ਇਸ ਮੁਕਾਬਲੇ ਵਿਚ ਲੁਧਿਆਣਾ ਅਤੇ ਆਸ-ਪਾਸ ਦੇ 11 ਕਾਲਜਾਂ ਦੀਆਂ ਟੀਮਾਂ ਨੇ ਹਿੱਸਾ ਲਿਆ, ਜਿਨ੍ਹਾਂ ਵਿਚ ਖੰਨਾ, ਦੋਰਾਹਾ, ਸਿੱਧਵਾਂ ਅਤੇ ਅਲੌਰ ਦੇ ਕਾਲਜ ਵੀ ਸ਼ਾਮਲ ਸਨ। ਇਨ੍ਹਾਂ ਕਾਲਜਾਂ ਦੇ ਲਗਭਗ 40 ਉੱਭਰਦੇ ਵਿਦਵਾਨਾਂ ਨੇ ਆਈਟੀ, ਸਾਈਬਰ ਸੁਰੱਖਿਆ, ਊਰਜਾ ਸੰਭਾਲ, ਫਲੋਰ ਵੇਸਟ ਮੈਨੇਜਮੈਂਟ, ਜਾਨਵਰਾਂ ਦੀ ਸੁਰੱਖਿਆ, ਪ੍ਰਕਿਰਿਆ, ਉਤਪਾਦ, ਕਾਰੋਬਾਰ, ਹੁਨਰ ਅਤੇ ਮਾਰਕੀਟਿੰਗ ਨਾਲ ਸਬੰਧਤ ਆਪਣੇ ਨਵੀਨਤਾਕਾਰੀ ਵਿਚਾਰ ਪੇਸ਼ ਕੀਤੇ।

ਐੱਸ ਡੀ ਪੀ ਕਾਲਜ ਫਾਰ ਵੂਮੈਨ ਦੀ ਰੀਆ ਗੁਪਤਾ ਤੇ ਭੂਮਿਕਾ ਤੇ ਬੀ ਸੀ ਐੱਮ ਕਾਲਜ ਆਫ ਐਜੂਕੇਸ਼ਨ ਲੁਧਿਆਣਾ ਦੇ ਰਾਹੁਲ ਤੇ ਸ਼ਿਵਮ ਨੂੰ ਪਹਿਲਾ,  ਖਾਲਸਾ ਕਾਲਜ ਫਾਰ ਵੂਮੈਨ ਦੀ ਮਨਪ੍ਰੀਤ ਕੌਰ ਤੇ ਰਾਜਿੰਦਰ ਕੌਰ ਨੂੰ ਦੂਜਾ ਤੇ ਗੌਰਮਿੰਟ ਕਾਲਜ ਲੁਧਿਆਣਾ ਤੋਂ ਕੁਮਕੁਮ ਚੌਧਰੀ ਤੇ ਮੱਲਿਕਾ ਚੁੱਘ ਨੂੰ ਤੀਜਾ ਐਲਾਨਿਆ ਗਿਆ। ਜੇਤੂਆਂ ਨੂੰ ਟਰਾਫੀਆਂ ਅਤੇ ਸਰਟੀਫਿਕੇਟ ਦਿੱਤੇ ਗਏ। ਪ੍ਰਿੰਸੀਪਲ ਡਾ ਮੁਹੰਮਦ ਸਲੀਮ ਨੇ ਨੌਜਵਾਨ ਖੋਜੀਆਂ ਵਿਚ ਉੱਭਰ ਰਹੀ ਰਚਨਾਤਮਕਤਾ ਦੀ ਸ਼ਲਾਘਾ ਕੀਤੀ।

The post ਵਿਦਿਆਰਥੀਆਂ ਲਈ ਜ਼ਿਲ੍ਹਾ ਪੱਧਰੀ ਨਵੀਨਤਾਕਾਰੀ ਅਤੇ ਸੂਝਵਾਨ ਵਿਚਾਰ ਮੁਕਾਬਲਾ appeared first on Ludhiana Live.