ਪੰਜਾਬੀ
UCPMA ਦੇ ਪ੍ਰਧਾਨ ਦੀ ਚੋਣ ਲਈ 9 ਅਗਸਤ ਨੂੰ ਉਮੀਦਵਾਰ ਦਾ ਕੀਤਾ ਜਾਵੇਗਾ ਐਲਾਨ-UAG
Published
9 months agoon
ਲੁਧਿਆਣਾ : ਯੂਨਾਈਟਿਡ ਅਲਾਇੰਸ ਗਰੁੱਪ ਦੀ ਮੀਟਿੰਗ ਕੇ ਕੇ ਸੇਠ ਚੇਅਰਮੈਨ ਫਿਕੋ ਦੀ ਅਗਵਾਈ ਹੇਠ ਹੋਈ। ਇਸ ਮੀਟਿੰਗ ਵਿੱਚ ਯੂ.ਸੀ.ਪੀ.ਐਮ.ਏ. ਦੀਆਂ ਆਗਾਮੀ ਚੋਣਾਂ ਬਾਰੇ ਵਿਚਾਰ-ਵਟਾਂਦਰਾ ਕੀਤਾ ਗਿਆ। 5 ਉਮੀਦਵਾਰਾਂ ਚਰਨਜੀਤ ਸਿੰਘ ਵਿਸ਼ਵਕਰਮਾ, ਗੁਰਮੀਤ ਸਿੰਘ ਕੁਲਾਰ, ਅਵਤਾਰ ਸਿੰਘ ਭੋਗਲ, ਇੰਦਰਜੀਤ ਸਿੰਘ ਨਵਯੁੱਗ, ਗੁਰਚਰਨ ਸਿੰਘ ਜੈਮਕੋ ਨੇ ਡੀ.ਐਸ. ਚਾਵਲਾ ਦੇ ਮੁਕਾਬਲੇ ਪ੍ਰਧਾਨ ਦੇ ਅਹੁਦੇ ਲਈ ਆਪਣੇ ਨਾਮ ਤਜਵੀਜ਼ ਕੀਤੇ।
16 ਮੈਂਬਰਾਂ ਵਲੋਂ ਯੂ.ਸੀ.ਪੀ.ਐਮ.ਏ.ਦੇ ਵੱਖ-ਵੱਖ ਅਹੁਦੇ ਲਈ ਆਪਣੇ ਨਾਵਾਂ ਦਾ ਪ੍ਰਸਤਾਵ ਯੂਨਾਈਟਿਡ ਅਲਾਇੰਸ ਗਰੁੱਪ ਦੀ ਕੋਰ ਕਮੇਟੀ ਨੂੰ ਪ੍ਰਸਤਾਵਿਤ ਕੀਤੇ ਗਿਆ । 9 ਅਗਸਤ 2023 ਨੂੰ ਪ੍ਰਧਾਨ ਉਮੀਦਵਾਰ ਦੇ ਅਹੁਦੇ ਲਈ ਅੰਤਿਮ ਨਾਮ ਦਾ ਐਲਾਨ ਕੀਤਾ ਜਾਵੇਗਾ। ਸਾਰੇ ਪ੍ਰਸਤਾਵਿਤ ਮੈਂਬਰਾਂ ਨੇ ਸਾਈਕਲ ਉਦਯੋਗ ਦਾ ਵਿਕਾਸ ਮੌਜੂਦਾ ਪ੍ਰਧਾਨ ਦੀ ਤਾਨਾਸ਼ਾਹੀ ਕਾਰਨ ਪਿਛਲੇ 4 ਸਾਲਾਂ ਵਿੱਚ ਪਛੜ ਗਿਆ ਹੈ।
ਇਸ ਮੌਕੇ ਸਰਬਸੰਮਤੀ ਨਾਲ ਕਿਹਾ ਗਿਆ ਕਿ ਕੰਪਿਊਟਰ ਸੈਂਟਰ, ਮੁਫ਼ਤ ਡਿਸਪੈਂਸਰੀ ਅਤੇ ਵਪਾਰਕ ਕੇਂਦਰ ਨੂੰ ਮੁੜ ਚਾਲੂ ਕੀਤਾ ਜਾਵੇਗਾ। ਇਸ ਤੋਂ ਇਲਾਵਾ, 3ਡੀ ਪ੍ਰਿੰਟਿੰਗ ਅਤੇ ਸਟੀਮੂਲੇਸ਼ਨ ਪ੍ਰੋਗਰਾਮਿੰਗ ਕੋਰਸ ਦੇ ਨਾਲ ਇੱਕ ਸਾਈਕਲ ਕਲੱਬ ਵੀ ਬਣਾਇਆ ਜਾਵੇਗਾ ਅਤੇ ਉਦਯੋਗ ਦੀਆਂ ਸਮੱਸਿਆਵਾਂ ਦੇ ਹੱਲ ਲਈ ਇੱਕ ਸਮਰਪਿਤ ਹੈਲਪ ਡੈਸਕ ਵੀ ਬਣਾਇਆ ਜਾਵੇਗਾ।