਚੋਣ ਲੜਨ ਵਾਲੇ ਉਮੀਦਵਾਰਾਂ ਦੀ ਸੂਚੀ ਲਗਾਈ ਜਾਵੇਗੀ | 17 ਫ਼ਰਵਰੀ ਨੂੰ ਸ਼ਾਮ 5.30 ਵਜੇ ਉਮੀਦਵਾਰਾਂ ਵਲੋਂ ਕਲੱਬ ਦੇ ਮੈਂਬਰਾਂ ਨੂੰ ਇਕੋ ਮੰਚ ਤੋਂ ਸੰਬੋਧਨ ਕੀਤਾ ਜਾਵੇਗਾ ਅਤੇ 19 ਫ਼ਰਵਰੀ ਨੂੰ ਸਵੇਰੇ 9 ਵਜੇ ਤੋਂ ਸ਼ਾਮ 5 ਵਜੇ ਤੱਕ ਵੋਟਾਂ ਪੈਣਗੀਆਂ ਅਤੇ ਵੋਟਿੰਗ ਤੋਂ ਬਾਅਦ ਵੋਟਾਂ ਦੀ ਗਿਣਤੀ ਕਰਕੇ ਨਤੀਜਾ ਐਲਾਨਿਆ ਜਾਵੇਗਾ |
