ਪ੍ਰੋਗਰਾਮ ਦੀ ਸ਼ੁਰੂਆਤ ਗਾਇਕ ਬਾਗੀ ਭੰਗੂ ਨੇ ਕੀਤੀ, ਜਿਸ ਨੇ ਆਪਣੇ ਵੰਨ ਸੁਵੰਨੇ ਗੀਤਾਂ ਨਾਲ ਦਰਸ਼ਕਾਂ ਦਾ ਖੂਬ ਮਨੋਰੰਜਨ ਕੀਤਾ। ਇਸ ਤੋਂ ਮਗਰੋ ਜਿਉਂ ਹੀ ਹਸਤਿੰਦਰ ਦੀ ਵਾਰੀ ਆਈ ਤਾਂ ਉਸ ਨੇ ਆਪਣੇ ਚਰਚਿਤ ਗੀਤ ਹੱਸਦੇ ਹੀ ਰਹਿਣੇ ਆਂ ਨਾਲ ਸ਼ੁਰੂਆਤ ਕੀਤੀ। ਹਸਤਿੰਦਰ ਦੀ ਗਾਇਕੀ ਦਾ ਜਾਦੂ ਇਸ ਕਦਰ ਛਾਇਆ ਹੋਇਆ ਸੀ ਕਿ ਹਾਲ ਖਚਾਖਚ ਭਰਿਆ ਹੋਇਆ ਸੀ ਤੇ ਦਰਸ਼ਕ ਤਾੜੀਆਂ ਅਤੇ ਕਿਲਕਾਰੀਆਂ ਦੇ ਨਾਲ ਚਹੇਤੇ ਗਾਇਕ ਦਾ ਸਵਾਗਤ ਕਰ ਰਹੇ ਸਨ।

ਇਸ ਮੌਕੇ ਮੰਚ ਸੰਚਾਲਨ ਦੀਪਕ ਬਾਵਾ ਨੇ ਕੀਤਾ। ਚਹਿਲ ਪੌਡਕਸ਼ਨਜ਼ ਤੋਂ ਬਿਕਰਮਜੀਤ ਸਿੰਘ ਚਹਿਲ, ਤਰਨ ਚਹਿਲ ਅਤੇ ਪਟਵਾਰੀ ਪੌਡਕਸ਼ਨਜ਼ ਤੋ ਪਰਮਿੰਦਰ ਸਿੰਘ ਸੰਧੂ, ਇੰਦਰ ਸਿੱਧੂ, ਗੁਰਵਿੰਦਰ ਮੰਤਰੀ, ਸੁਮਨ ਸਿਧਾਣਾ, ਵਰਿੰਦਰ ਰੇਡੂ, ਉਪਮ ਖਹਿਰਾ,ਪਰਿੰਸ ਭੀਖੀ, ਖੁਸ਼ ਖਹਿਰਾ ਰਮਨ ਕਲੇਰ ਨੇ ਜਿੱਥੇ ਇੰਨੀ ਵੱਡੀ ਗਿਣਤੀ ਵਿੱਚ ਪੁੱਜੇ ਦਰਸ਼ਕਾਂ ਦਾ ਧੰਨਵਾਦ ਕੀਤਾ ਅਤੇ ਨਾਲ ਹੀ ਕਿਹਾ ਕਿ ਉਹ ਮੈਲਬੌਰਨ ਵਾਸੀਆਂ ਦੇ ਹਮੇਸ਼ਾ ਰਿਣੀ ਰਹਿਣਗੇ।

The post ਮੈਲਬੌਰਨ ‘ਚ ਗਾਇਕ ਹਸਤਿੰਦਰ ਨੇ ਲੁਟਿਆ ਮੇਲਾ, ਗਾਇਕ ਬਾਗੀ ਭੰਗੂ ਨੇ ਵੀ ਬੰਨ੍ਹਿਆ ਰੰਗ appeared first on Ludhiana Live.