ਸੂਬੇ ਵਿੱਚ ਆਮ ਆਦਮੀ ਪਾਰਟੀ ਦੀ ਸਰਕਾਰ ਬਣੀ ਨੂੰ ਤਿੰਨ ਮਹੀਨੇ ਤੋਂ ਵੱਧ ਦਾ ਸਮਾਂ ਹੋ ਗਿਆ ਹੈ ਪਰ ਅਜੇ ਤਕ ਸਰਕਾਰ ਇਸ ਬਾਰੇ ਕੋਈ ਨੀਤੀ ਨਹੀਂ ਬਣਾ ਸਕੀ। ਜਗਰਾਉਂ ਨੇੜੇ ਸਿੱਧਵਾਂਬੇਟ ਵਿਖੇ ਸਤਲੁਜ ਦਰਿਆ ਵਿੱਚੋਂ ਵੱਡੀ ਮਾਤਰਾ ਵਿੱਚ ਰੇਤ ਖਣਨ ਕੀਤਾ ਜਾ ਰਿਹਾ ਹੈ। ਪਿਛਲੇ ਵੀਹ ਸਾਲਾਂ ਵਿੱਚ ਉਥੋਂ ਇੰਨੀ ਰੇਤ ਨਿਕਲਦੀ ਕਦੇ ਨਹੀਂ ਦੇਖੀ ਗਈ।

ਜਗਰਾਓਂ ‘ਚ ਪਹਿਲਾਂ ਰੇਤ ਦੇ ਵੱਡੇ ਟਿੱਪਰ ਤੇ ਵੱਡੀਆਂ ਟਰਾਲੀਆਂ ਰਾਤ ਦੇ ਅੱਠ ਵਜੇ ਤੋਂ ਬਾਅਦ ਅਤੇ ਸਵੇਰੇ ਪੰਜ ਵਜੇ ਦੇ ਕਰੀਬ ਨਿਕਲਦੀਆਂ ਸਨ ਪਰ ਹੁਣ ਰੋਜ਼ਾਨਾ ਰੇਤ ਦੇ ਟਰੈਕਟਰ ਤੇ ਵੱਡੇ ਟਿੱਪਰ ਦਿਨ ਵੇਲੇ ਵੀ ਨਿਡਰ ਹੋ ਕੇ ਨਿਕਲਦੇ ਦੇਖੇ ਜਾ ਸਕਦੇ ਹਨ। ਉੱਥੇ ਹੀ ਲੋਕਾਂ ਨੇ ਕਿਹਾ ਕਿ ਸੰਗਰੂਰ ‘ਚ ਹੋਈ ਕਰਾਰੀ ਹਾਰ ‘ਤੇ ਸਰਕਾਰ ਨੂੰ ਮੰਥਨ ਕਰਨਾ ਚਾਹੀਦਾ ਹੈ। ਜਿੱਥੇ ਕਿਤੇ ਵੀ ਨਿਯਮਾਂ ਦੇ ਉਲਟ ਮਾਈਨਿੰਗ ਹੋ ਰਹੀ ਹੈ, ਉਸ ਦੀ ਜਾਂਚ ਕਰਵਾਈ ਜਾਵੇ ਅਤੇ ਸਬੰਧਤ ਅਧਿਕਾਰੀਆਂ ਖ਼ਿਲਾਫ਼ ਸਖ਼ਤ ਕਾਰਵਾਈ ਕੀਤੀ ਜਾਵੇ।

The post ਪੰਜਾਬ ‘ਚ ਰੇਤ ਦੀ ਕਾਲਾਬਾਜ਼ਾਰੀ ਵਧੀ, 5 ਤੋਂ ਵੱਧ ਕੇ 30 ਰੁਪਏ ਪ੍ਰਤੀ ਵਰਗ ਫੁੱਟ ਤਕ ਪੁੱਜੀ ਕੀਮਤ appeared first on Ludhiana Live.