ਅਮਰੀਕੀ ਵਿਸ਼ਲੇਸ਼ਕ ਫਰਮ ਮਾਰਨਿੰਗਸਟਾਰ ਦਾ ਅੰਦਾਜ਼ਾ ਹੈ ਕਿ ਆਉਣ ਵਾਲੇ ਮਹੀਨਿਆਂ ‘ਚ ਸੋਨੇ ਦੀਆਂ ਕੀਮਤਾਂ ‘ਚ ਗਿਰਾਵਟ ਦਾ ਰੁਖ ਹੋ ਸਕਦਾ ਹੈ, ਜੋ ਕਿ 38 ਤੋਂ 40 ਫੀਸਦੀ ਤੱਕ ਹੋ ਸਕਦਾ ਹੈ।

ਸੋਨੇ ਦੀ ਕੀਮਤ ਕਿਉਂ ਡਿੱਗ ਸਕਦੀ ਹੈ?
ਮਾਹਿਰਾਂ ਮੁਤਾਬਕ ਸੋਨੇ ਦੀ ਕੀਮਤ ‘ਚ ਗਿਰਾਵਟ ਵਿਸ਼ਵ ਆਰਥਿਕ ਸਥਿਤੀ, ਕੇਂਦਰੀ ਬੈਂਕਾਂ ਦੀਆਂ ਨੀਤੀਆਂ ਅਤੇ ਅਮਰੀਕੀ ਡਾਲਰ ਦੀ ਮਜ਼ਬੂਤੀ ਕਾਰਨ ਹੋ ਸਕਦੀ ਹੈ। ਇਸ ਦੇ ਨਾਲ ਹੀ ਜੇਕਰ ਵਿੱਤੀ ਬਾਜ਼ਾਰ ‘ਚ ਸੁਧਾਰ ਹੁੰਦਾ ਹੈ ਤਾਂ ਵੀ ਸੋਨੇ ਦੀਆਂ ਕੀਮਤਾਂ ‘ਚ ਗਿਰਾਵਟ ਦੇਖਣ ਨੂੰ ਮਿਲ ਸਕਦੀ ਹੈ। ਖਾਸ ਤੌਰ ‘ਤੇ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਟੈਰਿਫ ਦੇ ਐਲਾਨ ਤੋਂ ਬਾਅਦ ਸੋਨੇ-ਚਾਂਦੀ ਦੀਆਂ ਕੀਮਤਾਂ ‘ਚ ਗਿਰਾਵਟ ਆਈ ਹੈ।

ਇੱਕ ਰਿਪੋਰਟ ਦੇ ਅਨੁਸਾਰ, ਵਿੱਤੀ ਸੇਵਾ ਕੰਪਨੀ ਮਾਰਨਿੰਗਸਟਾਰ ਦੇ ਵਿਸ਼ਲੇਸ਼ਕ ਜੌਹਨ ਮਿਲਸ ਦਾ ਮੰਨਣਾ ਹੈ ਕਿ ਸੋਨੇ ਦੀਆਂ ਕੀਮਤਾਂ ਲਗਭਗ 38% ਡਿੱਗ ਕੇ 1,820 ਡਾਲਰ ਪ੍ਰਤੀ ਔਂਸ ਰਹਿ ਸਕਦੀਆਂ ਹਨ।ਜੇਕਰ ਅਜਿਹਾ ਹੁੰਦਾ ਹੈ ਤਾਂ ਭਾਰਤ ‘ਚ ਸੋਨੇ ਦੀ ਕੀਮਤ 55,000 ਰੁਪਏ ਤੱਕ ਡਿੱਗ ਸਕਦੀ ਹੈ। ਇਸ ਗਿਰਾਵਟ ਦੇ ਪਿੱਛੇ ਦੋ ਮੁੱਖ ਕਾਰਨ ਹਨ- ਸੋਨੇ ਦੀ ਸਪਲਾਈ ਵਧਣਾ ਅਤੇ ਮੰਗ ਘਟਣਾ।

ਜਦੋਂ ਸੋਨੇ ਦੀਆਂ ਕੀਮਤਾਂ ਉੱਚੀਆਂ ਹੁੰਦੀਆਂ ਹਨ, ਮਾਈਨਿੰਗ ਕੰਪਨੀਆਂ ਵਧੇਰੇ ਸੋਨਾ ਕੱਢਣਾ ਸ਼ੁਰੂ ਕਰ ਦਿੰਦੀਆਂ ਹਨ, ਜਿਸ ਨਾਲ ਸੋਨੇ ਦਾ ਸਟਾਕ ਵਧਦਾ ਹੈ। ਇਸ ਤੋਂ ਇਲਾਵਾ, ਕੇਂਦਰੀ ਬੈਂਕ ਅਤੇ ਨਿਵੇਸ਼ਕ ਜ਼ਿਆਦਾ ਸੋਨਾ ਖਰੀਦ ਰਹੇ ਹਨ, ਪਰ ਕੀਮਤਾਂ ਵਧਣ ਕਾਰਨ ਮੰਗ ਘਟ ਰਹੀ ਹੈ।ਕੇਂਦਰੀ ਬੈਂਕ ਇਸ ਸਾਲ ਆਪਣੀ ਸੋਨੇ ਦੀ ਹੋਲਡਿੰਗ ਨੂੰ ਵੀ ਘਟਾ ਸਕਦੇ ਹਨ, ਜਿਸ ਨਾਲ ਭਵਿੱਖ ਵਿੱਚ ਮੰਗ ਘਟ ਸਕਦੀ ਹੈ ਅਤੇ ਕੀਮਤਾਂ ਵਿੱਚ ਗਿਰਾਵਟ ਆ ਸਕਦੀ ਹੈ।

ਇਸ ਤੋਂ ਸਾਫ ਹੈ ਕਿ ਜੇਕਰ ਤੁਸੀਂ ਸੋਨਾ ਖਰੀਦਣ ਬਾਰੇ ਸੋਚ ਰਹੇ ਹੋ ਤਾਂ ਆਉਣ ਵਾਲੇ ਮਹੀਨਿਆਂ ‘ਚ ਕੀਮਤਾਂ ‘ਚ ਗਿਰਾਵਟ ਦਾ ਫਾਇਦਾ ਉਠਾ ਸਕਦੇ ਹੋ। ਮਾਹਿਰਾਂ ਦਾ ਮੰਨਣਾ ਹੈ ਕਿ ਇਹ ਗਿਰਾਵਟ ਮੱਧ ਵਰਗ ਦੀ ਪਹੁੰਚ ਵਿੱਚ ਸੋਨਾ ਵਾਪਸ ਲਿਆ ਸਕਦੀ ਹੈ।

The post ਸੋਨਾ ਪ੍ਰੇਮੀਆਂ ਲਈ ਖੁਸ਼ਖਬਰੀ: 40,000 ਰੁਪਏ ਸਸਤਾ ਹੋ ਸਕਦਾ ਹੈ ਸੋਨਾ! ਇਹ ਹੈ ਵੱਡਾ ਕਾਰਨ appeared first on Ludhiana Live.