ਇਹਨਾਂ ਮੁਕਾਬਲਿਆਂ ਵਿੱਚ ਤੋਰੀ ਦੇ ਵਰਗ ਵਿੱਚ ਜ਼ਿਲਾ ਬਠਿੰਡਾ ਦੇ ਪਿੰਡ ਲਹਿਰਾਬੇਗਾ ਦੇ ਜਸਪਾਲ ਸਿੰਘ ਨੇ ਪਹਿਲਾ ਸਥਾਨ ਹਾਸਲ ਕੀਤਾ । ਭਿੰਡੀ ਦੇ ਮੁਕਾਬਲਿਆਂ ਵਿੱਚ ਪਹਿਲਾ ਸਥਾਨ ਪਿੰਡ ਜਲਬੇਰੀ ਦੇ ਪਰਮਜੀਤ ਸਿੰਘ ਨੂੰ, ਬੈਂਗਣਾਂ ਦੇ ਮੁਕਾਬਲੇ ਵਿੱਚ ਸਦੌੜ ਦੇ ਬੂਟਾ ਸਿੰਘ ਨੂੰ ਅਤੇ ਲਸਣ ਮੁਕਾਬਲਿਆਂ ਵਿੱਚ ਲਾਲਿਆਣਾ ਪਿੰਡ ਦੇ ਉਡੀਕਵਾਨ ਸਿੰਘ ਨੂੰ ਪਹਿਲਾ ਸਥਾਨ ਪ੍ਰਾਪਤ ਹੋਇਆ ।

ਪਿਆਜ਼ ਮੁਕਾਬਲ਼ਿਆਂ ਵਿੱਚ ਪਿੰਡ ਸਦੌੜ ਦੇ ਤੀਰਥ ਸਿੰਘ ਨੂੰ ਪਹਿਲਾ, ਘੀਆ ਮੁਕਾਬਲੇ ਵਿੱਚ ਢਿੱਲਵਾਂ ਦੇ ਸੁਖਵਿੰਦਰ ਸਿੰਘ ਨੂੰ ਪਹਿਲਾ, ਲੋਬੀਆ ਦੇ ਮੁਕਾਬਲੇ ਵਿੱਚ ਪਿੰਡ ਰਾਮੇਆਣਾ ਦੇ ਜਿੱਕੀ ਸਿੰਘ ਨੂੰ, ਅਰਬੀ ਮੁਕਾਬਲੇ ਵਿੱਚ ਲਾਲੇਆਣਾ ਦੇ ਉਡੀਕਵਾਨ ਸਿੰਘ ਨੂੰ ਅਤੇ ਝਾੜ ਕਰੇਲੇ ਦੇ ਮੁਕਾਬਲੇ ਵਿੱਚ ਢਿੱਲਵਾਂ ਦੇ ਦਲੀਪ ਸਿੰਘ ਨੂੰ ਪਹਿਲਾ ਸਥਾਨ ਹਾਸਲ ਹੋਇਆ । ਇਸੇ ਤਰਾਂ ਮਿਰਚਾਂ ਦੇ ਮੁਕਾਬਲੇ ਵਿੱਚ ਪਿੰਡ ਡੱਲਾ ਗੁਰਾਇਆ ਦੇ ਨਰਿੰਦਰ ਸਿੰਘ ਨੇ ਪਹਿਲਾ ਸਥਾਨ ਹਾਸਲ ਕੀਤਾ ।

ਫ਼ਸਲਾਂ ਦੇ ਮੁਕਾਬਲਿਆਂ ਵਿੱਚ ਨਰਮੇ ਵਿੱਚ ਪਹਿਲਾ ਸਥਾਨ ਪਿੰਡ ਪੱਟੀ ਸਦੀਕ ਦੇ ਗੁਰਪ੍ਰੀਤ ਸਿੰਘ ਨੂੰ ਮਿਲਿਆ । ਕਮਾਦ ਦੇ ਮੁਕਾਬਲੇ ਵਿੱਚ ਸਿੰਘਪੁਰ ਪਿੰਡ ਦੇ ਸਰਬਜੀਤ ਸਿੰਘ ਜੇਤੂ ਰਹੇ । ਫ਼ਲਾਂ ਵਿੱਚੋਂ ਚਕੌਤਰਾ ਦੇ ਮੁਕਾਬਲੇ ਵਿੱਚ ਪਹਿਲਾ ਇਨਾਮ ਪੰਡੋਰੀ ਅਰਾਈਆ ਦੇ ਬਲਰਾਜ ਸਿੰਘ ਨੇ ਹਾਸਲ ਕੀਤਾ । ਨਿੰਬੂ ਦੇ ਮੁਕਾਬਲਿਆਂ ਵਿੱਚ ਪਿੰਡ ਨਾਗਰਾ ਦੇ ਕੁਲਵਿੰਦਰ ਸਿੰਘ ਨੂੰ ਪਹਿਲਾ ਸਥਾਨ ਮਿਲਿਆ । ਪਪੀਤੇ ਦੇ ਮੁਕਾਬਲੇ ਵਿੱਚ ਰਮਨਪ੍ਰੀਤ ਸਿੰਘ ਜੇਤੂ ਰਹੇ । ਆਂਮਲਾ ਦੇ ਮੁਕਾਬਲੇ ਵਿੱਚ ਪਿੰਡ ਨਾਗਰਾ ਦੇ ਕੁਲਵਿੰਦਰ ਸਿੰਘ ਅਤੇ ਮਾਲਟਾ ਦੇ ਮੁਕਾਬਲਿਆਂ ਵਿੱਚ ਪਿੰਡ ਔਲਖ ਦੇ ਸਤਨਾਮ ਸਿੰਘ ਜੇਤੂ ਰਹੇ ।

ਇਸੇ ਤਰਾਂ ਮਸ਼ੀਨਰੀ ਦੇ ਮੁਕਾਬਲਿਆਂ ਵਿੱਚ ਟਰੈਕਟਰ, ਕੰਬਾਈਨ ਅਤੇ ਰੀਪਰ ਮੁਕਾਬਲ਼ਿਆਂ ਵਿੱਚ ਪਹਿਲਾ ਇਨਾਮ ਮਹਿੰਦਰਾ ਐਂਡ ਮਹਿੰਦਰਾ ਨੂੰ ਪ੍ਰਾਪਤ ਹੋਇਆ । ਟਰੈਕਟਰ ਦੇ ਸੰਦਾਂ ਦੇ ਮੁਕਾਬਲੇ ਵਿੱਚ ਪਹਿਲਾ ਇਨਾਮ ਜਗਤਜੀਤ ਗੁਰੱਪ ਨੂੰ, ਬਿਜਲੀ ਦੀਆਂ ਮੋਟਰਾਂ ਅਤੇ ਪੰਪ ਸੈੱਟਾਂ ਦੇ ਮੁਕਾਬਲੇ ਵਿੱਚ ਰਾਜਾ ਇੰਟਰਪ੍ਰਾਈਜ਼ਜ਼ ਪਹਿਲੇ ਸਥਾਨ ਤੇ ਰਹੇ । ਪਾਣੀ ਬਚਾਉਣ ਵਾਲੀਆਂ ਮਸ਼ੀਨਾਂ ਅਤੇ ਸੰਦਾਂ ਦੇ ਮੁਕਾਬਲੇ ਵਿੱਚ ਮੈਸਰਜ਼ ਜੈਨ ਇਰੀਗੇਸ਼ਨ ਨੂੰ ਪਹਿਲਾ ਸਥਾਨ ਮਿਲਿਆ ।

ਇਸ ਤੋਂ ਬਿਨਾਂ ਖਾਦਾਂ, ਕੀਟ ਨਾਸ਼ਕਾਂ ਅਤੇ ਖੇਤੀ ਪ੍ਰੋਸੈਸਿੰਗ ਮਸ਼ੀਨਰੀ ਮੁਕਾਬਲ਼ਿਆਂ ਵਿੱਚ ਕ੍ਰਮਵਾਰ ਇਫਕੋ, ਬੇਅਰਕਰੋਪ ਸਾਇੰਸਜ਼ ਅਤੇ ਕੇ ਸੀ ਮਾਰਕੀਟਿੰਗ ਕੰਪਨੀ ਪਹਿਲੇ ਸਥਾਨ ਤੇ ਰਹੇ । ਖੇਤੀ ਕਾਰੋਬਾਰੀਆਂ ਵਿੱਚੋਂ ਪਹਿਲਾ ਸਥਾਨ ਪਰਮਜੀਤ ਸਿੰਘ ਅਤੇ ਦੂਸਰਾ ਸਥਾਨ ਸ੍ਰੀਮਤੀ ਜਸਪ੍ਰੀਤ ਕੌਰ ਔਜਲਾ ਨੂੰ ਪ੍ਰਾਪਤ ਹੋਇਆ ।

ਪੀ.ਏ.ਯੂ ਵੱਲੋਂ ਲਾਈਆਂ ਸਟਾਲਾਂ ਵਿੱਚੋਂ ਪੌਦਾ ਰੋਗ ਵਿਗਿਆਨ ਦੀ ਸਟਾਲ ਨੂੰ ਸਭ ਤੋਂ ਵਧੀਆ ਮੰਨਿਆ ਗਿਆ ਜਦਕਿ ਖੇਤ ਪ੍ਰਦਰਸ਼ਨੀਆਂ ਵਿੱਚ ਜੈਵਿਕ ਖੇਤੀ ਸਕੂਲ ਦੀ ਪ੍ਰਦਰਸ਼ਨੀ ਸ੍ਰੇਸ਼ਟ ਗਿਣੀ ਗਈ । ਨੌਜਵਾਨ ਕਿਸਾਨ ਸੰਸਥਾਵਾਂ ਦੇ ਮੁਕਾਬਲੇ ਵਿੱਚ ਕਿਸਾਨ ਸਲਾਹਕਾਰ ਸੇਵਾ ਕੇਂਦਰ ਸੰਗਰੂਰ ਪਹਿਲੇ ਸਥਾਨ ਤੇ ਰਹੇ । ਇਹਨਾਂ ਜੇਤੂਆਂ ਨੂੰ ਸਰਟੀਫਿਕੇਟ ਅਤੇ ਸਨਮਾਨ ਚਿੰਨਾਂ ਨਾਲ ਸਨਮਾਨਿਆ ਗਿਆ । ਪੀ.ਏ.ਯੂ. ਦੇ ਵਾਈਸ ਚਾਂਸਲਰ ਡਾ. ਸਤਿਬੀਰ ਸਿੰਘ ਗੋਸਲ ਨੇ ਜੇਤੂਆਂ ਨੂੰ ਵਧਾਈ ਦਿੰਦਿਆਂ ਮੁਕਾਬਲਿਆਂ ਵਿੱਚ ਭਾਗ ਲੈਣ ਵਾਲਿਆਂ ਨੂੰ ਹੋਰ ਮਿਹਨਤ ਕਰਨ ਲਈ ਕਿਹਾ ।

The post ਪੀ.ਏ.ਯੂ. ਦੇ ਕਿਸਾਨ ਮੇਲੇ ਮੌਕੇ ਫ਼ਸਲਾਂ ਅਤੇ ਖੇਤ ਮਸ਼ੀਨਰੀ ਦੇ ਕਰਵਾਏ ਮੁਕਾਬਲੇ  appeared first on Ludhiana Live.

ਉੱਭਰ ਰਹੀਆਂ ਖੇਤੀ ਚੁਣੌਤੀਆਂ ਦੇ ਬਾਰੇ ਚਰਚਾ ਕਰਦਿਆਂ ਡਾ. ਗੋਸਲ ਨੇ ਕਿਹਾ ਕਿ ਯੂਨੀਵਰਸਿਟੀ ਪਾਣੀ ਦੀ ਸੰਭਾਲ, ਮਿੱਟੀ ਸਿਹਤ ਸੰਭਾਲ, ਝੋਨੇ ਦੀ ਰਹਿੰਦ-ਖੂੰਹਦ ਦਾ ਪ੍ਰਬੰਧਨ, ਵਾਤਾਵਰਨ ਦੀ ਸੁਰੱਖਿਆ ਅਤੇ ਸਹਾਇਕ ਕਿੱਤਿਆਂ ਜਿਵੇਂ ਕਿ ਸਹਾਇਕ ਧੰਦਿਆਂ ਨੂੰ ਅਪਣਾ ਕੇ ਕਿਸਾਨਾਂ ਦੀ ਆਮਦਨ ਵਧਾਉਣ `ਤੇ ਧਿਆਨ ਕੇਂਦਰਿਤ ਕਰ ਰਹੀ ਹੈ। ਇਸ ਦੌਰਾਨ ਖੁੰਬਾਂ ਦੀ ਕਾਸ਼ਤ, ਐਗਰੋ-ਪ੍ਰੋਸੈਸਿੰਗ, ਪਸ਼ੂ ਪਾਲਣ ਆਦਿ ਬਾਰੇ ਵਿਸਥਾਰ ਨਾਲ ਚਰਚਾ ਹੋਈ।

ਸ. ਹਰਦਿਆਲ ਸਿੰਘ ਨੇ ਹਰੀ ਕ੍ਰਾਂਤੀ ਲਿਆਉਣ ਲਈ ਪੀ.ਏ.ਯੂ. ਦੇ ਲਾਮਿਸਾਲ ਯੋਗਦਾਨ ਅਤੇ ਅਜੋਕੇ ਸਮੇਂ ਦੀਆਂ ਚੁਣੌਤੀਆਂ ਨਾਲ ਨਜਿੱਠਣ ਲਈ ਇਸ ਦੇ ਸਰਬਪੱਖੀ ਯਤਨਾਂ ਦੀ ਸ਼ਲਾਘਾ ਕੀਤੀ। ਉਹਨਾਂ ਕਿਹਾ ਕਿ ਪੀ.ਏ.ਯੂ. ਕਿਸਾਨ ਆਪਸ ਵਿੱਚ ਨੇੜਿਓਂ ਜੁੜੇ ਹੋਏ ਹਨ ਅਤੇ ਉਨ੍ਹਾਂ ਦਾ ਰਿਸ਼ਤਾ ਹਮੇਸ਼ਾ ਮਜ਼ਬੂਤੀ ਵੱਲ ਵਧਿਆ ਹੈ । ਸ. ਹਰਦਿਆਲ ਸਿੰਘ ਨੇ ਪੀ.ਏ.ਯੂ. ਦੇ ਵਾਈਸ ਚਾਂਸਲਰ ਡਾ. ਗੋਸਲ ਨੂੰ ਸਨਮਾਨਿਤ ਕੀਤਾ ।

ਇਸ ਤੋਂ ਪਹਿਲਾਂ ਡਾ. ਅਸ਼ੋਕ ਕੁਮਾਰ ਡਾਇਰੈਕਟਰ ਪਸਾਰ ਸਿੱਖਿਆ, ਸਰਦਾਰ ਹਰਦਿਆਲ ਸਿੰਘ ਅਤੇ ਹੋਰ ਅਗਾਂਹਵਧੂ ਕਿਸਾਨਾਂ ਦਾ ਸਵਾਗਤ ਕੀਤਾ ਅਤੇ ਡਾ. ਜੇ ਐੱਸ ਕੁਲਾਰ ਸਾਬਕਾ ਮੈਂਬਰ ਬੋਰਡ  ਮੈਨੇਜਮੈਂਟ, ਪੀ.ਏ.ਯੂ.  ਡਾ. ਕੁਮਾਰ ਨੇ ਕਿਸਾਨਾਂ ਨੂੰ ਸਤੰਬਰ ਕਿਸਾਨ ਮੇਲਿਆਂ ਵਿੱਚ ਭਾਗ ਲੈਣ ਦਾ ਸੱਦਾ ਦਿੱਤਾ ਜੋ ਕਿ ਮਹਾਂਮਾਰੀ ਦੇ ਦੋ ਸਾਲਾਂ ਦੇ ਵਕਫ਼ੇ ਤੋਂ ਬਾਅਦ ਹੋਣ ਜਾ ਰਹੇ ਹਨ । ਅਪਰ ਨਿਰਦੇਸ਼ਕ ਸੰਚਾਰ ਡਾ. ਤੇਜਿੰਦਰ ਸਿੰਘ ਰਿਆੜ ਨੇ ਅੰਤ ਵਿੱਚ ਧੰਨਵਾਦ ਦੇ ਸ਼ਬਦ ਕਹੇ ।

The post ਪੀ.ਏ.ਯੂ. ਦੇ ਪ੍ਰਬੰਧਕੀ ਬੋਰਡ ਦੇ ਮੈਂਬਰ ਵੱਲੋਂ ਪੀ.ਏ.ਯੂ. ਦਾ ਦੌਰਾ appeared first on Ludhiana Live.