ਲੁਧਿਆਣਾ : ਮਾਰਕੀਟ ਕਮੇਟੀ ਲੁਧਿਆਣਾ ਵਲੋਂ ਪਹਿਲੀ ਅਪ੍ਰੈਲ ਸ਼ੁੱਕਰਵਾਰ ਤੋਂ ਨਵੀਂ ਸਬਜ਼ੀ ਮੰਡੀ ਬਹਾਦਰਕੇ ਰੋਡ ‘ਚ ਫੜੀ ਲਗਾਉਣ ਵਾਲਿਆਂ ਤੋਂ ਯੂਜਰਜ ਚਾਰਜਿਜ ਵਸੂਲਣੇ ਸ਼ੁਰੂ ਕੀਤੇ ਹਨ। ਮਾਰਕੀਟ ਕਮੇਟੀ ਦੇ ਸਕੱਤਰ ਟੇਕ ਬਹਾਦਰ ਸਿੰਘ ਨੇ ਦੱਸਿਆ ਕਿ ਪਹਿਲੇ ਦਿਨ ਕਰੀਬ 67 ਹਜ਼ਾਰ ਰੁਪਏ ਯੂਜਰਜ ਚਾਰਜਿਜ ਇਕੱਤਰ ਹੋਏ ਹਨ।
ਉਨ੍ਹਾਂ ਦੱਸਿਆ ਕਿ ਮੰਡੀ ‘ਚ ਪੱਕੇ ਤੌਰ ਤੇ ਫੜੀ ਲਗਾਉਣ ਵਾਲਿਆਂ ਤੋਂ 3 ਹਜਾਰ ਰੁਪਏ ਪ੍ਰਤੀ ਮਹੀਨੇ ਦੀ ਪਰਚੀ ਅੱਜ ਕੱਟਣ ਦਾ ਕੰਮ ਸ਼ੁਰੂ ਕੀਤਾ ਜਾਵੇਗਾ। ਉਨ੍ਹਾਂ ਦੱਸਿਆ ਕਿ ਪਾਰਕਿੰਗ ਫੀਸ ਵਸੂਲਣ ਦਾ ਕੰਮ ਵੀ ਮਾਰਕੀਟ ਕਮੇਟੀ ਸਟਾਫ ਵਲੋਂ ਕੀਤਾ ਜਾ ਰਿਹਾ ਹੈ।