ਰੇਲਵੇ ਸਟੇਸ਼ਨ ਤੇ ਬਿਨਾਂ ਵਜ੍ਹਾ ਘੁੰਮ ਰਹੇ ਸ਼ੱਕੀ ਅਤੇ ਨਸ਼ੇੜੀਆਂ ਨੂੰ ਪੁਲਸ ਨੇ ਭਜਾ ਭਜਾਕੇ ਸਟੇਸ਼ਨ ਤੋਂ ਬਾਹਰ ਕਰ ਦਿੱਤਾ। ਉਨ੍ਹਾਂ ਨੇ ਕਈ ਸ਼ੱਕੀਆਂ ਤੋਂ ਵੀ ਪੁੱਛਗਿੱਛ ਕੀਤੀ। ਫਿਰ ਬਹੁਤ ਸਾਰੇ ਸ਼ੱਕੀ ਪੁਲਿਸ ਦੀ ਲਾਠੀ ਪਰੇਡ ਨੂੰ ਵੇਖਕੇ ਉਥੋਂ ਭੱਜ ਗਏ। ਦੱਸ ਦੇਈਏ ਕਿ ਰਾਤ ਨੂੰ ਲੁਧਿਆਣਾ ਸਟੇਸ਼ਨ ‘ਤੇ ਕਈ ਸ਼ੱਕੀ ਲੋਕ ਸਵਾਰੀਆਂ ਦੇ ਵਿਚਕਾਰ ਦਾਖਲ ਹੋ ਜਾਂਦੇ ਸਨ। ਜਦੋਂ ਯਾਤਰੀ ਟਰੇਨ ਚ ਚੜ੍ਹਦੇ ਸਨ ਤਾਂ ਉਹ ਭੀੜ ਦਾ ਫਾਇਦਾ ਚੁੱਕ ਕੇ ਯਾਤਰੀਆਂ ਦਾ ਸਾਮਾਨ ਚੋਰੀ ਕਰ ਲੈਂਦੇ ਸਨ ਪਰ ਬੁੱਧਵਾਰ ਨੂੰ ਅਜਿਹੇ ਕਈ ਲੋਕਾਂ ਨੂੰ ਜੀ ਆਰ ਪੀ ਨੇ ਭੀੜ ਚੋਂ ਬਾਹਰ ਕੱਢ ਲਿਆ।

ਪੁਲਸ ਅਧਿਕਾਰੀਆਂ ਮੁਤਾਬਕ ਸਟੇਸ਼ਨ ਖੇਤਰ ਅਤੇ ਯਾਤਰੀ ਟਰੇਨਾਂ ‘ਚ ਵਿਸ਼ੇਸ਼ ਫੋਰਸ ਤਾਇਨਾਤ ਕੀਤੀ ਗਈ ਹੈ। ਰੇਲ ਗੱਡੀਆਂ ਅਤੇ ਸਟੇਸ਼ਨ ਖੇਤਰਾਂ ਵਿੱਚ ਸਾਦੇ ਕੱਪੜੇ ਪਹਿਨੇ ਕਈ ਪੁਲਿਸ ਕਰਮਚਾਰੀ ਤਾਇਨਾਤ ਕੀਤੇ ਗਏ ਹਨ। ਇਸ ਨਾਲ ਸ਼ਰਾਰਤੀ ਅਨਸਰਾਂ ਅਤੇ ਸ਼ੱਕੀ ਲੋਕਾਂ ਨੂੰ ਫੜਨ ਵਿਚ ਆਸਾਨੀ ਹੋਵੇਗੀ।

ਜੀ ਆਰ ਪੀ ਦੇ ਡੀ ਐੱਸ ਪੀ ਬਲਰਾਮ ਰਾਣਾ ਨੇ ਦੱਸਿਆ ਕਿ ਸਟੇਸ਼ਨ ਤੇ ਜੀ ਆਰ ਪੀ ਦੇ ਜਵਾਨ ਹਰ ਸਮੇਂ ਅਲਰਟ ਰਹਿੰਦੇ ਹਨ। ਜਦੋਂ ਲੰਬੀ ਦੂਰੀ ਦੀ ਰੇਲ ਗੱਡੀ ਪਲੇਟਫਾਰਮ ‘ਤੇ ਆਉਂਦੀ ਹੈ, ਤਾਂ ਇਹ ਸ਼ੱਕੀ ਲੋਕ ਪਹਿਲਾਂ ਹੀ ਵਾਰਦਾਤ ਨੂੰ ਅੰਜ਼ਾਮ ਦੇਣ ਲਈ ਤਿਆਰ ਬੈਠੇ ਹੁੰਦੇ ਹਨ। ਇਹ ਲੋਕ ਭੀੜ ਦਾ ਫਾਇਦਾ ਉਠਾ ਕੇ ਸਾਮਾਨ ਚੋਰੀ ਕਰ ਲੈਂਦੇ ਹਨ। ਜੀਆਰਪੀ ਨੂੰ ਅੱਜ ਸਟੇਸ਼ਨ ਖੇਤਰ ਤੋਂ ਸ਼ੱਕੀਆਂ ਨੂੰ ਬਾਹਰ ਕੱਢਣ ਲਈ ਸਖ਼ਤ ਕਾਰਵਾਈ ਕਰਨੀ ਪਈ ਤਾਂ ਜੋ ਯਾਤਰੀਆਂ ਦੀ ਸੁਰੱਖਿਆ ਨੂੰ ਮਜ਼ਬੂਤ ਕੀਤਾ ਜਾ ਸਕੇ।

The post ਰੇਲਵੇ ਸਟੇਸ਼ਨ ‘ਤੇ ਵੱਧ ਰਹੀਆਂ ਚੋਰੀ ਦੀਆਂ ਵਾਰਦਾਤਾਂ ਤੇ ਕਾਬੂ ਪਾਉਣ ਲਈ ਜੀਆਰਪੀ ਨੇ ਚਲਾਈ ਤਲਾਸ਼ੀ ਮੁਹਿੰਮ appeared first on Ludhiana Live.