ਫਾਇਰ ਬ੍ਰਿਗੇਡ ਦੇ ਪਹੁੰਚਣ ਤੋਂ ਪਹਿਲਾਂ ਹੀ ਅੱਗ ‘ਤੇ ਕਾਫੀ ਹੱਦ ਤਕ ਕਾਬੂ ਪਾ ਲਿਆ ਗਿਆ ਸੀ। ਇਲਾਕਾ ਵਾਸੀਆਂ ਅਨੁਸਾਰ ਉਹ ਇਸ ਘਟਨਾ ਸਬੰਧੀ ਸਥਾਨਕ ਪੁਲਿਸ ਨੂੰ ਸੂਚਿਤ ਕਰਨਾ ਚਾਹੁੰਦੇ ਸਨ ਪਰ ਚੌਕੀ ਜਨਕਪੁਰੀ ਪੁਲਿਸ ਦੇ ਕਿਸੇ ਨੇ ਵੀ ਇਲਾਕਾ ਵਾਸੀਆਂ ਦਾ ਫੋਨ ਨਹੀਂ ਚੁੱਕਿਆ। ਇਹ ਅੱਗ ਸਿਦਕ ਗਾਰਮੈਂਟਸ ਨਾਂ ਦੀ ਫੈਕਟਰੀ ਵਿੱਚ ਲੱਗੀ। ਫੈਕਟਰੀ ਮਾਲਕ ਰਵਿੰਦਰ ਕੁਮਾਰ ਨੇ ਦੱਸਿਆ ਕਿ ਸ਼ੁੱਕਰਵਾਰ ਰਾਤ ਉਹ ਕੰਮ ਖਤਮ ਕਰਕੇ ਫੈਕਟਰੀ ਬੰਦ ਕਰਨ ਗਿਆ ਸੀ। ਸ਼ਨਿਚਰਵਾਰ ਤੜਕੇ ਇਲਾਕਾ ਨਿਵਾਸੀਆਂ ਨੂੰ ਫੋਨ ਆਇਆ ਕਿ ਉਨ੍ਹਾਂ ਦੀ ਫੈਕਟਰੀ ਦੀ ਤੀਜੀ ਮੰਜ਼ਿਲ ‘ਤੇ ਅੱਗ ਲੱਗ ਗਈ ਹੈ।

ਲੋਕਾਂ ਨੇ ਛੱਤਾਂ ਤੋਂ ਪਾਣੀ ਦੀਆਂ ਪਾਈਪਾਂ ਪਾ ਕੇ ਅੱਗ ਬੁਝਾਈ। ਮਾਲਕ ਅਨੁਸਾਰ ਫੈਕਟਰੀ ਵਿੱਚ ਸਿਲਾਈ ਲਈ ਰੱਖਿਆ ਮਾਲ ਅਤੇ 30 ਸਿਲਾਈ ਮਸ਼ੀਨਾਂ ਲੱਗੀਆਂ ਹੋਈਆਂ ਸਨ, ਜੋ ਅੱਗ ਲੱਗਣ ਨਾਲ ਸੜ ਗਈਆਂ। ਅੱਗ ਲੱਗਣ ਦੇ ਕਾਰਨਾਂ ਦਾ ਅਜੇ ਪਤਾ ਨਹੀਂ ਲੱਗ ਸਕਿਆ ਹੈ। ਜ਼ਿਕਰਯੋਗ ਹੈ ਕਿ ਸ਼ਹਿਰ ‘ਚ ਗਰਮੀਆਂ ਸ਼ੁਰੂ ਹੋਣ ਦੇ ਨਾਲ ਹੀ ਅੱਗ ਲੱਗਣ ਦੀਆਂ ਘਟਨਾਵਾਂ ‘ਚ ਵਾਧਾ ਹੋ ਰਿਹਾ ਹੈ। ਅੱਗ ਲੱਗਣ ਦਾ ਜ਼ਿਆਦਾਤਰ ਕਾਰਨ ਸ਼ਾਰਟ ਸਰਕਟ ਹੈ।

The post ਜਨਕਪੁਰੀ ਇਲਾਕੇ ‘ਚ ਫੈਕਟਰੀ ‘ਚ ਲੱਗੀ ਭਿਆਨਕ ਅੱਗ, ਲੋਕਾਂ ਨੇ ਪਾਇਆ ਅੱਗ ‘ਤੇ ਕਾਬੂ appeared first on Ludhiana Live.