ਫ਼ਿਲਮ ਦਾ ਨਿਰਦੇਸ਼ਨ ਅਦਵੈਤ ਚੰਦਨ ਨੇ ਕੀਤਾ ਹੈ। ਟ੍ਰੇਲਰ ਰਿਲੀਜ਼ ਹੁੰਦੇ ਹੀ ਫ਼ਿਲਮ ਲਗਾਤਾਰ ਸੁਰਖੀਆਂ ’ਚ ਰਹੀ। ਹਾਲਾਂਕਿ ਫ਼ਿਲਮ ਨੂੰ ਲੈ ਕੇ ਕਈ ਵਿਵਾਦ ਵੀ ਦੇਖਣ ਨੂੰ ਮਿਲੇ ਹਨ।

ਜਾਣਕਾਰੀ ਅਨੁਸਾਰ ਇਸ ਫ਼ਿਲਮ ਦੀ ਕਹਾਣੀ ਪੰਜਾਬ ’ਚ ਪੈਦਾ ਹੋਏ ਇਕ ਬੱਚੇ ਤੋਂ ਸ਼ੁਰੂ ਹੁੰਦੀ ਹੈ ਜੋ ਅਪਾਹਜ ਹੈ। ਉਹ ਬਿਨਾਂ ਸਹਾਰੇ ਤੁਰ ਨਹੀਂ ਸਕਦਾ। ਇਸ ਬੱਚੇ ਦਾ ਨਾਂ ਲਾਲ ਸਿੰਘ ਚੱਢਾ ਹੈ। ਉਸ ਦੀ ਮਾਂ ਉਸ ਨੂੰ ਪਿਆਰ ਨਾਲ ਲਾਲ ਕਹਿ ਕੇ ਬੁਲਾਉਂਦੀ ਹੈ। ਬਾਕੀ ਬੱਚਿਆਂ ਨਾਲੋਂ ਵੱਖ ਹੋਣ ਕਾਰਨ ਲੋਕ ਲਾਲ ਦਾ ਮਜ਼ਾਕ ਉਡਾਉਂਦੇ ਹਨ।

ਇਸ ਤੋਂ ਲਾਲ ਦੇ ਜੀਵਨ ’ਚ ਛੋਟੀ ਪਿਆਰੀ ਬੱਚੀ ਦੀ ਐਂਟਰੀ ਹੁੰਦੀ ਹੈ। ਜਿਸ ਦਾ ਨਾਂ ਰੂਪਾ ਅਤੇ ਇਹ ਸਕੂਲ ’ਚ ਮਿਲਦੇ ਹਨ। ਲਾਲ ਨੂੰ ਰੂਪਾ ਨਾਲ ਪਿਆਰ ਹੋ ਜਾਂਦਾ ਹੈ। ਇਸ ’ਚ ਕੋਈ ਸ਼ੱਕ ਨਹੀਂ ਹੈ ਕਿ ਆਮਿਰ ਖ਼ਾਨ ਇਕ ਮਹਾਨ ਅਦਾਕਾਰ ਹਨ, ਪਰ ਲਾਲ ਸਿੰਘ ਚੱਢਾ ਆਮਿਰ ਖ਼ਾਨ ਲਈ ਹੁਣ ਤੱਕ ਦੇ ਸਭ ਤੋਂ ਚੁਣੌਤੀਪੂਰਨ ਕਿਰਦਾਰਾਂ ’ਚੋਂ ਇਕ ਹੈ।

ਬੇਮਿਸਾਲ ਤਰੀਕੇ ਨਾਲ ਆਮਿਰ ਨੇ ਸ਼ਾਨਦਾਰ ਕਹਾਣੀ ਸੁਣਾਈ ਹੈ। ਦੂਜੇ ਪਾਸੇ ਕਰੀਨਾ ਕਪੂਰ ਖ਼ਾਨ ਇਸ ਵਾਰ ਵੀ ਆਮ ਵਾਂਗ ਹਿੱਟ ਰਹੀ ਹੈ। ਨਾਗਾ ਚੈਤੰਨਿਆ ਅਤੇ ਮੋਨਾ ਸਿੰਘ ਨੇ ਵੀ ਵਧੀਆ ਕੰਮ ਕੀਤਾ ਹੈ।

ਅਦਵੈਦ ਚੰਦਨ ਨੇ ਫ਼ਿਲਮ ’ਚ ਚੰਗਾ ਕੰਮ ਕੀਤਾ ਹੈ। ਫ਼ਿਲਮ ਦਾ ਹਰ ਸ਼ਾਰਟ ਸ਼ਾਨਦਾਰ ਹੈ, ਜਿਸ ਦਾ ਸਿਹਰਾ ਸਿਨੇਮੈਟੋਗ੍ਰਾਫ਼ਰ ਸਤਿਆਜੀਤ ਪਾਂਡੇ ਨੂੰ ਦਿੱਤਾ ਜਾਂਦਾ ਹੈ। ਤਕਨੀਕੀ ਹਿੱਸੇ ਦੀ ਗੱਲ ਕਰੀਏ ਤਾਂ ਫ਼ਿਲਮ ਦਾ BFX ਸ਼ਾਨਦਾਰ ਹੈ। ਤੁਹਾਨੂੰ ਇਸ ਤਰ੍ਹਾਂ ਲਗੇਗਾ ਕਿ ਤੁਸੀਂ ਵੀ ਆਮਿਰ ਖ਼ਾਨ ਨਾਲ ਹਰ ਜਗ੍ਹਾ ’ਤੇ ਜਾ ਰਹੇ ਹੋ।

ਇਸ ਦੇ ਨਾਲ ਹੀ ਫ਼ਿਲਮ ਖ਼ਤਮ ਹੋਣ ਤੋਂ ਬਾਅਦ ਵੀ ਤੁਸੀਂ ਇਹ ਮਹਿਸੂਸ ਕਰੋਗੇ ਕਿ ਫ਼ਿਲਮ ਤੁਹਾਡੇ ਦਿਮਾਗ ’ਚ ਕਈ ਸਵਾਲ ਛੱਡ ਗਈ ਹੈ। ਜਦੋਂ ਆਮਿਰ ਦੀ ਫ਼ਿਲਮ ਦੀ ਗੱਲ ਆਉਂਦੀ ਹੈ ਤਾਂ ਤੁਹਾਨੂੰ ਕਮੀ ਕੱਢਣਾ ਔਖਾ ਲੱਗਦਾ ਹੈ। ਉਸ ਦੀਆਂ ਫ਼ਿਲਮਾਂ ਦੀ ਇਕ ਖਾਸੀਅਤ ਇਹ ਹੈ ਕਿ ਫ਼ਿਲਮ ’ਚ ਸਭ ਕੁਝ ਪਰਫ਼ੈਕਟ ਹੈ। ਫ਼ਿਲਮ ਦੇ ਗੀਤ ਹੋਣ ਜਾਂ ਬੈਕਗਰਾਊਂਡ ਮਿਊਜ਼ਿਕ, ਸਭ ਕਮਾਲ ਹੈ।

The post ਬਾਈਕਾਟ ਦੀ ਕਾਲ ਦੇ ਬਾਵਜੂਦ ਲਾਲ ਸਿੰਘ ਚੱਢਾ ਨੂੰ ਮਿਲਿਆ ਦਰਸ਼ਕਾਂ ਦਾ ਭਰਵਾਂ ਹੁੰਗਾਰਾ appeared first on Ludhiana Live.