ਦੁਨੀਆ ਦੀ ਸਭ ਤੋਂ ਮਹਿੰਗੀ ਦਵਾਈ ਜਿਸਦੀ ਇਕ ਡੋਜ਼ ਦੀ ਕੀਮਤ ਹੈ 18 ਕਰੋੜ

ਦੁਨੀਆ ਵਿੱਚ ਕਈ ਤਰ੍ਹਾਂ ਦੀਆਂ ਗੰਭੀਰ ਬਿਮਾਰੀਆਂ ਨੇ ਪਰ ਉਨ੍ਹਾਂ ਵਿਚੋਂ ਕਈਆਂ ਦਾ ਇਲਾਜ ਕਾਫੀ ਮਹਿੰਗਾ ਹੈ ਬ੍ਰਿਟੇਨ ਦੀ ਨੈਸ਼ਨਲ ਹੈਲਥ ਸਰਵਿਸ ਨੇ ਇੱਕ ਅਜਿਹੀ ਹੀ ਗੰਭੀਰ ਬਿਮਾਰੀ ਨੂੰ ਠੀਕ ਕਰਨ ਦੇ ਲਈ ਦੁਨੀਆ ਦੀ ਸਭ ਤੋਂ ਮਹਿੰਗੀ ਦਵਾਈ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ ਐੱਨ ਐੱਸ ਐੱਸ (NHS) ਨੇ Zolgensma ਨਾਂ ਦੀ ਦਵਾਈ ਨੂੰ ਮਨਜ਼ੂਰੀ ਦਿੱਤੀ ਹੈ ਜਿਸ ਦੀ ਖ਼ੁਰਾਕ ਦੀ ਕੀਮਤ 18 ਕਰੋੜ ਰੁਪਏ ਤੋਂ ਵੀ ਜ਼ਿਆਦਾ ਹੈ ਸਭ ਤੋਂ ਪਹਿਲਾਂ ਅਮਰੀਕਾ ਨੇ ਇਸ ਦੇ ਇਸਤੇਮਾਲ ਦੀ ਮਨਜ਼ੂਰੀ ਦਿੱਤੀ ਸੀ

ਸਪਾਈਨਲ ਮਸਕੂਲਰ ਐਟ੍ਰੋਫੀ ਇਕ ਦੁਰਲਭ ਬਿਮਾਰੀ ਹੈ। ਜਿਹਰੀ ਅਕਸਰ ਸ਼ਿਸ਼ੂਆਂ ਤੇ ਬੱਚਿਆਂ ਨੂੰ ਪ੍ਰਭਾਵਿਤ ਕਰਦੀ ਹੈ। ਇੰਗਲੈਂਡ ‘ਚ ਹਰ ਸਾਲ ਕਰੀਬ 80 ਬੱਚੇ ਇਸ ਬਿਮਾਰੀ ਨਾਲ ਪੈਦਾ ਹੁੰਦੇ ਹਨ। ਇਸ ਬਿਮਾਰੀ ‘ਚ ਬੱਚਿਆਂ ਨੂੰ ਮਾਸਪੇਸ਼ੀਆਂ ਇਸਤੇਮਾਲ ਬੰਦ ਹੋ ਜਾਂਦੀਆਂ ਹਨ। ਇਸ ਵਿਚ ਉਨ੍ਹਾਂ ਨੂੰ ਸਪਾਈਨਲ ਕੋਰਡ ‘ਚ ਲਕਵਾ ਹੋ ਸਕਦਾ ਹੈ। ਇਹ ਵਿਸ਼ੇਸ਼ ਕੋਸ਼ਿਕਾਵਾਂ ਦੇ ਨੁਕਸਾਨ ਕਾਰਨ ਹੁੰਦਾ ਹੈ ਜਿਸ ਨੂੰ ਮੋਟਰ ਨਿਊਰਾਨਸ ਕਿਹਾ ਜਾਂਦਾ ਹੈ ਜਿਹੜਾ ਮਾਸਪੇਸ਼ੀਆਂ ਨੂੰ ਕੰਟਰੋਲ ਕਰਦੇ ਹਨ।
ਜ਼ੋਲਜੈਂਸਮਾਂ ਕਿਵੇਂ ਕਰਦਾ ਹੈ ਕੰਮ

ਜ਼ੋਲਜੈਂਸਮਾਂ ਦਾ ਇਸਤੇਮਾਲ ਉਨ੍ਹਾਂ ਬੱਚਿਆਂ ‘ਤੇ ਕੀਤਾ ਜਾਵੇਗਾ ਜਿਹੜੇ ਸਪਾਈਨਲ ਮਸਕੂਲਰ ਐਟ੍ਰੋਫੀ ਨਾਲ ਪੀੜਤ ਹਨ। ਇਹ ਇਕ ਡੋਜ਼ ਸਰੀਰ ‘ਚ ਲਾਪਤਾ ਜੀਨ ਨੂੰ ਵਾਪਸ ਰਿਸਟੋਰ ਕਰ ਕੇ ਨਰਵਸ ਸਿਸਟ ਨੂੰ ਠੀਕ ਕਰਦਾ ਹੈ। ਜ਼ੋਲਜੈਂਸਮਾ ਦਵਾਈ ਵੈਂਟੀਲੇਟਰ ਦੇ ਬਿਨਾਂ ਸਾਹ ਲੈਣ ‘ਚ ਬੱਚਿਆਂ ਦੀ ਮਦਦ ਕਰਦਾ ਹੈ। ਨਵੀਨਤਮ ਅੰਕੜਿਆਂ ‘ਚ ਕਿਹਾ ਗਿਆ ਕਿ ਜ਼ੋਲਜੈਂਸਮਾ ਟਾਈਪ-1 ਐੱਸਐੱਮਏ ਵਾਲੇ ਛੋਟੇ ਬੱਚਿਆਂ ਦੇ ਮੋਟਰ ਫੰਕਸ਼ਨ ‘ਚ ਤੇਜ਼ੀ ਤੇ ਨਿਰੰਤਰ ਸੁਧਾਰ ਪ੍ਰਦਾਨ ਕਰ ਸਕਦਾ ਹੈ ਜਿਸ ਨਾਲ ਉਹ ਜ਼ਿਆਦਾ ਜੀਵਨ ਜੀ ਸਕਣਗੇ।