ਦੰਦਾਂ ‘ਚ ਲੱਗੇ ਹੋਏ ਕੀੜੇ ਅਸਲ ‘ਚ ਕੈਵਿਟੀਜ਼ ਹੁੰਦੇ ਹਨ। ਇਹ ਕੈਵਿਟੀਜ਼ ਦੰਦਾਂ ਦੀ ਸਤ੍ਹਾ ‘ਤੇ ਬੈਕਟੀਰੀਆ ਕਾਰਨ ਦਿਖਾਈ ਦਿੰਦੇ ਹਨ। ਇਸ ਕਾਰਨ ਦੰਦਾਂ ‘ਚ ਗੱਡੇ ਵੀ ਬਣਨ ਲੱਗਦੇ ਹਨ। ਜਿਸ ਕਾਰਨ ਦੰਦ ਖੋਖਲੇ ਹੋ ਕੇ ਸਮੇਂ ਤੋਂ ਪਹਿਲਾਂ ਹੀ ਟੁੱਟਣ ਲੱਗਦੇ ਹਨ। ਖਾਸ ਕਰਕੇ ਬੱਚਿਆਂ ਦੇ ਦੰਦ ਮਿੱਠੇ ਖਾਣ ਨਾਲ ਖਰਾਬ ਹੋਣ ਲੱਗਦੇ ਹਨ। ਬੱਚਿਆਂ ਨੂੰ ਦੰਦਾਂ ‘ਚ ਦਰਦ ਅਤੇ ਖੂਨ ਵਗਣ ਵਰਗੀਆਂ ਸਮੱਸਿਆਵਾਂ ਵੀ ਹੋਣ ਲੱਗਦੀਆਂ ਹਨ। ਤੁਹਾਨੂੰ ਦੱਸਾਂਗੇ ਇੱਕ ਅਜਿਹਾ ਘਰੇਲੂ ਹਰਬਲ ਪਾਊਡਰ ਜੋ ਨਾ ਸਿਰਫ਼ ਦੰਦਾਂ ਦੇ ਕੀੜਿਆਂ ਨੂੰ ਦੂਰ ਕਰਨ ‘ਚ ਮਦਦ ਕਰੇਗਾ। ਸਗੋਂ ਇਹ ਦੰਦਾਂ ਦੀ ਕੈਵਿਟੀ ਨੂੰ ਦੂਰ ਕਰਕੇ ਉਨ੍ਹਾਂ ਨੂੰ ਸਫ਼ੈਦ ਵੀ ਕਰੇਗਾ।
ਆਂਵਲਾ ਅਤੇ ਨਿੰਮ ਦਾ ਪਾਊਡਰ : ਤੁਸੀਂ ਦੰਦਾਂ ਲਈ ਆਂਵਲੇ ਅਤੇ ਨਿੰਮ ਤੋਂ ਤਿਆਰ ਪਾਊਡਰ ਦੀ ਵਰਤੋਂ ਕਰ ਸਕਦੇ ਹੋ। ਨਿੰਮ ‘ਚ ਪਾਏ ਜਾਣ ਵਾਲੇ ਐਂਟੀਆਕਸੀਡੈਂਟ ਗੁਣ ਮਸੂੜਿਆਂ ਤੋਂ ਖੂਨ ਵਗਣ ਦੀ ਸਮੱਸਿਆ ਨੂੰ ਦੂਰ ਕਰਨ ‘ਚ ਮਦਦ ਕਰਦੇ ਹਨ। ਇਸ ਤੋਂ ਇਲਾਵਾ ਜੇਕਰ ਤੁਹਾਨੂੰ ਸਾਹ ‘ਚ ਬਦਬੂ ਆਉਂਦੀ ਹੈ ਤਾਂ ਉਸ ਲਈ ਵੀ ਇਹ ਨੁਸਖਾ ਬਹੁਤ ਕਾਰਗਰ ਹੋਵੇਗਾ।
ਪਾਊਡਰ ਕਿਵੇਂ ਤਿਆਰ ਕਰਨਾ ਹੈ
ਸਮੱਗਰੀ
ਬੇਕਿੰਗ ਸੋਡਾ – 1/2 ਚੱਮਚ
ਆਂਵਲਾ ਪਾਊਡਰ – 2 ਚੱਮਚ
ਨਿੰਮ ਪਾਊਡਰ – 1 ਚੱਮਚ
ਦਾਲਚੀਨੀ ਪਾਊਡਰ – 1/2 ਚੱਮਚ
ਲੌਂਗ ਪਾਊਡਰ – 1/2 ਚੱਮਚ
ਨਮਕ – 1/2 ਚੱਮਚ
ਬਣਾਉਣ ਦੀ ਵਿਧੀ
ਸਭ ਤੋਂ ਪਹਿਲਾਂ ਆਂਵਲਾ ਪਾਊਡਰ ‘ਚ ਨਿੰਮ ਪਾਊਡਰ, ਦਾਲਚੀਨੀ ਪਾਊਡਰ, ਬੇਕਿੰਗ ਸੋਡਾ, ਲੌਂਗ ਪਾਊਡਰ ਅਤੇ ਨਮਕ ਮਿਲਾਓ।
ਸਾਰੀਆਂ ਸਮੱਗਰੀਆਂ ਨੂੰ ਮਿਲਾ ਕੇ ਰੱਖੋ।
ਫਿਰ ਇਸਨੂੰ ਏਅਰਟਾਈਟ ਕੰਟੇਨਰ ‘ਚ ਬੰਦ ਕਰਕੇ ਰੱਖੋ।
ਇਸ ਪਾਊਡਰ ਨਾਲ ਤੁਸੀਂ ਰੋਜ਼ਾਨਾ ਆਪਣੇ ਦੰਦ ਸਾਫ਼ ਕਰੋ।
ਤੁਹਾਨੂੰ ਕੁਝ ਦਿਨਾਂ ਦੇ ਅੰਦਰ ਨਤੀਜੇ ਦੇਖਣੇ ਸ਼ੁਰੂ ਹੋ ਜਾਣਗੇ।
ਆਇਲ ਪੂਲਿੰਗ ਕਰੋ : ਹਰਬਲ ਪਾਊਡਰ ਦੇ ਨਾਲ ਤੁਸੀਂ ਆਪਣੇ ਬੱਚੇ ਨੂੰ ਆਇਲ ਪੂਲਿੰਗ ਕਰਨ ਲਈ ਵੀ ਕਹਿ ਸਕਦੇ ਹੋ। ਇਹ ਬੱਚੇ ਲਈ ਵੀ ਬਹੁਤ ਫਾਇਦੇਮੰਦ ਹੁੰਦਾ ਹੈ। ਆਇਲ ਪੂਲਿੰਗ ਕਰਨ ਲਈ ਬੱਚੇ ਨੂੰ ਨਾਰੀਅਲ ਦੇ ਤੇਲ ਨੂੰ ਮੂੰਹ ‘ਚ ਇੱਧਰ-ਉੱਧਰ ਘੁੰਮਾਉਣ ਲਈ ਕਹੋ। ਬੱਚੇ ਨੂੰ ਹਰ ਰੋਜ਼ 10-15 ਮਿੰਟ ਆਇਲ ਪੂਲਿੰਗ ਕਰਨ ਲਈ ਕਹੋ। ਇਸ ਨਾਲ ਮਸੂੜਿਆਂ ਅਤੇ ਦੰਦਾਂ ਦੀ ਸਮੱਸਿਆ ਦੂਰ ਹੋ ਜਾਵੇਗੀ। ਇਹ ਨੁਸਖਾ ਬੱਚਿਆਂ ਦੇ ਨਾਲ-ਨਾਲ ਵੱਡਿਆਂ ਲਈ ਵੀ ਬਹੁਤ ਫਾਇਦੇਮੰਦ ਹੋਵੇਗਾ।
ਗਰਮ ਪਾਣੀ ਅਤੇ ਨਮਕ ਨਾਲ ਗਾਰਗਲ ਕਰੋ : ਤੁਸੀਂ ਬੱਚੇ ਨੂੰ ਨਮਕ ਅਤੇ ਗਰਮ ਪਾਣੀ ਦਾ ਗਾਰਗਲ ਕਰਨ ਲਈ ਵੀ ਕਹਿ ਸਕਦੇ ਹੋ। ਇਹ ਬੱਚੇ ਦੇ ਦੰਦਾਂ ਲਈ ਵੀ ਬਹੁਤ ਫਾਇਦੇਮੰਦ ਸਾਬਤ ਹੁੰਦਾ ਹੈ। ਇਹ ਕੈਵਿਟੀ ਅਤੇ ਮਸੂੜਿਆਂ ਦੀ ਸੋਜ ਦੋਵਾਂ ਸਮੱਸਿਆਵਾਂ ਲਈ ਬਹੁਤ ਫਾਇਦੇਮੰਦ ਹੈ।