ਲੁਧਿਆਣਾ : ਆਰੀਆ ਕਾਲਜ, ਲੁਧਿਆਣਾ ਦੇ ਪੀ.ਜੀ.ਕੰਪਿਊਟਰ ਸਾਇੰਸ ਵਿਭਾਗ ਨੇ BCA, PGDCA ਅਤੇ M.SC (IT) ਦੇ ਵਿਦਿਆਰਥੀਆਂ ਲਈ ਫਰੈਸ਼ਰ ਪਾਰਟੀ ਦਾ ਆਯੋਜਨ ਕੀਤਾ। ਵਿਦਿਆਰਥੀਆਂ ਵੱਲੋਂ ਵੱਖ-ਵੱਖ ਸੱਭਿਆਚਾਰਕ ਗਤੀਵਿਧੀਆਂ ਜਿਵੇਂ ਕਿ ਗਰੁੱਪ ਡਾਂਸ, ਫਿਊਜ਼ਨ ਡਾਂਸ , ਸੋਲੋ ਡਾਂਸ, ਸੋਲੋ ਸਿੰਗਿੰਗ ਅਤੇ ਭੰਗੜਾ ਪੇਸ਼ ਕੀਤਾ ਗਿਆ ਜਿਸ ਨੂੰ ਸਾਰਿਆਂ ਨੇ ਬਹੁਤ ਸਲਾਹਿਆ। ਸਤੀਸ਼ਾ ਸ਼ਰਮਾ, ਸਕੱਤਰ, ਪ੍ਰਿੰਸੀਪਲ ਡਾ. ਸੂਕਸ਼ਮ ਆਹਲੂਵਾਲੀਆ ਨੇ ਆਏ ਮਹਿਮਾਨਾਂ ਦਾ ਸਵਾਗਤ ਕੀਤਾ।
ਸ੍ਰੀਮਤੀ ਡਾ. ਸਤੀਸ਼ਾ ਸ਼ਰਮਾ ਨੇ ਵੱਖ-ਵੱਖ ਆਈਟਮਾਂ ਵਿੱਚ ਵਿਦਿਆਰਥੀਆਂ ਦੀ ਭਾਗੀਦਾਰੀ ਦੀ ਸ਼ਲਾਘਾ ਕੀਤੀ ਅਤੇ ਉਨ੍ਹਾਂ ਨੂੰ ਉਨ੍ਹਾਂ ਦੇ ਸਰਵਪੱਖੀ ਸ਼ਖਸੀਅਤ ਦੇ ਵਿਕਾਸ ਅਤੇ ਭਵਿੱਖ ਦੇ ਕੈਰੀਅਰ ਦੇ ਵਿਕਾਸ ਲਈ ਸੱਭਿਆਚਾਰਕ ਗਤੀਵਿਧੀਆਂ, ਅਤੇ ਖੇਡਾਂ ਵਿੱਚ ਹਿੱਸਾ ਲੈਣ ਲਈ ਪ੍ਰੇਰਿਆ । BCA ਦੀ ਨਿਧੀ ਨੂੰ ਮਿਸ ਫਰੈਸ਼ਰ ਅਤੇ BCA ਦੇ ਹਰਸ਼ ਨੂੰ ਮਿਸਟਰ ਫਰੈਸ਼ਰ ਦਾ ਤਾਜ ਪਹਿਨਾਇਆ ਗਿਆ। ਚੇਤਨਜੋਤ ਸਿੰਘ ਅਤੇ ਵਰਨਪ੍ਰੀਤ ਕ੍ਰਮਵਾਰ BCA ਅਤੇ PGDCA ਤੋਂ ਫਸਟ ਰਨਰ ਅੱਪ ਅਤੇ BCA ਤੋਂ ਨਿਤੀਸ਼ ਅਤੇ ਹਿਤੀ ਸੈਕਿੰਡ ਰਨਰ ਅੱਪ ਰਹੇ।