ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ ‘ਤੇ ਪ੍ਰਿਅੰਕਾ ਚੋਪੜਾ ਦਾ ਇਕ ਵੀਡੀਓ ਕਾਫ਼ੀ ਵਾਇਰਲ ਹੋ ਰਿਹਾ ਹੈ, ਜਿਸ ‘ਚ ਉਹ ਬਾਥਰੂਮ ਦੇ ਸ਼ੀਸ਼ੇ ‘ਤੇ ਕੁਝ ਲਿਖਦੀ ਹੋਈ ਨਜ਼ਰ ਆ ਰਹੀ ਹੈ। ਦੱਸ ਦਈਏ ਕਿ ਇਸ ਵੀਡੀਓ ‘ਚ ਪ੍ਰਿਯੰਕਾ ਚੋਪੜਾ ਸ਼ੀਸ਼ੇ ‘ਤੇ 26 ਅਗਸਤ ਲਿਖਦੀ ਨਜ਼ਰ ਆ ਰਹੀ ਹੈ। ਜਦੋਂਕਿ ਉਸ ਨੇ ਇਸ ਦੇ ਹੇਠਾਂ ਇਕ ਸਮਾਈਲੀ ਵਾਲਾ ਇਮੋਜੀ ਵੀ ਬਣਾਇਆ ਹੈ। ਇਸ ਵੀਡੀਓ ਨੂੰ ਵੇਖਣ ਤੋਂ ਬਾਅਦ ਪ੍ਰਸ਼ੰਸਕ ਤਰ੍ਹਾਂ-ਤਰ੍ਹਾਂ ਕਿਆਸ ਲਗਾ ਰਹੇ ਹਨ।

ਕੋਈ ਆਖ ਰਿਹਾ ਹੈ ਕਿ ਇਸ ਦਿਨ ਪ੍ਰਿਯੰਕਾ ਆਪਣੀ ਅੰਗਰੇਜ਼ੀ ਵੈੱਬ ਸੀਰੀਜ਼ ਦਾ ਟੀਜ਼ਰ ਰਿਲੀਜ਼ ਕਰੇਗੀ ਅਤੇ ਉਥੇ ਹੀ ਕੁਝ ਲੋਕ ਇਹ ਵੀ ਆਖ ਰਹੇ ਹਨ ਕਿ ਉਹ ਇਸ ਦਿਨ ਆਪਣਾ ਰੈਸਟੋਰੈਂਟ ਖੋਲ੍ਹੇਗੀ। ਹੁਣ ਪ੍ਰਿਯੰਕਾ ਨੂੰ ਪਤਾ ਹੈ ਕਿ ਇਸ ਦਿਨ ਕੀ ਖ਼ਾਸ ਹੋਣ ਵਾਲਾ ਹੈ। ਇਸ ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਪ੍ਰਿਯੰਕਾ ਨੇ ਕੈਪਸ਼ਨ ‘ਚ ਲਿਖਿਆ, ”ਦੀਵਾਰ ‘ਤੇ ਮਿਰਰ ਮਿਰਰ… ਮੈਂ ਇਸ ਗੱਲ ਨੂੰ ਹੋਰ ਪ੍ਰਗਟ ਕਰਨ ਲਈ ਇੰਤਜ਼ਾਰ ਨਹੀਂ ਕਰ ਸਕਦੀ… ਇਸ ਲਈ ਸਾਡੇ ਨਾਲ ਰਹੋ।”

ਦੱਸਣਯੋਗ ਹੈ ਕਿ ਪ੍ਰਿਯੰਕਾ ਚੋਪੜਾ ਜਲਦ ਹੀ ਰੂਸੋ ਬ੍ਰਦਰਜ਼ ਪ੍ਰੋਡਕਸ਼ਨ, ਸਿਟਾਡੇਲ ਵਿਚ ਨਜ਼ਰ ਆਵੇਗੀ। ਉਹ ਹਾਲੀਵੁੱਡ ਫ਼ਿਲਮ ‘ਐਂਡਿੰਗ ਥਿੰਗਜ਼’ ਅਤੇ ‘ਇਟਸ ਆਲ ਕਮਿੰਗ ਬੈਕ ਟੂ ਮੀ’ ‘ਚ ਵੀ ਨਜ਼ਰ ਆਵੇਗੀ। ਉਸ ਨੇ ਆਲੀਆ ਭੱਟ ਅਤੇ ਕੈਟਰੀਨਾ ਕੈਫ ਨਾਲ ਬਾਲੀਵੁੱਡ ਫ਼ਿਲਮ ‘ਜੀ ਲੇ ਜ਼ਾਰਾ’ ਵੀ ਸਾਈਨ ਕੀਤੀ ਹੈ।

The post ਦੇਸੀ ਗਰਲ ਪ੍ਰਿਅੰਕਾ ਚੋਪੜਾ ਨੇ ਮੁੜ ਵਧਾਇਆ ਪ੍ਰਸ਼ੰਸਕਾਂ ਦਾ ਉਤਸ਼ਾਹ, ਦਿੱਤੀ ਇਹ ਖ਼ੁਸ਼ਖਬਰੀ appeared first on Ludhiana Live.