ਇਸ ਪ੍ਰਦਰਸ਼ਨੀ ਵਿਚ ਸਵਾਮੀ ਦਯਾਨੰਦ ਜੀ ਦੀਆਂ ਲਿਖੀਆਂ ਕਿਤਾਬਾਂ ਨੂੰ ਅਹਿਮ ਸਥਾਨ ਦਿੱਤਾ ਗਿਆ। ਪ੍ਰਦਰਸ਼ਨੀ ਵਿਚ ਸਵਾਮੀ ਦਯਾਨੰਦ ਜੀ ਦੇ ਪੈਰੋਕਾਰਾਂ ਦੁਆਰਾ ਆਰੀਆ ਸਮਾਜ ‘ਤੇ ਆਧਾਰਿਤ ਕਿਤਾਬਾਂ ਵੀ ਰੱਖੀਆਂ ਗਈਆਂ ਸਨ। ਵਿਦਿਆਰਥੀਆਂ ਅਤੇ ਮਾਪਿਆਂ ਨੇ ਇਸ ਸਾਹਿਤ ਨੂੰ ਵੇਖਿਆ ਅਤੇ ਨਵੀਂ ਜਾਣਕਾਰੀ ਪ੍ਰਾਪਤ ਕੀਤੀ।

ਪ੍ਰਿੰਸੀਪਲ ਅਨੁਜਾ ਕੌਸ਼ਲ ਨੇ ਦੱਸਿਆ ਕਿ ਇਹ ਪ੍ਰਦਰਸ਼ਨੀ ਉਨ੍ਹਾਂ ਦੇ ਸਾਹਿਤ ਬਾਰੇ ਦੱਸਣ ਲਈ ਲਗਾਈ ਗਈ ਹੈ, ਜਿਸ ਨਾਲ ਉਨ੍ਹਾਂ ਨੂੰ ਆਪਣੇ ਸੱਭਿਆਚਾਰ ਬਾਰੇ ਜਾਣਨ ਦਾ ਮੌਕਾ ਮਿਲੇਗਾ।

ਸਵਾਮੀ ਦਯਾਨੰਦ ਜੀ ਦੇ 200ਵੇਂ ਜਨਮ ਦਿਵਸ ਮੌਕੇ ਬੀਸੀਐਮ ਸਕੂਲ ਵਿੱਚ ਉਨ੍ਹਾਂ ਦੀਆਂ ਸਿੱਖਿਆਵਾਂ ਦੇ ਪ੍ਰਚਾਰ ਅਤੇ ਪ੍ਰਸਾਰ ਲਈ ਵੱਖ-ਵੱਖ ਗਤੀਵਿਧੀਆਂ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ, ਜਿਸ ਤਹਿਤ ਪ੍ਰਾਚੀਨ ਵੈਦਿਕ ਸਾਹਿਤ ‘ਤੇ ਪ੍ਰਦਰਸ਼ਨੀ ਲਗਾਈ ਗਈ ਹੈ।

The post ਬੀਸੀਐਮ ਆਰੀਆ ਸਕੂਲ ਵਿਖੇ ਲਗਾਈ ਪੁਰਾਤਨ ਵੈਦਿਕ ਸਾਹਿਤ ਪੁਸਤਕ ਪ੍ਰਦਰਸ਼ਨੀ appeared first on Ludhiana Live.

ਇਸ ਕੜੀ ਵਿਚ ਆਰੀਆ ਸਮਾਜ ਮਾਡਲ ਟਾਊਨ ਲੁਧਿਆਣਾ ਵਲੋਂ ਪ੍ਰਭਾਤ ਫੇਰੀ ਦਾ ਆਯੋਜਨ ਕੀਤਾ ਗਿਆ | ਸਵੇਰੇ ਆਰੀਆ ਸਮਾਜ ਤੋਂ ਸ਼ੁਰੂ ਹੋ ਕੇ ਇਹ ਪ੍ਰਭਾਤ ਫੇਰੀ ਸ਼੍ਰੀ ਕ੍ਰਿਸ਼ਨ ਮੰਦਰ ਅਤੇ ਮਾਡਲ ਟਾਊਨ ਦੇ ਰਸਤੇ ‘ਤੇ ਆਰੀਆ ਸਮਾਜ ਦੀ ਵਿਚਾਰਧਾਰਾ ਨੂੰ ਫੈਲਾਉਂਦੇ ਹੋਏ ਦੁਬਾਰਾ ਆਰੀਆ ਸਮਾਜ ਮੰਦਰ ਪਹੁੰਚੀ। ਆਰੀਆ ਸਮਾਜੀ ਵਿਦਿਅਕ ਸੰਸਥਾਵਾਂ ਨਾਲ ਜੁੜੇ ਬਹੁਤ ਸਾਰੇ ਵਿਦਿਆਰਥੀ ਇਸ ਰੈਲੀ ਵਿੱਚ ਸ਼ਾਮਲ ਹੋਏ।

ਇਸ ਮੌਕੇ ਬੀ.ਸੀ.ਐਮ. ਆਰੀਆ ਸਕੂਲ, ਸ਼ਾਸਤਰੀ ਨਗਰ ਦੇ ਆਰੀਆ ਬਾਲ ਸਭਾ ਮੈਂਬਰਾਂ ਅਤੇ ਕੈਂਬਰਿਜ ਵਿਭਾਗ ਦੇ ਵਿਦਿਆਰਥੀਆਂ ਤੋਂ ਇਲਾਵਾ ਵੱਖ-ਵੱਖ ਆਰੀਆ ਸਮਾਜਾਂ ਨਾਲ ਜੁੜੇ ਕਈ ਪਤਵੰਤੇ ਵੀ ਹਾਜ਼ਰ ਸਨ। ਪ੍ਰੋਗਰਾਮ ਵਿਚ ਭਾਗ ਲੈਣ ਵਾਲੇ ਸਾਰੇ ਆਰੀਆ ਭਰਾਵਾਂ ਦਾ ਵੱਖ-ਵੱਖ ਮੁਹੱਲਾ ਨਿਵਾਸੀਆਂ, ਸੰਸਥਾਵਾਂ ਅਤੇ ਪਰਿਵਾਰਾਂ ਵਲੋਂ ਬੜੇ ਉਤਸ਼ਾਹ ਨਾਲ ਸਵਾਗਤ ਕੀਤਾ ਗਿਆ |

ਇਸ ਮੌਕੇ ਆਰੀਆ ਸਮਾਜ ਮਾਡਲ ਟਾਊਨ ਲੁਧਿਆਣਾ ਦੇ ਪ੍ਰਧਾਨ ਸ੍ਰੀ ਸੁਰੇਸ਼ ਮੁੰਜਾਲ ਅਤੇ ਮੈਨੇਜਰ ਸ੍ਰੀ ਜਗਜੀਵਨ ਬੱਸੀ ਨੇ ਦੱਸਿਆ ਕਿ ਇਸ ਸਾਲ 26 ਫਰਵਰੀ 2023 ਨੂੰ ਸਵਾਮੀ ਜੀ ਦੇ ਜਨਮ ਦਿਨ ਮੌਕੇ ਸਕੂਲ ਦੇ ਵਿਹੜੇ ਚ ਮਹਾਯੱਗ ਦਾ ਆਯੋਜਨ ਕੀਤਾ ਜਾਵੇਗਾ, ਜਿਸ ਚ ਵੇਦ ਪ੍ਰਦਰਸ਼ਨੀ ਮੁੱਖ ਖਿੱਚ ਦਾ ਕੇਂਦਰ ਹੋਵੇਗੀ।

ਇਸ ਮੌਕੇ ਪ੍ਰੋ. ਸੱਤਿਆਵਰਤ ਰਾਜੇਸ਼ ਦੀ ਪੁਸਤਕ ‘ਨਿਰਾਲੇ ਦਯਾਨੰਦ’ ਨੂੰ ਵੀ ਆਰੀਆ ਸਮਾਜ ਮਾਡਲ ਟਾਊਨ ਵੱਲੋਂ ਟਾਈਪ ਕਰਕੇ ਵੰਡਿਆ ਜਾਵੇਗਾ ਤਾਂ ਜੋ ਹੋਰਨਾਂ ਨੂੰ ਵੀ ਮਹਾਰਿਸ਼ੀ ਦੇ ਵਿਚਾਰਾਂ ਅਤੇ ਵਿਲੱਖਣਤਾ ਨੂੰ ਜਾਣਨ ਦਾ ਮੌਕਾ ਮਿਲ ਸਕੇ। ਆਚਾਰੀਆ ਰਾਜੇਂਦਰ ਜੀ ਸ਼ਾਸਤਰੀ ਅਤੇ ਅਚਾਰੀਆ ਜੈੇਂਦਰ ਜੀ ਦੀ ਮੌਜੂਦਗੀ ਵਿੱਚ ਯੱਗ ਅਤੇ ਪ੍ਰਵਚਨ ਦਾ ਕੰਮ ਕੀਤਾ ਜਾਵੇਗਾ।

The post ਮਹਾਰਿਸ਼ੀ ਸਵਾਮੀ ਦਯਾਨੰਦ ਸਰਸਵਤੀ ਦੇ ਜਨਮ ਦਿਵਸ ਮੌਕੇ ਕੱਢੀਆਂ ਪ੍ਰਭਾਤ ਫੇਰੀਆਂ appeared first on Ludhiana Live.