ਇਸ ਮੌਕੇ ਭਾਰਤ ਸਰਕਾਰ ਦੇ ਸਿੱਖਿਆ ਮੰਤਰਾਲੇ ਦੇ ਮਹਾਤਮਾ ਗਾਂਧੀ ਨੈਸ਼ਨਲ ਕੌਂਸਲ ਫਾਰ ਰੂਰਲ ਐਜੂਕੇਸ਼ਨ ਦੇ ਪ੍ਰੋਜੈਕਟ ਐਸੋਸੀਏਟ ਪ੍ਰੋ ਰਾਜੇਸ਼ ਕੁਮਾਰ ਮੁੱਖ ਮਹਿਮਾਨ ਵਜੋਂ ਸ਼ਾਮਲ ਹੋਏ। ਪੰਜਾਬ ਯੂਨੀਵਰਸਿਟੀ, ਚੰਡੀਗੜ੍ਹ ਦੇ ਬਾਟਨੀ ਵਿਭਾਗ ਦੇ ਪ੍ਰੋਫੈਸਰ ਡਾ ਡੇਜ਼ੀ ਬਾਤਿਸ਼ ਵੀ ਵਿਸ਼ੇਸ਼ ਮਹਿਮਾਨ ਹਨ। ਕਾਲਜ ਕੈਂਪਸ ਪਹੁੰਚਣ ਤੇ ਕਾਲਜ ਪਿ੍ਰੰਸੀਪਲ ਡਾ ਮੁਕਤੀ ਗਿੱਲ ਤੇ ਅਧਿਆਪਕਾਂ ਵੱਲੋਂ ਮੁੱਖ ਮਹਿਮਾਨ ਦਾ ਨਿੱਘਾ ਸਵਾਗਤ ਕੀਤਾ ਗਿਆ।

ਇਸ ਫੈਸਟ ਦਾ ਮੁੱਢਲਾ ਉਦੇਸ਼ ਨੌਜਵਾਨ ਵਿਦਿਆਰਥੀਆਂ ਵਿੱਚ ਉੱਦਮੀ ਗੁਣਾਂ ਅਤੇ ਉੱਦਮੀ ਕਲਾ ਦਾ ਵਿਕਾਸ ਕਰਨਾ ਸੀ। ਇਸ ਮੌਕੇ ਵਿਦਿਆਰਥੀਆਂ ਵੱਲੋਂ 50 ਦੇ ਕਰੀਬ ਸਟਾਲ ਲਗਾਏ ਗਏ। ਇਹ ਸਟਾਲ ਭੋਜਨ ਨਾਲ ਸਬੰਧਤ ਪਕਵਾਨਾਂ, ਹੱਥ ਨਾਲ ਬਣੀਆਂ ਵੱਖ-ਵੱਖ ਕਲਾ ਕਿਰਤਾਂ, ਵੱਖ-ਵੱਖ ਪੌਦਿਆਂ ਅਤੇ ਬਾਗਬਾਨੀ ਦੀਆਂ ਚੀਜ਼ਾਂ ਦੇ ਸਨ। ਇਸ ਦੇ ਨਾਲ ਹੀ ਫੈਸ਼ਨ ਤੇ ਕਰਾਫਟ ਨਾਲ ਸਬੰਧਤ ਸਟਾਲ ਵੀ ਲਗਾਏ ਗਏ।

ਕਾਲਜ ਦੇ ਪ੍ਰਿੰਸੀਪਲ ਡਾ ਮੁਕਤੀ ਗਿੱਲ ਨੇ ਡਾ ਕਮਲਜੀਤ ਗਰੇਵਾਲ ਨੋਡਲ ਅਫਸਰ, ਮਹਾਤਮਾ ਗਾਂਧੀ ਨੈਸ਼ਨਲ ਕੌਂਸਲ ਫਾਰ ਰੂਰਲ ਐਜੂਕੇਸ਼ਨ ਅਤੇ ਇਸ ਫੈਸਟ ਦੇ ਪ੍ਰਬੰਧਕਾਂ ਨੂੰ ਉਨ੍ਹਾਂ ਦੇ ਸ਼ਲਾਘਾਯੋਗ ਯਤਨਾਂ ਲਈ ਵਧਾਈ ਦਿੱਤੀ ਅਤੇ ਕਿਹਾ ਕਿ ਅਜਿਹੇ ਤਿਉਹਾਰ ਵਿਦਿਆਰਥਣਾਂ ਲਈ ਬਹੁਤ ਲਾਭਦਾਇਕ ਹੁੰਦੇ ਹਨ, ਉਹ ਵਿਦਿਆਰਥਣਾਂ ਵਿੱਚ ਉੱਦਮੀ ਦੇ ਗੁਣਾਂ ਨੂੰ ਸੁਧਾਰਨ ਲਈ ਕੰਮ ਕਰਦੇ ਹਨ।

The post ਖਾਲਸਾ ਕਾਲਜ ਫਾਰ ਵੂਮੈਨ ਵਿਖੇ ਐਕਸਕੈਲੀਬਰ ਐਂਟਰਪ੍ਰੈਨਯੋਰਸ਼ਿਪ ਫੈਸਟ- 2023 ਦਾ ਆਯੋਜਨ appeared first on Ludhiana Live.