ਪੀ.ਏ.ਯੂ. ਕੈਂਪਸ ਦੇ ਸੁੰਦਰ ਸਥਾਨਾਂ ਜਿਵੇਂ ਕਿ ਕਣਕ ਦੇ ਖੇਤ, ਜੰਗਲਾਤ ਖੇਤਰ, ਝੋਨੇ ਦੇ ਖੇਤ, ਬੋਗਨਵਿਲੀਆ ਬਾਗ ਅਤੇ ਫਲਾਂ ਦੇ ਬਾਗਾਂ ਦੀਆਂ ਪੰਜ ਤਸਵੀਰਾਂ ਇਸ ਕੈਲੰਡਰ ਵਿੱਚ ਸ਼ਾਮਿਲ ਹਨ | ਡਾ. ਗੋਸਲ ਨੇ ਸੂਰਜ ਚੜ੍ਹਨ ਦੀ ਮਹੱਤਤਾ ਨੂੰ ਉਜਾਗਰ ਕਰਨ ਅਤੇ ਕੁਦਰਤ ਅਤੇ ਇਸ ਦੀ ਸੰਭਾਲ ਪ੍ਰਤੀ ਲੋਕਾਂ ਦਾ ਧਿਆਨ ਖਿੱਚਣ ਲਈ ਸ੍ਰੀ ਸੰਧੂ ਦੇ ਯਤਨਾਂ ਦੀ ਸਲਾਘਾ ਕੀਤੀ|

ਕੈਲੰਡਰ ਦੀ ਸਮੱਗਰੀ ਬਾਰੇ ਜਾਣਕਾਰੀ ਦਿੰਦਿਆਂ ਸ੍ਰੀ ਸੰਧੂ ਨੇ ਕਿਹਾ ਕਿ ਇਹ ਸੰਗ੍ਰਹਿ ਪੰਜਾਬ ਦੀਆਂ ਵੱਖ-ਵੱਖ ਥਾਵਾਂ ਜਿਵੇਂ ਕਿ ਦਰਿਆ ਬਿਆਸ, ਸਤਲੁਜ, ਨੰਗਲ ਡੈਮ, ਹਰੀਕੇ ਪੱਤਣ, ਰਣਜੀਤ ਸਾਗਰ ਡੈਮ ਅਤੇ ਪੀ.ਏ.ਯੂ. ਵਿੱਚ ਸਾਲ ਭਰ ਦੇ ਸੂਰਜ ਚੜ੍ਹਨ ਦੀਆਂ ਤਸਵੀਰਾਂ ਦਾ ਸੰਗ੍ਰਹਿ ਹੈ| ਉਹਨਾਂ ਅੱਗੇ ਕਿਹਾ ਕਿ ਵਿਚਾਰ ਕੁਦਰਤ ਦਾ ਸਤਿਕਾਰ ਕਰਨਾ ਅਤੇ ਆਪਣੇ ਸਿਰਜਣਹਾਰ ਨਾਲ ਜੁੜੇ ਅਹਿਮ ਹੈ|