ਪੱਛਮੀ ਰੇਲਵੇ ਦੇ ਅਧਿਕਾਰੀਆਂ ਮੁਤਾਬਕ ਅਹਿਮਦਾਬਾਦ-ਭੁਜ ਵੰਦੇ ਮੈਟਰੋ ਟਰੇਨ, ਜਿਸ ਨੂੰ ਹੁਣ ਨਮੋ ਭਾਰਤ ਰੈਪਿਡ ਰੇਲ ਦੇ ਨਾਂ ਨਾਲ ਜਾਣਿਆ ਜਾਵੇਗਾ, ਨੌਂ ਸਟੇਸ਼ਨਾਂ ‘ਤੇ ਰੁਕੇਗੀ। ਇਹ ਟਰੇਨ ਵੱਧ ਤੋਂ ਵੱਧ 110 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਨਾਲ ਚੱਲਦੀ ਹੈ ਅਤੇ 360 ਕਿਲੋਮੀਟਰ ਦਾ ਸਫ਼ਰ ਪੰਜ ਘੰਟੇ 45 ਮਿੰਟ ਵਿੱਚ ਪੂਰਾ ਕਰੇਗੀ।ਟਰੇਨ ਸਵੇਰੇ 5:05 ਵਜੇ ਭੁਜ ਤੋਂ ਰਵਾਨਾ ਹੋਵੇਗੀ ਅਤੇ 10:50 ਵਜੇ ਅਹਿਮਦਾਬਾਦ ਜੰਕਸ਼ਨ ਪਹੁੰਚੇਗੀ। ਨਿਯਮਤ ਸੇਵਾ 17 ਸਤੰਬਰ ਤੋਂ ਸ਼ੁਰੂ ਹੋਵੇਗੀ ਅਤੇ ਪੂਰੀ ਯਾਤਰਾ ਦਾ ਕਿਰਾਇਆ 455 ਰੁਪਏ ਹੋਵੇਗਾ।

ਵੰਦੇ ਮੈਟਰੋ ਟਰੇਨ ਵਿੱਚ 12 ਕੋਚ ਹੋਣਗੇ, ਜਿਸ ਵਿੱਚ 1,150 ਯਾਤਰੀ ਬੈਠ ਸਕਣਗੇ। ਇਹ ਟਰੇਨ 110 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫਤਾਰ ਨਾਲ ਚੱਲਦੀ ਹੈ, ਜਿਸ ਨਾਲ ਯਾਤਰਾ ਤੇਜ਼ ਹੋਵੇਗੀ ਅਤੇ ਕੁਸ਼ਲਤਾ ਵਧੇਗੀ। ਟਰੇਨ ‘ਚ ‘ਕਵਚ’ ਵਰਗੀ ਉੱਨਤ ਸੁਰੱਖਿਆ ਪ੍ਰਣਾਲੀ ਵੀ ਲਗਾਈ ਗਈ ਹੈ, ਜੋ ਟਕਰਾਅ ਨੂੰ ਰੋਕਣ ‘ਚ ਮਦਦ ਕਰੇਗੀ।

ਰੇਲਵੇ ਨੇ ਸੂਚਿਤ ਕੀਤਾ ਹੈ ਕਿ ਨਮੋ ਭਾਰਤ ਰੈਪਿਡ ਰੇਲ ਪੂਰੀ ਤਰ੍ਹਾਂ ਏਅਰ ਕੰਡੀਸ਼ਨਡ ਅਤੇ ਅਨਰਿਜ਼ਰਵਡ ਹੈ। ਯਾਤਰੀ ਰੇਲਗੱਡੀ ਦੇ ਰਵਾਨਗੀ ਤੋਂ ਕੁਝ ਸਮਾਂ ਪਹਿਲਾਂ ਕਾਊਂਟਰ ਤੋਂ ਟਿਕਟਾਂ ਖਰੀਦ ਸਕਦੇ ਹਨ। ਇਸ ਟਰੇਨ ਨੂੰ ਸਵਦੇਸ਼ੀ ਸੈਮੀ-ਹਾਈ-ਸਪੀਡ ਟਰੇਨ ਵੰਦੇ ਭਾਰਤ ਦੀ ਤਰਜ਼ ‘ਤੇ ਡਿਜ਼ਾਈਨ ਕੀਤਾ ਗਿਆ ਹੈ, ਜੋ ਯਾਤਰੀਆਂ ਨੂੰ ਬਿਹਤਰ ਸੁਵਿਧਾ ਅਤੇ ਆਰਾਮ ਪ੍ਰਦਾਨ ਕਰੇਗੀ।

The post ਰੇਲਵੇ ਨੇ ਬਦਲਿਆ ‘ਵੰਦੇ ਮੈਟਰੋ’ ਦਾ ਨਾਂ, PM ਮੋਦੀ ਦੇ ਉਦਘਾਟਨ ਤੋਂ ਪਹਿਲਾਂ ਰੇਲਵੇ ਨੇ ਦਿੱਤੀ ਨਵੀਂ ਪਛਾਣ appeared first on Ludhiana Live.