ਪਾਵਰਕਾਮ ਦੇ ਉਪ ਲੋਕ ਸੰਪਰਕ ਸਕੱਤਰ ਮਨਮੋਹਨ ਸਿੰਘ ਅਨੁਸਾਰ ਇਸ ਵੇਲੇ ਸੂਬੇ ਦੇ ਥਰਮਲ ਪਲਾਂਟਾਂ ਦੇ ਅੱਠ ਯੂਨਿਟਾਂ ਵਿਚੋਂ ਚਾਰ ਚਾਲੂ ਹਨ ਅਤੇ ਸੂਬੇ ਦੇ ਹਰੇਕ ਪਲਾਂਟ ਵਿਚ 12-12 ਦਿਨਾਂ ਤੋਂ ਵੱਧ ਕੋਲੇ ਦੀ ਸਟੋਰੇਜ ਹੈ। ਨਾਭਾ ਪਾਵਰ ਲਿਮਟਿਡ ਦੇ ਰਾਜਪੁਰਾ ਸਥਿਤ ਨਿੱਜੀ ਥਰਮਲ ਪਾਵਰ ਪਲਾਂਟ ਕੋਲ 12 ਦਿਨਾਂ ਤੋਂ ਵੱਧ ਦਾ ਕੋਲਾ ਸਟਾਕ ਵਿੱਚ ਹੈ ਅਤੇ ਇਸ ਦੇ ਦੋਵੇਂ ਯੂਨਿਟ ਚੱਲ ਰਹੇ ਹਨ।

ਤਲਵੰਡੀ ਸਾਬੋ ਪਾਵਰ ਲਿਮਟਿਡ ਦੇ ਨਿੱਜੀ ਥਰਮਲ ਪਲਾਂਟ ਕੋਲ ਸਟਾਕ ਵਿੱਚ ਦੋ ਦਿਨਾਂ ਦਾ ਕੋਲਾ ਹੈ ਅਤੇ ਇਸ ਦੇ ਤਿੰਨੋਂ ਯੂਨਿਟ ਚਾਲੂ ਹਨ। ਜੂਨ ਮਹੀਨੇ ਝੋਨੇ ਦੇ ਸੀਜ਼ਨ ਵਿਚ ਜਦੋਂ ਸੂਬੇ ਦੀ ਬਿਜਲੀ ਦੀ ਮੰਗ ਸਿਖਰ ‘ਤੇ ਹੋਵੇਗੀ ਤਾਂ ਉਸ ਸਮੇਂ ਪਾਵਰਕਾਮ ਨੂੰ ਬੈਂਕਿੰਗ ਵਾਲੀ ਬਿਜਲੀ ਵਾਪਸ ਮਿਲ ਜਾਵੇਗੀ, ਜਿਸ ਨਾਲ ਪਾਵਰਕਾਮ ਨੂੰ ਉਸ ਸਮੇਂ ਬਿਜਲੀ ਦੀ ਕਿੱਲਤ ਦੂਰ ਕਰਨ ਵਿਚ ਮਦਦ ਮਿਲੇਗੀ।

ਫਿਲਹਾਲ ਪਾਵਰ ਕਾਮ ਬਿਜਲੀ ਵਾਪਸ ਲੈਣ ਲਈ ਬੈਂਕਿੰਗ ਪ੍ਰਣਾਲੀ ਤਹਿਤ ਦੂਜੇ ਸੂਬਿਆਂ ਨੂੰ ਕਰੀਬ 1000 ਮੈਗਾਵਾਟ ਬਿਜਲੀ ਦੇ ਰਿਹਾ ਹੈ। ਪਿਛਲੇ ਦੋ-ਤਿੰਨ ਦਿਨਾਂ ਤੋਂ ਬਿਜਲੀ ਦੀਆਂ ਵਟਾਂਦਰਾ ਦਰਾਂ ‘ਚ ਗਿਰਾਵਟ ਆ ਰਹੀ ਹੈ। ਅੱਜ ਦੀ ਔਸਤਨ ਦਰ 4.50 ਰੁਪਏ ਪ੍ਰਤੀ ਯੂਨਿਟ ਹੈ ਅਤੇ ਪੰਜਾਬ ਵੀ ਇਸ ਐਕਸਚੇਂਜ ਤੋਂ ਆਪਣੀ ਲੋੜ ਅਨੁਸਾਰ ਸਸਤੀ ਬਿਜਲੀ ਖਰੀਦ ਰਿਹਾ ਹੈ। ਅਜਿਹੇ ‘ਚ ਪੰਜਾਬ ਰਾਜ ‘ਚ ਬਿਜਲੀ ਦੀ ਕੋਈ ਕਮੀ ਨਹੀਂ ਹੈ।

The post ਖੇਤੀ ਸੈਕਟਰ ਵਿੱਚ ਬਿਜਲੀ ਦੀ ਮੰਗ 800 ਮੈਗਾਵਾਟ ਘੱਟ, ਪੰਜਾਬ ਦੇ ਪਾਵਰ ਪਲਾਂਟਾਂ ਵਿੱਚ 12 ਦਿਨਾਂ ਤੋਂ ਵੱਧ ਕੋਲੇ ਦਾ ਸਟਾਕ appeared first on Ludhiana Live.