ਲੁਧਿਆਣਾ: ਪੰਜਾਬ ਵਿਜੀਲੈਂਸ ਵੱਲੋਂ ਮਹਾਂਨਗਰ ਵਿੱਚ ਇੱਕ ਵੱਡੀ ਕਾਰਵਾਈ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਵਿਜੀਲੈਂਸ ਨੇ ਨਗਰ ਨਿਗਮ ਲੁਧਿਆਣਾ ਵਿੱਚ ਤਾਇਨਾਤ 2 ਕਲਰਕਾਂ ਨੂੰ ਕਾਬੂ ਕੀਤਾ ਹੈ।ਜਾਣਕਾਰੀ ਅਨੁਸਾਰ ਲਾਅ ਬ੍ਰਾਂਚ ਜ਼ੋਨ-ਏ ਦੇ ਕਲਰਕ ਅਜੈ ਕੁਮਾਰ ਅਤੇ ਜ਼ੋਨ-ਸੀ, ਤਿਹ ਬਾਜ਼ਾਰੀ ਦੇ ਕਲਰਕ ਲਖਵੀਰ ਸਿੰਘ ਨੂੰ ਲੁਧਿਆਣਾ ਦੀਆਂ ਤਿੰਨ ਮੰਡੀਆਂ ਦੀ ਸ਼ਿਫ਼ਟਿੰਗ ਸਬੰਧੀ ਪਾਲਿਸੀ ਰਿਕਾਰਡ ਗਾਇਬ ਕਰਨ ਦੇ ਦੋਸ਼ ਹੇਠ ਗ੍ਰਿਫ਼ਤਾਰ ਕੀਤਾ ਗਿਆ ਹੈ।
ਵਿਜੀਲੈਂਸ ਲੁਧਿਆਣਾ ਰੇਂਜ ਨੇ ਲਾਅ ਬ੍ਰਾਂਚ ਜ਼ੋਨ-ਏ ਦੇ ਅਜੈ ਕੁਮਾਰ ਅਤੇ ਜ਼ੋਨ-ਸੀ ਦੇ ਤਹਿਵਰ ਵਿਭਾਗ ਦੇ ਕਲਰਕ ਲਖਵੀਰ ਸਿੰਘ ਖ਼ਿਲਾਫ਼ ਕੇਸ ਦਰਜ ਕੀਤਾ ਹੈ। ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈਵਿਜੀਲੈਂਸ ਅਧਿਕਾਰੀ ਅਨੁਸਾਰ 2009 ਵਿੱਚ 22 ਜਨਵਰੀ 2010 ਨੂੰ ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਵੱਲੋਂ ਗਿੱਲ ਰੋਡ ’ਤੇ ਸਥਿਤ ਸਕੂਟਰ ਮਾਰਕੀਟ, ਆਈ.ਟੀ.ਆਈ ਦੇ ਸਾਹਮਣੇ ਸਥਿਤ ਖੋਖਾ ਮਾਰਕੀਟ ਅਤੇ ਕਾਰ ਮਾਰਕੀਟ ਨੂੰ ਫਿਰੋਜ਼ ਗਾਂਧੀ ਮਾਰਕੀਟ ਵਿੱਚ ਤਬਦੀਲ ਕਰਨ ਦੇ ਹੁਕਮ ਦਿੱਤੇ ਗਏ ਸਨ।
ਨਿਗਮ ਲੁਧਿਆਣਾ ਦੇ ਅਧਿਕਾਰੀਆਂ ਵੱਲੋਂ ਇਸ ਨੀਤੀ ਨਾਲ ਸਬੰਧਤ ਅਸਲ ਰਿਕਾਰਡ ਵਿਜੀਲੈਂਸ ਨੂੰ ਉਪਲਬਧ ਨਹੀਂ ਕਰਵਾਇਆ ਗਿਆ।ਜਿਸ ਕਾਰਨ ਹਾਈ ਕੋਰਟ ਨੇ ਅਗਸਤ 2024 ਨੂੰ ਨਿਗਮ ਨੂੰ 7 ਦਿਨਾਂ ਦੇ ਅੰਦਰ ਦਸਤਾਵੇਜ਼ ਵਿਜੀਲੈਂਸ ਨੂੰ ਦੇਣ ਦੇ ਹੁਕਮ ਦਿੱਤੇ ਸਨ। ਦਸਤਾਵੇਜ਼ ਨਾ ਸੌਂਪਣ ਦੀ ਸੂਰਤ ਵਿੱਚ ਘਟਨਾ ਦੀ ਐਫਆਈਆਰ ਦਰਜ ਕਰਕੇ ਕਾਨੂੰਨ ਅਨੁਸਾਰ ਮਾਮਲੇ ਦੀ ਜਾਂਚ ਕਰਨ ਦੇ ਨਿਰਦੇਸ਼ ਦਿੱਤੇ ਗਏ।
