ਲੁਧਿਆਣਾ : ਮਿਲੀ ਜਾਣਕਾਰੀ ਅਨੁਸਾਰ ਜੰਮੂ-ਕਸ਼ਮੀਰ ਦੇ ਹਿਮਾਚਲ ’ਚ ਹੋਈ ਬਰਫ਼ਬਾਰੀ ਕਾਰਨ ਪੰਜਾਬ ਦੇ ਕਈ ਇਲਾਕਿਆਂ ’ਚ ਠੰਢ ਆਮ ਦਿਨਾਂ ਦੇ ਮੁਕਾਬਲੇ ਜ਼ਿਆਦਾ ਰਹੀ। ਬਹੁਤੀ ਥਾਈਂ ਤਾਪਮਾਨ ’ਚ ਤਿੰਨ ਤੋਂ ਚਾਰ ਡਿਗਰੀ ਸੈਲਸੀਅਸ ਦੀ ਗਿਰਾਵਟ ਆ ਗਈ। ਮੰਗਲਵਾਰ ਸਵੇਰੇ ਸਮੋਗ ਦੇ ਨਾਲ-ਨਾਲ ਅਚਾਨਕ ਧੁੰਦ ਨੇ ਵੀ ਦਸਤਕ ਦਿੱਤੀ। ਦੁਪਹਿਰੇ ਧੁੰਦ ਖ਼ਤਮ ਹੋ ਗਈ।
ਮੌਸਮ ਕੇਂਦਰ ਚੰਡੀਗੜ੍ਹ ਅਨੁਸਾਰ ਅਗਲੇ ਦੋ ਦਿਨਾਂ ’ਚ ਠੰਢ ਹੋਰ ਵਧੇਗੀ। ਬੁੱਧਵਾਰ ਤੋਂ ਪਠਾਨਕੋਟ, ਗੁਰਦਾਸਪੁਰ, ਅੰਮ੍ਰਿਤਸਰ, ਹੁਸ਼ਿਆਰਪੁਰ, ਲੁਧਿਆਣਾ, ਪਟਿਆਲਾ ਤੇ ਰੋਪੜ ’ਚ ਗਰਜ-ਚਮਕ ਨਾਲ ਛਿੱਟੇ ਪੈ ਸਕਦੇੇ ਹਨ। 10 ਤੇ 11 ਨਵੰਬਰ ਨੂੰ ਧੁੰਦ ਲੋਕਾਂ ਦੀ ਮੁਸ਼ਕਿਲ ਵਧਾ ਸਕਦੀ ਹੈ। ਜੇ ਬਾਰਿਸ਼ ਹੁੰਦੀ ਹੈ ਤਾਂ ਪੰਜਾਬ ਦੇ ਲੋਕਾਂ ਨੂੰ ਸਮੋਗ ਤੋਂ ਛੁਟਕਾਰਾ ਮਿਲ ਸਕਦਾ ਹੈ।