ਦੁਰਘਟਨਾਵਾਂ
ਪਟਿਆਲਾ ਤੋਂ ਉਤਰਾਖੰਡ ਜਾ ਰਿਹਾ ਸੀ ਆਰਕੈਸਟਰਾ ਗਰੁੱਪ, ਦਮ ਤੋੜਨ ਵਾਲੇ ਪਟਿਆਲਾ ਜ਼ਿਲ੍ਹੇ ਦੇ ਵੱਖ-ਵੱਖ ਇਲਾਕਿਆਂ ਨਾਲ ਸਬੰਧਤ
ਪਟਿਆਲਾ : ਉਤਰਾਖੰਡ ਦੇ ਨੈਨੀਤਾਲ ਜ਼ਿਲ੍ਹੇ ਦੇ ਰਾਮਨਗਰ ‘ਚ ਅੱਜ ਸਵੇਰੇ ਹੋਏ ਦਰਦਨਾਕ ਹਾਦਸੇ ‘ਚ 9 ਵਿਅਕਤੀਆਂ ਦੀ ਮੌਤ ਹੋ ਗਈ ਸੀ ਇਹ ਸਾਰੇ ਲੋਕ ਪਟਿਆਲਾ ਜ਼ਿਲ੍ਹੇ ਦੇ ਵੱਖ-ਵੱਖ ਇਲਾਕਿਆਂ ਨਾਲ ਸਬੰਧਤ ਹਨ। ਇਹ ਸਾਰੇ ਲੋਕ ਆਰਕੈਸਟਰਾ ਦੇ ਸਮੂਹ ਨਾਲ ਜੁੜੇ ਹੋਏ ਸਨ। ਅਤੇ ਸਭਿਆਚਾਰਕ ਪ੍ਰੋਗਰਾਮ ਕਰਨ ਲਈ ਵੱਖ-ਵੱਖ ਖੇਤਰਾਂ ਵਿੱਚ ਜਾਂਦਾ ਸੀ। ਇਸ ਆਰਕੈਸਟਰਾ ਡੀ ਜੇ ਦੇ ਗਰੁੱਪ ਦੇ ਲੜਕੇ ਲੜਕੀਆਂ ਵੀ ਪ੍ਰੋਗਰਾਮ ਚ ਬੁਕਿੰਗ ‘ਤੇ ਆਪਣੀ ਪਰਫਾਰਮੈਂਸ ਦੇਣ ਲਈ ਉਤਰਾਖੰਡ ਦੇ ਮਸੂਰੀ ਗਏ ਸਨ।
ਇਸ ਦਰਦਨਾਕ ਘਟਨਾ ਵਿਚ ਪਵਨ ਜੈਕਬ (45) ਪੁੱਤਰ ਸੁਰਜੀਤ ਜੈਕਬ ਅਤੇ ਇਕਬਾਲ (35) ਵਾਸੀ ਭੀਮ ਨਗਰ, ਸਫਾਬਾਦੀ ਗੇਟ ਝੁੰਗੀਆਂ ਪਟਿਆਲਾ ਦੀ ਮੌਤ ਹੋ ਗਈ। ਇਸ ਤੋਂ ਇਲਾਵਾ ਕਵਿਤਾ ਪਤਨੀ ਭੁਪਿੰਦਰ ਸਿੰਘ ਵਾਸੀ ਗੁਰੂ ਅੰਗਦਦੇਵ ਕਾਲੋਨੀ ਰਾਜਪੁਰਾ (ਪਟਿਆਲਾ), ਜਾਨਵੀ ਉਰਫ ਸਪਨਾ ਪੁੱਤਰੀ ਬਲਵਿੰਦਰ ਸਿੰਘ ਪਿੰਡ ਇੰਦਰਾਪੁਰਮ (ਪਟਿਆਲਾ), ਅਮਨਦੀਪ ਸਿੰਘ ਪੁੱਤਰ ਮਨੋਹਰ ਸਿੰਘ ਚੇਲਨ ਭੱਟੀ ਭਵਾਨੀਗੜ੍ਹ (ਸੰਗਰੂਰ) ਦੀ ਹੱਤਿਆ ਕਰ ਦਿੱਤੀ ਗਈ। ਮ੍ਰਿਤਕਾਂ ‘ਚੋਂ ਦੋ ਰਾਮਨਗਰ (ਉਤਰਾਖੰਡ) ਦੇ ਦੱਸੇ ਜਾ ਰਹੇ ਹਨ।
ਬੀਤੇ ਦਿਨੀ ਪਟਿਆਲਾ ਤੋਂ ਡੀ ਜੇ ਪਾਰਟੀ ਇਕ ਸਮਾਗਮ ਵਿਚ ਸ਼ਾਮਲ ਹੋਣ ਲਈ ਗਈ ਸੀ। ਇਸ ਵਿਚ ਸ਼ਾਮਲ ਕੁੜੀਆਂ ਅਤੇ ਮੁੰਡੇ ਨਾਚ ਕਲਾਕਾਰ ਸਨ। ਉਨ੍ਹਾਂ ਨੂੰ ਮਸੂਰੀ ਨੇੜੇ ਇੱਕ ਸਮਾਗਮ ਲਈ ਬੁੱਕ ਕੀਤਾ ਗਿਆ ਸੀ। ਪਰ ਰਸਤੇ ‘ਚ ਉਨਾਂ ਦੀ ਕਾਰ ਹਾਦਸੇ ਦਾ ਸ਼ਿਕਾਰ ਹੋ ਗਈ। ਹਾਦਸੇ ਚ ਮਾਰੇ ਗਏ ਲੋਕਾਂ ਦੇ ਪਰਿਵਾਰਕ ਮੈਂਬਰਾਂ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਵੀ ਸਵੇਰੇ ਸੂਚਨਾ ਮਿਲੀ ਕਿ ਕਾਰ ਖੱਡ ਚ ਡਿੱਗ ਗਈ ਹੈ। ਕਾਰ ਸਵਾਰ ਲੋਕਾਂ ਦੇ ਮਾਰੇ ਜਾਣ ਤੋਂ ਬਾਅਦ ਸੋਗ ਦਾ ਮਾਹੌਲ ਹੈ।
