ਦੇਸ਼ ਦਾ ਪਹਿਲਾ ਨਿੱਜੀ ਰੇਲਵੇ ਸਟੇਸ਼ਨ ਹਬੀਬਗੰਜ ਹੈ, ਜਿਸ ਨੂੰ ਹੁਣ ਰਾਣੀ ਕਮਲਾਪਤੀ ਰੇਲਵੇ ਸਟੇਸ਼ਨ ਵਜੋਂ ਜਾਣਿਆ ਜਾਂਦਾ ਹੈ। 13 ਨਵੰਬਰ 2021 ਨੂੰ, ਇਸ ਸਟੇਸ਼ਨ ਦਾ ਨਾਮ ਹਬੀਬਗੰਜ ਤੋਂ ਬਦਲ ਕੇ ਰਾਣੀ ਕਮਲਾਪਤੀ ਰੇਲਵੇ ਸਟੇਸ਼ਨ ਕਰ ਦਿੱਤਾ ਗਿਆ ਸੀ। ਇਹ ਸਟੇਸ਼ਨ ਮੱਧ ਪ੍ਰਦੇਸ਼ ਦੀ ਰਾਜਧਾਨੀ ਭੋਪਾਲ ਵਿੱਚ ਹੈ। ਆਈਆਰਡੀਸੀ ਅਨੁਸਾਰ ਇਸ ਰੇਲਵੇ ਸਟੇਸ਼ਨ ਨੂੰ ਪੀਪੀਪੀ ਮਾਡਲ ਰਾਹੀਂ ਅੰਤਰਰਾਸ਼ਟਰੀ ਪੱਧਰ ‘ਤੇ ਮੁੜ ਵਿਕਸਤ ਕੀਤਾ ਗਿਆ ਹੈ। ਭਾਰਤੀ ਰੇਲਵੇ ਨੇ ਇਸ ਸਟੇਸ਼ਨ ਨੂੰ ਵਿਕਸਤ ਕਰਨ ਦੀ ਜ਼ਿੰਮੇਵਾਰੀ ਬਾਂਸਲ ਗਰੁੱਪ ਨੂੰ ਦਿੱਤੀ ਸੀ। ਸਟੇਸ਼ਨ ਬਣਾਉਣ ਦੇ ਨਾਲ-ਨਾਲ ਬਾਂਸਲ ਗਰੁੱਪ ਅੱਠ ਸਾਲਾਂ ਤਕ ਇਸ ਦੇ ਰੱਖ-ਰਖਾਅ ਅਤੇ ਸੰਚਾਲਨ ਲਈ ਵੀ ਜ਼ਿੰਮੇਵਾਰ ਹੈ।

ਰਾਣੀ ਕਮਲਾਪਤੀ ਰੇਲਵੇ ਸਟੇਸ਼ਨ ਵਿੱਚ ਕਈ ਤਰ੍ਹਾਂ ਦੀਆਂ ਸਹੂਲਤਾਂ ਹਨ, ਜਿਵੇਂ ਕਿ ਸ਼ਾਪਿੰਗ ਸਟੋਰ, ਰੈਸਟੋਰੈਂਟ, ਕੇਟਰਿੰਗ ਦੀਆਂ ਦੁਕਾਨਾਂ ਅਤੇ ਪਾਰਕਿੰਗ। ਇਸ ਸਟੇਸ਼ਨ ‘ਤੇ ਮਹਿਲਾ ਯਾਤਰੀਆਂ ਲਈ ਵੱਖਰੀ ਸਹੂਲਤ ਵੀ ਮੁਹੱਈਆ ਕਰਵਾਈ ਗਈ ਹੈ। ਇਸ ਸਟੇਸ਼ਨ ‘ਤੇ ਊਰਜਾ ਲਈ ਸੋਲਰ ਪੈਨਲ ਲਗਾਏ ਗਏ ਹਨ, ਜਿਸ ਤੋਂ ਪ੍ਰਾਪਤ ਊਰਜਾ ਸਟੇਸ਼ਨ ਦੇ ਕੰਮ ਵਿਚ ਵਰਤੀ ਜਾਂਦੀ ਹੈ। ਰੇਲਗੱਡੀਆਂ ਦੀ ਆਵਾਜਾਈ ਬਾਰੇ ਜਾਣਕਾਰੀ ਦੇਣ ਲਈ ਪੂਰੇ ਸਟੇਸ਼ਨ ‘ਤੇ ਵੱਖ-ਵੱਖ ਭਾਸ਼ਾਵਾਂ ਵਿੱਚ ਡਿਸਪਲੇਅ ਬੋਰਡ ਲਗਾਏ ਗਏ ਹਨ।

ਰਾਣੀ ਕਮਲਾਪਤੀ ਰੇਲਵੇ ਸਟੇਸ਼ਨ ‘ਤੇ ਤੁਹਾਨੂੰ ਸਾਂਚੀ ਸਟੂਪਾ, ਭੋਜਪੁਰ ਮੰਦਰ, ਬਿਰਲਾ ਮੰਦਰ, ਤਵਾ ਡੈਮ, ਆਦਿਵਾਸੀ ਅਜਾਇਬ ਘਰ ਵਰਗੀਆਂ ਵਿਸ਼ਵ ਵਿਰਾਸਤੀ ਥਾਵਾਂ ਦੀਆਂ ਝਲਕੀਆਂ ਵੀ ਮਿਲਦੀਆਂ ਹਨ। ਰਾਣੀ ਕਮਲਾਪਤੀ ਰੇਲਵੇ ਸਟੇਸ਼ਨ ਨੂੰ ਇਸ ਤਰ੍ਹਾਂ ਡਿਜ਼ਾਇਨ ਕੀਤਾ ਗਿਆ ਹੈ ਕਿ ਕਿਸੇ ਵੀ ਐਮਰਜੈਂਸੀ ਦੀ ਸਥਿਤੀ ਵਿੱਚ ਯਾਤਰੀਆਂ ਨੂੰ ਸਿਰਫ਼ 4 ਮਿੰਟ ਵਿੱਚ ਸਟੇਸ਼ਨ ਤੋਂ ਬਾਹਰ ਕੱਢਿਆ ਜਾ ਸਕਦਾ ਹੈ।

The post ਕੀ ਤੁਸੀਂ ਜਾਣਦੇ ਹੋ ਦੇਸ਼ ਦਾ ਇਹ ਪਹਿਲਾ ਪ੍ਰਾਈਵੇਟ ਰੇਲਵੇ ਸਟੇਸ਼ਨ? ਸਹੂਲਤਾਂ ਦੇਖ ਕੇ ਭੁੱਲ ਜਾਓਗੇ ਏਅਰਪੋਰਟ appeared first on Ludhiana Live.