ਸਮਾਗਮ ਦੇ ਨਿਰਦੇਸ਼ਕ ਅਤੇ ਐਨ.ਈ.ਪੀ. ਦੇ ਸੰਸਥਾਪਕ ਡਾ. ਵਿਸ਼ਾਲ ਮਾਰਵਾਹ ਨੇ ਪੀਏਯੂ ਦੇ ਵਿਦਿਆਰਥੀਆਂ ਨੂੰ ਪ੍ਰੇਰਿਤ ਕਰਨ ਲਈ ਪੂਰੇ ਕੈਂਪਸ ਦਾ ਦੌਰਾ ਕੀਤਾ | ਉਹਨਾਂ ਨੇ ਆਪਣਾ ਕਾਰੋਬਾਰ ਸ਼ੁਰੂ ਕਰਨ ਅਤੇ ਆਰਥਿਕ ਤੌਰ ’ਤੇ ਸਵੈ-ਨਿਰਭਰ ਬਣਨ ਲਈ ਪੂਰੇ ਭਾਰਤ ਵਿੱਚ ਹਜ਼ਾਰਾਂ ਪੌਸਟਿਕਤਾ ਅਤੇ ਖੁਰਾਕ ਮਾਹਿਰਾਂ ਦੀਆਂ ਮਿਸਾਲਾਂ ਦਿੱਤੀਆਂ | ਉਹਨਾਂ ਜਨਤਕ ਭਾਸਣ, ਸਮਗਰੀ ਵਿਕਾਸ, ਰਚਨਾਤਮਕ ਸੋਚ ਦੇ ਹੁਨਰ ਤੋਂ ਲੈ ਕੇ ਹੋਰ ਵਿਸ਼ਿਆਂ ’ਤੇ ਜੋਰ ਦਿੱਤਾ|

ਪ੍ਰੇਰਣਾਦਾਇਕ ਕਾਉਂਸਲੰਿਗ ਲਈ ਵੱਖ-ਵੱਖ ਤਕਨੀਕਾਂ, ਔਨਲਾਈਨ ਵਿਧੀਆਂ ਦੀਆਂ ਜਰੂਰੀ ਗੱਲਾਂ ਅਤੇ ਪੋਸਣ ਨੂੰ ਵਧਾਉਣ ਲਈ ਹੁਨਰਾਂ ਬਾਰੇ ਵੀ ਚਰਚਾ ਕੀਤੀ ਗਈ| ਡਾ. ਵਿਸਾਲ ਨੇ ਵਿਦਿਆਰਥੀ ਨਾਲ ਵਲੰਟੀਅਰ ਨਾਲ ਮੌਕ ਕਾਉਂਸਲੰਿਗ ਸੈਸਨ ਵੀ ਕੀਤਾ| ਭੋਜਨ ਅਤੇ ਪੋਸ਼ਣ ਵਿਭਾਗ ਦੇ ਮੁਖੀ ਡਾ. ਕਿਰਨ ਗਰੋਵਰ ਨੇ ਕਿਹਾ ਕਿ ਇਹ ਵਰਕਸਾਪ ਉਭਰਦੇ ਪੋਸ਼ਣ ਮਾਹਿਰਾਂ ਅਤੇ ਭੋਜਨ ਵਿਗਿਆਨੀਆਂ ਲਈ ਆਪਣੇ ਕਿੱਤੇ ਅਤੇ ਹੁਨਰ ਨੂੰ ਨਿਖਾਰਨ ਅਤੇ ਭੀੜ ਵਿੱਚ ਵੱਖਰਾ ਹੋਣ ਲਈ ਇੱਕ ਵਧੀਆ ਮੌਕਾ ਸੀ|