ਹੁਣ ਟਵਿੱਟਰ ਤੇ ਕੋਰੋਨਾ ਬਾਰੇ ਗਲਤ ਸੂਚਨਾਵਾਂ ਫੈਲਾਉਣ ਵਾਲੇ ਅਕਾਊਂਟ ਉੱਤੇ ਹੋਵੇਗੀ ਸਖ਼ਤ ਕਾਰਵਾਈ

ਮਿਲੀ ਜਾਣਕਾਰੀ ਅਨੁਸਾਰ ਟਵਿੱਟਰ ਨੇ ਕਿਹਾ ਹੈ ਕਿ ਅਜਿਹੇ ਟਵੀਟ ‘ਤੇ ਸੰਕੇਤ ਲਗਾਉਣੇ ਸ਼ੁਰੂ ਕਰ ਦਿੱਤੇ ਹਨ ਜਿਹਨਾਂ ਵਿਚ ਕੋਵਿਡ-19 ਟੀਕਾਕਰਨ ਦੇ ਬਾਰੇ ਵਿਚ ਗ਼ਲਤ ਸੂਚਨਾਵਾਂ ਦਿੱਤੀਆਂ ਗਈਆਂ ਹਨ। ਉਥੇ ਹੀ ਟਵਿੱਟਰ ਨੇ ਇਹ ਵੀ ਕਿਹਾ ਹੈ ਕਿ ਉਸ ਦੇ ਨਿਯਮਾਂ ਦੀ ਵਾਰ-ਵਾਰ ਉਲੰਘਣਾ ਕਰਨ ਵਾਲੇ ਅਕਾਊਂਟ ਨੂੰ ਬੰਦ ਕਰਨ ਲਈ ਉਹ ‘ਸਟ੍ਰਾਇਕ ਪ੍ਰਣਾਲੀ’ ਦੀ ਵਰਤੋਂ ਕਰ ਰਿਹਾ ਹੈ। ਕੰਪਨੀ ਨੇ ਬੀਤੇ ਹੀ ਦਿਨ ਕਿਹਾ ਕਿ ਉਹ ਕੁਝ ਸੁਪਰਵਾਈਜ਼ਰਾਂ ਦੀ ਮਦਦ ਲੈ ਰਹੀ ਹੈ ਜੋ ਇਹ ਮੁਲਾਂਕਣ ਕਰ ਰਹੇ ਹਨ ਕਿ ਇਹ ਟਵੀਟ ਕੋਵਿਡ-19 ਟੀਕਾ ਗੁਮਰਾਹ ਸੂਚਨਾਵਾਂ ਖ਼ਿਲਾਫ਼ ਉਸ ਦੀ ਨੀਤੀ ਦੀ ਉਲੰਘਣਾ ਤਾਂ ਨਹੀਂ ਕਰ ਰਹੇ।

ਉਥੇ ਹੀ ਤੁਹਾਨੂੰ ਦੱਸ ਦਿੰਦੇ ਹਾਂ ਕਿ ਇਸ ਤੋਂ ਪਹਿਲਾਂ ਵੀ ਦਸੰਬਰ ਵਿਚ ਵੀ ਟਵਿੱਟਰ ਨੇ ਕੋਵਿਡ-19 ਦੇ ਬਾਰੇ ਵਿਚ ਗ਼ਲਤ ਤੇ ਗੁਮਰਾਹ ਵਾਲਿਆਂ ਸੂਚਨਾਵਾਂ ਖ਼ਿਲਾਫ਼ ਕਦਮ ਚੁੱਕੇ ਸਨ। ਕੰਪਨੀ ਨੇ ਬਲਾਗ ਪੋਸਟ ਵਿਚ ਲਿਖਿਆ,”ਸਟ੍ਰਾਇਕ ਪ੍ਰਣਾਲੀ ਦੀ ਮਦਦ ਨਾਲ ਸਾਨੂੰ ਇਹ ਆਸ ਹੈ ਕਿ ਲੋਕਾਂ ਨੂੰ ਇਸ ਬਾਰੇ ਵਿਚ ਸਿੱਖਿਅਤ ਕਰ ਸਕਾਂਗੇ ਕਿ ਕੁਝ ਸਮੱਗਰੀ ਸਾਡੇ ਨਿਯਮਾਂ ਦੀ ਵਿਰੋਧੀ ਹੈ ਤਾਂ ਜੋ ਉਹ ਆਪਣੇ ਵਤੀਰੇ ਅਤੇ ਲੋਕ ਗੱਲਬਾਤ ਦੇ ਪ੍ਰਭਾਵ ‘ਤੇ ਮੁੜ ਵਿਚਾਰ ਕਰ ਸਕਣ।” ਨਿਯਮਾਂ ਦੀ ਇਕ ਵਾਰ ਉਲੰਘਣਾ ਕਰਨ ਵਾਲਿਆਂ ਖ਼ਿਲਾਫ਼ ਕੋਈ ਕਾਰਵਾਈ ਨਹੀਂ ਕੀਤੀ ਜਾਵੇਗੀ, ਦੋ ਵਾਰ ਉਲੰਘਣਾ ਜਾਂ ਸਟ੍ਰਾਇਕ ਹੋਣ ‘ਤੇ ਅਕਾਊਂਟ ਨੂੰ 12 ਘੰਟੇ ਲਈ ਬਲਾਕ ਕਰ ਦਿੱਤਾ ਜਾਵੇਗਾ। ਪੰਜ ਜਾਂ ਜ਼ਿਆਦਾ ਵਾਰ ਦੀ ਉਲੰਘਣਾ ‘ਤੇ ਟਵਿੱਟਰ ਸਥਾਈ ਪਾਬੰਦੀ ਲਗਾ ਦੇਵੇਗਾ।